ଅଯୋଧ୍ୟାରେ ପୁଲିସ ଅଧିକାରୀଙ୍କ ସଂଦେହଜନକ ମୃତ୍ୟୁ

ଅଯୋଧ୍ୟା: ଅଯୋଧ୍ୟା ଏଡିଏମ୍ (ଆଇନ ଶୃଙ୍ଖଳା) ସୁରଜିତ ସିଂହଙ୍କ ସନ୍ଦେହଜନକ ଅବସ୍ଥାରେ ମୃତ୍ୟୁ ଘଟିଛି। କେଉଁ କାରଣରୁ ତାଙ୍କର ମୃତ୍ୟୁ ହେଲା ତାହା ସ୍ପଷ୍ଟ ହୋଇନାହିଁ । ତାଙ୍କ ମୃତ୍ୟୁ ପରେ ଉତ୍ତରପ୍ରଦେଶ ପୁଲିସ ବିଭାଗ ସ୍ତବ୍ଧ ହୋଇଯାଇଛି । 

ତାଙ୍କ କୋଠରୀରୁ ତାଙ୍କ ମୃତଦେହ ମିଳିଥିଲା। କୋତୱାଲି ନଗରର ସୁରସାରୀ କଲୋନୀ ସିଭିଲ ଲାଇନରେ ତାଙ୍କର ମୃତ୍ୟୁ ଘଟିଛି। ମୃତ୍ୟୁର କାରଣ ଏପର୍ଯ୍ୟନ୍ତ ଜଣାପଡ଼ିନାହିଁ। ତାଙ୍କ ମୃତ୍ୟୁ ଖବର ପାଇବା ପରେ ବିଭାଗୀୟ କମିଶନର, ଡିଏମ୍ ଓ ଜିଲ୍ଲା ପ୍ରଶାସନର ସମସ୍ତ ଅଧିକାରୀ ଘଟଣାସ୍ଥଳରେ ଉପସ୍ଥିତ ଅଛନ୍ତି। 

ସୂଚନା ଅନୁସାରେ ଏହି ସୂଚନା ପାଇ ଘଟଣାସ୍ଥଳରେ ପୁଲିସ ପହଞ୍ଚିବା ପରେ ଫୋରେନସିକ୍ ଟିମ୍ ଉପସ୍ଥିତିରେ କବାଟ ଖୋଲାଯାଇଥିଲା। କବାଟ ଖୋଲିବା ପରେ ଏଡିଏମ ଏକ କୋଠରୀରେ ପଡ଼ିଥିବା ଦେଖିବାକୁ ମିଳିଥିଲା। ଦୂରରେ ରକ୍ତ ବି ବିଛିନ୍ନ ହୋଇ ରହିଥିଲା। ପ୍ରାଥମିକ ତଦନ୍ତ ଆଧାରରେ ହୃଦଘାତ ସନ୍ଦେହ କରାଯାଉଛି।

ଏଡିଏମ୍ ନିଜ ବାସଭବନରେ ଏକାକୀ ରହୁଥିଲେ ଏବଂ ଗତ କିଛି ଦିନ ହେବ ଅସୁସ୍ଥ ମଧ୍ୟ ଥିଲେ। ଘଟଣାସ୍ଥଳରେ କମିସନର ଗୌରବ ଦୟାଲ ଓ ଡିଏମ୍ ଚନ୍ଦ୍ର ବିଜୟ ସିଂହଙ୍କ ସମେତ ବହୁ ବରିଷ୍ଠ ଅଧିକାରୀ ପହଞ୍ଚିଥିଲେ। କୁହାଯାଉଛି ଯେ ଏଡିଏମ୍ ଫରୁଖାବାଦର ବାସିନ୍ଦା ଥିଲେ।