୧୦ ୟୁଟ୍ୟୁବ୍‌ ଚ୍ୟାନେଲର ୪୫ ଭିଡିଓ ନିଷିଦ୍ଧ

ନୂଆଦିଲ୍ଲୀ : ଭୁଲ ତଥ୍ୟ, ଘୃଣା ଭାଷଣ ଏବଂ ସାମ୍ପ୍ରଦାୟିକ ପ୍ରସାର ପାଇଁ ସୋମବାର ଦିନ ସୂଚନା ଓ ପ୍ରସାରଣ ମନ୍ତ୍ରଣାଳୟ ୧୦ଟି ଚ୍ୟାନେଲର ୪୫ଟି ୟୁଟ୍ୟୁବ୍ ଭିଡିଓକୁ ନିଷିଦ୍ଧ କରିଛନ୍ତି। ଭିଡିଓଗୁଡିକର ବିଷୟବସ୍ତୁରେ ଧାର୍ମିକ ସମ୍ପ୍ରଦାୟ ମଧ୍ୟରେ ଘୃଣାଭାବ ବିସ୍ତାର କରିବାର ଉଦ୍ଦେଶ୍ୟରେ ପ୍ରସାରିତ ମିଥ୍ୟା ଖବର ଏବଂ ବଦଳା ଯାଇଥିବା ଭିଡିଓ ଅନ୍ତର୍ଭୁକ୍ତ। ଏହି ଭିଡିଓଗୁଡିକର ୧ କୋଟି ୩୦ ଲକ୍ଷରୁ ଅଧିକ ଦର୍ଶକ ଅଛନ୍ତି। ସରକାର କେତେକ ସମ୍ପ୍ରଦାୟର ଧାର୍ମିକ ଅଧିକାର ଛଡ଼ାଇ ନେଇଛନ୍ତି ବୋଲି ସେମାନେ ଦାବି କରିଛନ୍ତି।

ଗୁପ୍ତଚର ଏଜେନ୍ସିଗୁଡିକର ଇନପୁଟକୁ ଆଧାର କରି ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ୧୦ଟି ଚ୍ୟାନେଲର ୪୫ଟି ୟୁଟ୍ୟୁବ ଭିଡିଓ ଅବରୋଧ କରିବାକୁ ନିର୍ଦ୍ଦେଶ ଦେଇଛି। କିଛି ଭିଡିଓ ଅଗ୍ନିପଥ ସ୍କିମ, ଭାରତୀୟ ସଶସ୍ତ୍ର ବାହିନୀ, ଜାତୀୟ ସୁରକ୍ଷା ଉପକରଣ, କାଶ୍ମୀର ଆଦି ପ୍ରସାର ପାଇଁ ବ୍ୟବହୃତ ହେଉଥିଲା। ଜାତୀୟ ସୁରକ୍ଷା ଏବଂ ବିଦେଶୀ ରାଷ୍ଟ୍ରମାନଙ୍କ ସହିତ ଭାରତର ବନ୍ଧୁତ୍ୱପୂର୍ଣ୍ଣ ସମ୍ପର୍କ ଦୃଷ୍ଟିରୁ ଏହି ବିଷୟବସ୍ତୁ ମିଥ୍ୟା ଏବଂ ସମ୍ବେଦନଶୀଳ ବୋଲି ଦର୍ଶାଯାଇଥିଲା। କେନ୍ଦ୍ର କହିଛି ଯେ କେତେକ ଭିଡିଓରେ ଜମ୍ମୁ କାଶ୍ମୀର, ଲଦାଖର କିଛି ଅଂଶ ସହିତ ଭାରତର ଭୁଲ୍‌ ବାହ୍ୟ ସୀମା ଚିତ୍ରିତ ହୋଇଛି। ଏଭଳି କାର୍ଟୋଗ୍ରାଫିକ୍ ଭୁଲ ଉପସ୍ଥାପନା ଭାରତର ସାର୍ବଭୌମତ୍ୱ ତଥା ଆଞ୍ଚଳିକ ଅଖଣ୍ଡତା ପାଇଁ କ୍ଷତିକାରକ ବୋଲି ମନ୍ତ୍ରଣାଳୟ କହିଛି।