୪ ସ୍ତ୍ରୀ ଏବଂ ୩୬ ସନ୍ତାନ ଏବେ ଆଉ ଚାଲିବ ନାହିଁ: ବିଜେପି ବିଧାୟକଙ୍କ ବଡ଼ ମନ୍ତବ୍ୟ

ଜୟପୁର: ରାଜସ୍ଥାନ ଜୟପୁରର ହୱାମହଲର ବିଜେପି ବିଧାୟକ ବାଲମୁକୁନ୍ଦ ଆଚାର୍ଯ୍ୟ ଜନ ସଂଖ୍ୟା ନିୟନ୍ତ୍ରଣ ନେଇ ଏକ ବଡ଼ ବିବାଦୀୟ ମନ୍ତବ୍ୟ ଦେଇଛନ୍ତି। ସେ କହିଛନ୍ତି ୪ ସ୍ତ୍ରୀ ଏବଂ ୩୬ ସନ୍ତାନ ଏବେ ଆଉ ଚାଲିବ ନାହିଁ। 'ଗତ କିଛି ବର୍ଷ ଧରି ମୁଁ ଗୋଟିଏ ଦେଶ, ଗୋଟିଏ ଆଇନ ରହିବା ଉଚିତ ବୋଲି କ୍ରମାଗତ ଭାବରେ ଦାବି କରିଆସୁଛି।

ଏହାପୂର୍ବରୁ ଯେତେବେଳେ ଆମେ କଶ୍ମୀର ଯାଉଥିଲୁ, ଆମକୁ ପଚରାଯାଇଥିଲା କି ଆମେ ଭାରତରୁ ଆସିଛୁ କି? ତା’ପରେ ଆମେ ଯନ୍ତ୍ରଣା ଅନୁଭବ କରିଥିଲୁ। ଆଜି, ଧାରା ୩୭୦ ଅପସାରଣ ପରେ, ସମଗ୍ର ଦେଶରେ ଥିବା ଆଇନ କଶ୍ମୀରରେ ମଧ୍ୟ ସମାନ ହୋଇ ପାରିଛି।

ଜନସଂଖ୍ୟା ବଢ଼ିବା ଏକ ବଡ ସମସ୍ୟା। ଅନୁପାତ ମଧ୍ୟ ଖରାପ ହେବାରେ ଲାଗିଛି। ତେଣୁ ଜନସଂଖ୍ୟା ନିୟନ୍ତ୍ରଣ ଜରୁରୀ ହୋଇ ପଡ଼ିଥିବା ସେ କହିଛନ୍ତି।