୫ ଲସ୍କର ଆତଙ୍କବାଦୀ ଗିରଫ; ବିପୁଳ ପରିମାଣର ମାରଣାସ୍ତ୍ର ଜବତ

ଜମ୍ମୁ: ବାରାମୁଲାରୁ ୫ ଜଣ ଲସ୍କର-ଏ-ତୈବା (ଏଲଇଟି) ଆତଙ୍କବାଦୀଙ୍କୁ ଜମ୍ମୁ- କଶ୍ମୀର ପୁଲିସ ଗୁରୁବାର ଦିନ ସେମାନଙ୍କ ନିକଟରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଏବଂ ଗୋଳାବାରୁଦ ଜବତ କରିଛି।

ରିପୋର୍ଟରୁ ପ୍ରକାଶ, ବୁର୍ଖା ପିନ୍ଧିଥିବା ଆତଙ୍କବାଦୀମାନେ ବାରାମୁଲାରେ ନୂତନ ଭାବରେ ଖୋଲାଯାଇଥିବା ଏକ ମଦ ଦୋକାନ ଊପରକୁ ଗ୍ରେନେଡ୍‌ ଫିଙ୍ଗିଥିଲେ ଯେଉଁଥିରେ ଜଣେ କର୍ମଚାରୀ ନିହତ ହୋଇଥିଲେ ଏବଂ ଅନ୍ୟ ତିନି ଜଣ ଆହତ ହୋଇଥିଲେ।

ଏହି ଆତଙ୍କବାଦୀ ହାମଲା ସଂପର୍କରେ ଗଣମାଧ୍ୟମକୁ ସୂଚନା ଦେଇ ଜମ୍ମୁ- କଶ୍ମୀର ଆଇଜି ବିଜୟ କୁମାର କହିଛନ୍ତି ଯେ ୫ ଜଣ ଆତଙ୍କବାଦୀଙ୍କ ମଧ୍ୟରେ ଜଣେ ଦୁର୍ଦ୍ଦାନ୍ତ ଆତଙ୍କବାଦୀ ରହିଛି। ଏମାନେ ସମସ୍ତେ ଆତଙ୍କବାଦୀ ସଂଗଠନ ଲସ୍କର-ଏ-ତୈବା (ଏଲଇଟି)ର ସହଯୋଗୀ। ଏମାନଙ୍କ ନିକଟରୁ ପାଞ୍ଚଟି ପିସ୍ତଲ, ୨୩ଟି ଗ୍ରେନେଡ ଏବଂ ବିପୁଳ ମାତ୍ରାର ବିସ୍ଫୋରକ ଉଦ୍ଧାର କରାଯାଇଛି। ବାରାମୁଲାରେ ଅନେକ ଆତଙ୍କବାଦୀ ଆକ୍ରମଣରେ ଏହି ପାଞ୍ଚ ଜଣିଆ ଆତଙ୍କବାଦୀ ଗୋଷ୍ଠୀ ଜଡିତ ଥିଲା ବୋଲି ଆଇଜି ବିଜୟ କୁମାର କହିଛନ୍ତି। ଏହି ମାମଲାରେ ଅଧିକ ଅନୁସନ୍ଧାନ ଜାରି ରହିଛି ବୋଲି ସେ କହିଛନ୍ତି।

Image Courtesy: IB Times

ବୁର୍ଖା ପିନ୍ଧିଥିବା ଆତଙ୍କବାଦୀମାନେ ଦୁଇଟି ମୋଟରସାଇକେଲରେ ମଦ ଦୋକାନକୁ ଆସି ମଦ ଦୋକାନର ଜଣେ କର୍ମଚାରୀ ରଣଜିତ ସିଂଙ୍କୁ ହତ୍ୟା କରିବା ଏବଂ ଅନ୍ୟ ତିନିଜଣଙ୍କୁ ଆହତ କରିବା ଭିତରେ ଏକ ଗ୍ରେନେଡ ଫୋପାଡି ଦେଇଥିଲେ। ତେବେ, ଗୁରୁତ୍ୱପୂର୍ଣ୍ଣ ଘଟଣା ହେଲା ଏହି ମଦ ଦୋକାନ ଜିଲ୍ଲା ପୁଲିସ ମୁଖ୍ୟଙ୍କ କାର୍ଯ୍ୟାଳୟ ଏବଂ ବରିଷ୍ଠ ସାମରିକ ଅଧିକାରୀଙ୍କ ବାସଭବନ ନିକଟରେ ଅବସ୍ଥିତ। ଯାହା ଫଳରେ ପୁଲିସ ବାହିନୀ ତ୍ୱରିତ୍‌ କାର୍ଯ୍ୟାନୁଷ୍ଠାନ ଗ୍ରହଣ କରି ଆତଙ୍କବାଦୀମାନେ ଫେରାର ହେବା ପୂର୍ବରୁ ସେମାନଙ୍କୁ କାବୁ କରି ଗିରଫ କରିଥିଲେ।