‘ଅପରେସନ୍‌ ସିନ୍ଦୂର’ରେ ୯ଟି ପାକିସ୍ତାନୀ ବିମାନ ଧ୍ବଂସ

ନୂଆଦିଲ୍ଲୀ: ଜମ୍ମୁ-କଶ୍ମୀରର ପହଲଗାମ୍‌ରେ ଆତଙ୍କବାଦୀ ଆକ୍ରମଣ ପରେ ଭାରତର ପ୍ରତିଶୋଧମୂଳକ ‘ଅପରେସନ ସିନ୍ଦୂର’ ପାକିସ୍ତାନର ଅନେକ ଅଞ୍ଚଳକୁ ଧ୍ବଂସ କରିଦେଇଛି। 

‘ଅପରେସନ୍‌ ସିନ୍ଦୂର’ରେ ପାକିସ୍ତାନ ବାୟୁସେନା (ପିଏଏଫ୍‌)ର ଛଅଟି ଲଢ଼ୁଆ ବିମାନ, ଦୁଇଟି ଉଚ୍ଚ-ମୂଲ୍ୟ ନିରୀକ୍ଷଣ ବିମାନ, ଦଶରୁ ଅଧିକ ସଶସ୍ତ୍ର ଡ୍ରୋନ୍ ଏବଂ ଏକ ସି-୧୩୦ ହର୍କୁଲିସ୍ ପରିବହନ ବିମାନ ନଷ୍ଟ କରାଯାଇଥିଲା ବୋଲି ଜାଣିବାକୁ ମିଳିଛି। 

ସୂତ୍ର ଅନୁଯାୟୀ, ମେ ମାସର ଆରମ୍ଭରେ ‘ଅପରେସନ ସିନ୍ଦୂର’ରେ ପାକିସ୍ତାନୀ ବାୟୁ ଏବଂ ସ୍ଥଳ ସାମରିକ ସମ୍ପତ୍ତିର ଭାରୀ କ୍ଷତି ହୋଇଥିବା ଜଣାପଡ଼ିଛି।  ଛଅଟି ପିଏଏଫ୍‌ ଲଢ଼ୁଆ ବିମାନକୁ ଖସାଇ ଦିଆଯାଇଥିଲା। ଭାରତୀୟ ବାୟୁ ପ୍ରତିରକ୍ଷା ୟୁନିଟ୍ ଦ୍ୱାରା ପ୍ରତିଶୋଧମୂଳକ ପ୍ରତିକ୍ରିୟାର ଅଂଶ ଭାବରେ ଏହି ବିମାନଗୁଡ଼ିକୁ ଆକାଶରୁ ଆକାଶ ଯୁଦ୍ଧରେ ନିୟୋଜିତ ଏବଂ ନଷ୍ଟ କରାଯାଇଥିଲା। ପାକିସ୍ତାନୀ ପଞ୍ଜାବ ଏବଂ ପାକିସ୍ତାନ ଅଧିକୃତ ଜମ୍ମୁ ଓ କଶ୍ମୀରର (ପିଓଜେକେ) ର କିଛି ଅଂଶ ମଧ୍ୟରେ ଏହି ଯୁଦ୍ଧ ଘଟିଥିଲା।

ଏପଟେ ପାକିସ୍ତାନର ଦସ୍ତାବିଜରୁ ସାମ୍ନାକୁ ଆସିଛି ଆଶ୍ଚର୍ଯ୍ୟଜନକ ତଥ୍ୟ, ଯେଉଁଥିରେ ଦାବି କରାଯାଇଛି ଯେ ଭାରତର ଅପରେସନ୍ ସିନ୍ଦୂର ମେ ୭ ତାରିଖରେ ପାକିସ୍ତାନ ଓ ପାକିସ୍ତାନ ଅଧିକୃତ କଶ୍ମୀର (ପିଓକେ)ରେ ନଅଟି ଆତଙ୍କବାଦୀ ଶିବିର ବ୍ୟତୀତ ଅନ୍ୟ ଆଠଟି ସ୍ଥାନରେ ଭାରତୀୟ ବାୟୁସେନା ଆକ୍ରମଣ କରି ଏହାକୁ ଧ୍ୱଂସ କରିଛି । ଏହି ସୂଚନା ପାକିସ୍ତାନର ସେନା ଓ ସରକାରୀ ସୂତ୍ରମାନଙ୍କ ରିପୋର୍ଟକୁ ଉଲ୍ଲେଖ କରି ପ୍ରସ୍ତୁତ କରାଯାଇଛି।