ଏଲ୍‌ଓସିରେ ୪୦୦ ଆତଙ୍କବାଦୀ ଅନୁପ୍ରବେଶ ଅପେକ୍ଷାରେ

ଜମ୍ମୁ : ଜମ୍ମୁ କାଶ୍ମୀରକୁ ଅନୁପ୍ରବେଶ ପାଇଁ ପ୍ରାୟ ୪୦୦ ଆତଙ୍କବାଦୀ ଏଲ୍‌ଓସି ସ୍ଥିତ ଲଞ୍ଚ୍‌ ପ୍ୟାଡ୍‌ରେ ଛକି ରହିଛନ୍ତି। ଜଣେ ଶୀର୍ଷ ପୁଲିସ ଅଧିକାରୀ କହିଛନ୍ତି, ପାକିସ୍ତାନ ଶୀତ ଋତୁରେ ବି ଆତଙ୍କବାଦୀଙ୍କୁ ଜମ୍ମୁ କାଶ୍ମୀରକୁ ଅନୁପ୍ରବେଶ କରାଇବାକୁ ଉଦ୍ୟମ କରୁଛି। ଆତଙ୍କବାଦୀଙ୍କ ଅନୁପ୍ରବେଶ ବିରୋଧରେ ସୁରକ୍ଷାବାହିନୀର କଡ଼ା କାର୍ଯ୍ୟାନୁଷ୍ଠାନ ଯୋଗୁଁ ଗତବର୍ଷ ଖୁମ୍‌ କମ୍‌ ସଂଖ୍ୟକ ଆତଙ୍କବାଦୀ ଅନୁପ୍ରବେଶ କରିଛନ୍ତି। ୨୦୧୯ରେ ୧୪୧ ଆତଙ୍କବାଦୀ ଭାରତକୁ ଅନୁପ୍ରବେଶ କରିଥିବାବେଳେ ୨୦୨୦‌ରେ ୪୦ ଆତଙ୍କବାଦୀ ଅନୁପ୍ରବେଶ କରିଥିଲେ। ଅନ୍ୟପକ୍ଷେ ୨୦୧୮ରେ ୧୪୩ ଆତଙ୍କବାଦୀ ଅନୁପ୍ରବେଶ କରିଥିଲେ। ୨୦୨୦ରେ ପାକିସ୍ତାନ ସର୍ବାଧିକ ୫,୧୦୦ ଥର ଅସ୍ତ୍ରବିରତି ଉଲ୍ଲଂଘନ କରିଛି।