ବନ୍ଧୁକ ସଂସ୍କୃତି ୫୦ ବର୍ଷରେ ନେଲାଣି ୧୫ ଲକ୍ଷରୁ ଅଧିକ ଜୀବନ: ୩୩ କୋଟି ଆମେରିକା ନାଗରିକଙ୍କ ପାଖରେ ୪୦ କୋଟିରୁ ଉର୍ଦ୍ଧ୍ବ ବନ୍ଧୁକ

ନ୍ୟୁୟର୍କ: ନ୍ୟୁୟର୍କ ସହରର ଏକ ଜନଗହଳିପୂର୍ଣ୍ଣ କ୍ଲବ୍‌ରେ ଗୁଳିକାଣ୍ଡ ଘଟି ତିନି ଜଣଙ୍କର ମୃତ୍ୟୁ ଘଟିଛି ଏବଂ ଆଠ ଜଣ ଆହତ ହୋଇଛନ୍ତି। ନ୍ୟୁୟର୍କ ପୁଲିସ କମିସନର ଜେସିକା ଟିସ୍ କହିଛନ୍ତି ଯେ, ତଦନ୍ତକାରୀମାନେ ସନ୍ଦେହ କରୁଛନ୍ତି  ଜଣେରୁ ଅଧିକ ଆକ୍ରମଣକାରୀ ଏଥିରେ ସମ୍ପୃକ୍ତ ଥାଇପାରନ୍ତି। ସ୍ଥାନୀୟ ସମୟ ପ୍ରାୟ ଭୋର ସାଢ଼େ ତିନିଟାରେ ବ୍ରୁକଲିନର କ୍ରାଉନ୍ ହାଇଟ୍ସ ଅଞ୍ଚଳର 'ଟେଷ୍ଟ ଅଫ୍ ଦି ସିଟି ଲାଉଞ୍ଜ'ରେ ଏହି ଘଟଣା ଘଟିଛି। ଆକ୍ରମଣକାରୀମାନେ ଝଗଡ଼ା ପରେ ଏକାଧିକ ବନ୍ଧୁକରୁ ଗୁଳି ଚଳାଇଥିଲେ।

ଜେସିକା ଟିସ୍ଚ ନ୍ୟୁୟର୍କ ସହରରେ ହୋଇଥିବା ଗୁଳିକାଣ୍ଡକୁ ଏକ ଅତ୍ୟନ୍ତ ଭୟଙ୍କର ଘଟଣା ବୋଲି ବର୍ଣ୍ଣନା କରିଛନ୍ତି। ସେ କହିଛନ୍ତି, ପୁଲିସ ଲାଉଞ୍ଜରୁ ୩୬ଟି ଗୁଳି ଏବଂ ନିକଟସ୍ଥ ଏକ ରାସ୍ତାରୁ ଏକ ବନ୍ଧୁକ ଜବତ କରିଛି।

ଗଣମାଧ୍ୟମ ରିପୋର୍ଟ ଅନୁଯାୟୀ, ଗତ ୫୦ ବର୍ଷ ମଧ୍ୟରେ ଆମେରିକାରେ ବନ୍ଧୁକ ସଂସ୍କୃତି ଯୋଗୁ ୧୫ ଲକ୍ଷରୁ ଅଧିକ ଲୋକଙ୍କ ମୃତ୍ୟୁ ହୋଇଛି । ଏଠାକାର ଜନସଂଖ୍ୟା ପ୍ରାୟ ୩୩ କୋଟି। ଯେତେବେଳେ ଅସ୍ତ୍ରଶସ୍ତ୍ର ସଂଖ୍ୟା ୪୦ କୋଟିରୁ ଅଧିକ। ଆମେରିକୀୟ ଆଇନ ଅନୁଯାୟୀ, ରାଇଫଲ୍ କିମ୍ବା ପିସ୍ତଲ ଭଳି ଛୋଟ ବନ୍ଧୁକ କିଣିବା ପାଇଁ ସର୍ବନିମ୍ନ ବୟସ ୧୮ ବର୍ଷ, ଅନ୍ୟ ଅସ୍ତ୍ରଶସ୍ତ୍ର ପାଇଁ ଏହି ସୀମା ୨୧ ବର୍ଷ। ଆମେରିକାରେ ଗୁଳିକାଣ୍ଡ ଘଟଣା ଏକ ନିତିଦିନିଆ ଘଟଣା ପାଲଟିଛି।

ଅଧିକ ପଢ଼ନ୍ତୁ:ଭିଜିଲାନ୍ସ ଜାଲରେ ଅନୁଗୁଳ ଜଳସେଚନ ବିଭାଗର ଅଧୀକ୍ଷଣ ଯନ୍ତ୍ରୀ, ୮ଟି ସ୍ଥାନରେ ଏକକାଳୀନ ଚଢ଼ାଉ 

USA | NewYork