ନ୍ୟୁୟର୍କରେ ହେଲିକପ୍ଟର ଦୁର୍ଘଟଣା ଘଟି ୬ ମୃତ

ନ୍ୟୁୟର୍କ: ନ୍ୟୁୟର୍କର ହଡସନ ନଦୀରେ ଏକ ଦର୍ଶନୀୟ ସ୍ଥାନରେ ଗୁରୁବାର ଦିନ ହେଲିକପ୍ଟର ଦୁର୍ଘଟଣାଗ୍ରସ୍ତ ହେବା ପରେ ତିନି ଜଣ ପିଲାଙ୍କ ସମେତ ଛଅ ଜଣଙ୍କର ମୃତ୍ୟୁ ଘଟିଛି। ଯାହା ଫଳରେ ଏକ ବଡ଼ ଧରଣର ଉଦ୍ଧାର କାର୍ଯ୍ୟ ଆରମ୍ଭ ହୋଇଛି ବୋଲି କର୍ତ୍ତୃପକ୍ଷ କହିଛନ୍ତି। 

ଏହି ଦୁର୍ଘଟଣାରେ ହେଲିକପ୍ଟର ଥିବା ସମସ୍ତ ଲୋକଙ୍କର ମୃତ୍ୟୁ ହୋଇଛଇ। ହେଲିକପ୍ଟର ମଧ୍ୟରେ ପାଇଲଟ୍ ଏବଂ ସ୍ପେନର ଏକ ପରିବାର ଥିଲେ ବୋଲି ସୂଚନା ରହିଛି। ପୀଡିତଙ୍କ ମଧ୍ୟରୁ ଦୁଇଜଣଙ୍କୁ ପ୍ରଥମେ ହସ୍ପିଟାଲକୁ ନିଆଯାଇଥିଲା, କିନ୍ତୁ ପରେ ସେମାନଙ୍କର ମୃତ୍ୟୁ ଘଟିଛି ବୋଲି ଡାକ୍ତର ଘୋଷଣା କରିଥିଲେ। 

"ତେବେ ଦୁର୍ଘଟଣାଗ୍ରସ୍ତ ସମସ୍ତ ଛଅ ଜଣଙ୍କୁ ପାଣିରୁ ବାହାର କରାଯାଇଛି ଏବଂ ଦୁଃଖର ବିଷୟ ହେଉଛି ସମସ୍ତ ଛଅ ଜଣଙ୍କୁ ମୃତ ଘୋଷଣା କରାଯାଇଛି ବୋଲି ମେୟର ଏରିକ୍ ଆଡାମ୍ସ କହିଛନ୍ତି। ପୂର୍ବରୁ ସେ ଏହାକୁ ଏକ "ହୃଦୟବିଦାରକ ଏବଂ ଦୁଃଖଦ ଦୁର୍ଘଟଣା" ବୋଲି କହିଥିଲେ।

ପ୍ରତ୍ୟକ୍ଷଦର୍ଶୀମାନେ କହିଛନ୍ତି ଯେ ବିମାନରୁ ଏକ ରୋଟର ବ୍ଲେଡ୍ ଛିଣ୍ଡିଯାଇଛି। ସୋସିଆଲ ମିଡିଆରେ ଫୁଟେଜରେ ବିମାନ ଭାଙ୍ଗିବା ଏବଂ ହେଲିକପ୍ଟରଟି ଜଳପଥରେ ଖସିପଡ଼ିବାର ଦୃଶ୍ୟ ଦେଖାଯାଇଛି। ତାହାପରେ ଏହି ଦୁର୍ଘଟଣାକୁ ନେଇ ଚର୍ଚ୍ଚା ଜୋର୍‌ ଧରିଛି।