୪ ଜଣ ଆତଙ୍କବାଦୀଙ୍କୁ ଗିରଫ କଲା ଦିଲ୍ଲୀ ପୁଲିସର ସ୍ପେଶାଲ ସେଲ

ନୂଆଦିଲ୍ଲୀ: ଦିଲ୍ଲୀ ପୁଲିସର ସ୍ପେଶାଲ୍ ସେଲ୍ ଶନିବାର ଏକ ବଡ଼ ସଫଳତା ପାଇଛି। ଦିଲ୍ଲୀର ସ୍ପେଶାଲ ସେଲ ଅନସର ଗଜୱତ-ଉଲ-ହିନ୍ଦର ଚାରିଜଣ ଆତଙ୍କବାଦୀଙ୍କୁ ଗିରଫ କରିଛି। ସୂଚନାନୁସାରେ, ସେମାନେ ଦିଲ୍ଲୀର ଜନଗହଳିପୂର୍ଣ୍ଣ ଅଞ୍ଚଳରେ ଏକ ବଡ଼ ଘଟଣା କରିବାକୁ ଯୋଜନା କରିଥିଲେ। ଏହାପୂର୍ବରୁ ପୁଲିସ ଏହି ଚାରି ଆତଙ୍କବାଦୀଙ୍କୁ ଧରିଥିଲା। ଅଭିଯୁକ୍ତଙ୍କ ନିକଟରୁ ଚାରିଟି ପିସ୍ତଲ ଏବଂ ୧୨୦ଟି କାର୍ଟ୍ରିଜ ଉଦ୍ଧାର କରାଯାଇଛି |

ସୂଚନା ଅନୁଯାୟୀ ଏହି ସମସ୍ତ ଆତଙ୍କବାଦୀ ୨୯ ସେପ୍ଟେମ୍ବରରେ ଦିଲ୍ଲୀ ଆସିଥିଲେ। ଏଠାକୁ ଆସି ସେ ଅସ୍ତ୍ରଶସ୍ତ୍ର ସଂଗ୍ରହ କରିଥିଲେ | ଦିଲ୍ଲୀରେ ଉତ୍ସବ ପୂର୍ବରୁ ଏହି ଆତଙ୍କବାଦୀମାନେ କୌଣସି ଅଘଟଣ ଘଟାଇବାକୁ ଯୋଜନା କରିଥିଲେ | ଆଉ ଏ ବାବଦରେ ଦିଲ୍ଲୀ ପୁଲିସର ସ୍ପେଶାଲ ସେଲକୁ ଗୁଇନ୍ଦା ବିଭାଗ ଆଲର୍ଟ କରାଇଥିଲା |

ଏହା ପରେ ସ୍ପେଶାଲ ସେଲ ଚଢ଼ାଉ ଆରମ୍ଭ କରିଥିଲା | ଆଉ ଏହି ୪ ଜଣ ଆତଙ୍କବାଦୀଙ୍କୁ ଗିରଫ କରିଥିଲା | ତେବେ ଆତଙ୍କବାଦୀଙ୍କ ଯୋଜନା ବାବଦରେ ଜାଣିବା ପରେ ସୁରକ୍ଷା ଏଜେନ୍ସି ସଜାଗ ହୋଇଯାଇଛନ୍ତି। ତେବେ ଏମାନଙ୍କ ସହ ଆଉ କେଉଁ ସ୍ଥାନୀୟ ଲୋକଙ୍କର ସମ୍ପୃକ୍ତି ରହିଛି ସେ ବାବଦରେ ପୁଲିସ ଏବେ ଖୋଳତାଡ଼ କରୁଛି |