ସିରିଆରେ ଆଇଏସ୍‌ ପାଇଁ ଲଢୁଥିବା ଆହୁରି ୫ ଜଣ କନ୍ନୁର ବ୍ୟକ୍ତି ଚିହ୍ନଟ

କନ୍ନୁର: ଇସ୍‌ଲାମିକ୍‌ ଷ୍ଟେଟ୍‌ରେ ଯୋଗଦେବା ପରେ ସିରିଆରେ ଜିହାଦି କାର୍ଯ୍ୟକଳାପରେ ଲିପ୍ତ ଥିବା କନ୍ନୁର ଜିଲ୍ଲାର ଆହୁରି ପାଞ୍ଚ ଜଣ ଲୋକଙ୍କୁ ପୁଲିସ ଚିହ୍ନଟ କରିଛନ୍ତି।
ଜିଲ୍ଲାରେ ଆଇଏସ୍‌ ଅଭିଯାନ ବିରୋଧରେ ତଦନ୍ତକାରୀ ଦଳର ନେତୃତ୍ୱ ନେଇଥିବା କନ୍ନୁର ଡିଏସ୍‌ପି ପି ପି ସଦାନନ୍ଦନ କହିଛନ୍ତି ଯେ ସେମାନଙ୍କ ବିଷୟରେ ତାଙ୍କ ପାଖରେ ସୂଚନା ଥିଲା। ଆତଙ୍କବାଦ ସହ ସମ୍ପୃକ୍ତି ଥିବା ସନ୍ଦେହରେ ଗତ ସପ୍ତାହରେ ଗିରଫ ହୋଇ ଥିବା ୫ ଜଣ ବ୍ୟକ୍ତିଙ୍କୁ ପଚରା ଉଚୁରା କଲାବେଳେ ତାହା ନିଶ୍ଚିତ ହୋଇଛି।

ସେମାନେ ହେଉଛନ୍ତି: କୁଟ୍ଟିଆଟ୍ଟୁର ନିକଟସ୍ଥ ଚେକିକୁଲମ୍‌ ବାସିନ୍ଦା ୨୫ ବର୍ଷିୟ ଅବ୍‌ଦୁଲ୍‌ ଖାୟୁମ୍‌, ଭାଲପଟ୍ଟନମ୍ର ମୁପ୍ପାନପରା ବାସୀ ୩୩ ବର୍ଷିୟ ଶବୀର ମହମ୍ମଦ ଶାଫି, ତାଙ୍କ ସମ୍ପର୍କୀୟ ପାପ୍ପିନିସେରିର ପାଝାଞ୍ଝିରାପଲ୍ଲୀର ବାସିନ୍ଦା ୧୮ ବର୍ଷିୟ ସୁହେଲ୍‌ ଏବଂ ସଫନ୍‌।

କେରଳରେ ଥିବାବେଳେ ଏହି ଲୋକମାନେ ପପୁଲାର ଫ୍ରଣ୍ଟ୍‌ ଅଫ୍‌ ଇଣ୍ଡିଆର ସଦସ୍ୟ ଥିଲେ ବୋଲି ଅଧିକାରୀମାନେ କହିଛନ୍ତି।