କୁମ୍ଭକର୍ଣ୍ଣ ପରି ନିଦ୍ରା ଯାଉଛନ୍ତି ନିର୍ବାଚନ କମିସନ : ଆପ୍

ନୂଆଦିଲ୍ଲୀ : ବିଜେପି ଉପରେ ଆଉ ଏକ ଅଭିଯୋଗ ଆଣି କହିଛି ଯେ ଏହାର ଗାଡ଼ି ଉପରେ ବିଜେପି କର୍ମୀମାନେ ଆକ୍ରମଣ କରିଛନ୍ତି। କେବଳ ବିଜେପି ନୁହେଁ, ନିର୍ବାଚନ କମିସନଙ୍କୁ ମଧ୍ୟ ସମାଲୋଚନା କରିଛି ଆପ୍ । ନିର୍ବାଚନ କମିସନ ଶୋଇ ରହିଛନ୍ତି ବୋଲି ଦଳ କହିଛି ।

'ଏକ୍ସ’ରେ ଅରବିନ୍ଦ କେଜ୍ରିୱାଲ ଲେଖିଛନ୍ତି," ରାମାୟଣରେ ଲେଖାଯାଇଛି ଯେ କୁମ୍ଭକର୍ଣ୍ଣ ଛଅ ମାସ ଶୋଉଥିଲା ଓ ପର ଛଅ ମାସ ଉଠୁଥିଲା । ଠିକ ସେହିପରି ନିର୍ବାଚନ କମିସନ ଏବେ ଶୋଇ ରହିଛନ୍ତି । ଏହା ପୂର୍ବରୁ କେଜ୍ରିୱାଲ ଏକ ଗାଡ଼ି ଭଙ୍ଗାରୁଜା ହେବାର ଏକ ଭିଡିଓ ସେୟାର କରିଥିଲେ। ଆପ୍ ଦାବି କରିଛି ଯେ ଆକ୍ରମଣ କରିଥିବା ବ୍ୟକ୍ତିଙ୍କ ନାମ ଶଙ୍କି ଓ ରୋହିତ ତ୍ୟାଗୀ, ସେ ପରବେଶ ବର୍ମାଙ୍କ ଅନୁଗତ । ଏହି ଭିଡିଓରେ ସେମାନଙ୍କୁ ପରବେଶଙ୍କ ସହ ଦେଖାଯାଉଛି ।

ଏହି ପ୍ରସଙ୍ଗକୁ ସାଂସଦ ସଞ୍ଜୟ ସିଂହ ମଧ୍ୟ ଉଠାଇଛନ୍ତି। ସେ 'ଏକ୍ସ'ରେ ଲେଖିଛନ୍ତି, ''ଏହା ନୂତନ ଦିଲ୍ଲୀ ବିଧାନସଭାର ଭୟାବହ ରୂପ। ଏହି ବିଧାନସଭାରେ ନିର୍ବାଚନ କମିସନର କାର୍ଯ୍ୟାଳୟ ଅଛି। କିନ୍ତୁ କମିସନ ଏବେ କୋମାରେ ଅଛି, ସେ କିଛି ଦେଖି କିମ୍ବା ଶୁଣିପାରୁ ନାହାନ୍ତି ।