ଯୋଗୀଙ୍କୁ ହତ୍ୟା ଧମକ ମାମଲା : ବୁଲଡୋଜର ଆକ୍ସନ ସହ ଯୋଡ଼ିଲେ ଲୋକେ

ମୁମ୍ବାଇ: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଧମକ ଦେବା ଅଭିଯୋଗରେ ଜଣେ ଯୁବତୀକୁ ଗିରଫ କରାଯାଇଛି। ମୁମ୍ବାଇ ପୁଲିସ ତାକୁ ପଚରାଉଚରା କରୁଛି। ତା ନାଁ ଫାତିମା ଖାନ୍ ବୋଲି କୁହାଯାଉଛି। ତେବେ ଏହି ଘଟଣାକୁ ନେଇ ଉତ୍ତରପ୍ରଦେଶର ଲୋକଙ୍କ ମଧ୍ୟରେ ରୋଷ ପ୍ରକାଶ ପାଇଛି । ସୋସିଆଲ ମିଡିଆରେ ଲୋକମାନେ ଏହାକୁ ପ୍ରବଳ ବିରୋଧ କରିବା ସହ ଏହାକୁ ବୁଲଡୋଜର ଆକ୍ସନ ସହ ଯୋଡ଼ିଛନ୍ତି ।

ସାଗର ନାମକ ଜଣେ ୟୁଜର ଏକ୍ସରେ ଲେଖିଛନ୍ତି- ଲୋକେ ଭୁଲି ଯାଆନ୍ତି ଯେ ଏ ହେଉଛନ୍ତି ସିଏମ୍ ଯୋଗୀ, ଯିଏ ମାଟିରେ ମାଫିଆଙ୍କୁ ମିଶାନ୍ତି। କ୍ଷମତା ଯିବ ଆସିବ। ଏହି ଲୋକମାନେ ତାଙ୍କୁ ଭୟଭୀତ କରିପାରିବେ ନାହିଁ । ସେହିପରି ଅନ୍ୟ ଜଣେ ୟୁଜର ଲେଖିଛନ୍ତି ଯେ ବୁଲଡୋଜର ଆକ୍ସନ କାରଣରୁ ଏସବୁ ଘଟୁଛି । ସେହିପରି ଜଣେ ୟୁଜର ଏକ୍ସରେ ଲେଖିଛନ୍ତି- ଯେଉଁମାନେ ମୁଖ୍ୟମନ୍ତ୍ରୀ ଯୋଗୀ ଜୀ ମହାରାଜଙ୍କୁ ହତ୍ୟା ଧମକ ଦେଇଥିଲେ ସେମାନେ ଭୁଲି ଯାଇଥିଲେ ଯେ ବାବାଙ୍କ ବୁଲଡୋଜର ଏଠାରେ ଚାଲିଛି। ଯେଉଁମାନେ ମହାରାଜଜୀଙ୍କୁ ଧମକ ଦିଅନ୍ତି ସେମାନଙ୍କର ଇଚ୍ଛା ଏହି ବୁଲଡୋଜର ଦ୍ୱାରା ଭାଙ୍ଗିଯିବ । '

ଶନିବାର ଦିନ ଉକ୍ତ ଯୁବତୀ ମହାରାଷ୍ଟ୍ର ଏଟିଏସକୁ ଫୋନ୍ କରି କହିଥିଲା ଯେ ଯଦି ମୁଖ୍ୟମନ୍ତ୍ରୀ ଯୋଗୀ ୧୦ ଦିନ ମଧ୍ୟରେ ଇସ୍ତଫା ନ ଦିଅନ୍ତି, ତେବେ ସେ ବାବା ସିଦ୍ଦିକିଙ୍କ ପରି ତାଙ୍କୁ ମାରିଦେବ।