୩୦ ବର୍ଷ ପରେ ଦେଶରେ ଗୃହଯୁଦ୍ଧ ପରିସ୍ଥିତି ହେବ: ବିଜୟଭର୍ଗିୟ

ଇନ୍ଦୋର : ମଧ୍ୟପ୍ରଦେଶର ମନ୍ତ୍ରୀ କୈଳାସ ବିଜୟଭର୍ଗିୟଙ୍କ ଏକ ମନ୍ତବ୍ୟ ନେଇ ଏବେ ଚର୍ଚ୍ଚା ଜାରି ରହିଛି। ଏହାର ଭିଡ଼ିଓ ମଧ୍ୟ ସୋସିଆଲ ମିଡ଼ିଆରେ ଭାଇରାଲ ହେବାର‌େ ଲାଗିଛି। ଇନ୍ଦୋରରେ ମନ୍ତ୍ରୀ ବିଜୟଭର୍ଗିଆ ଏକ ସାମାଜିକ ସମନ୍ୱୟ କାର୍ଯ୍ୟକ୍ରମକୁ ସମ୍ବୋଧିତ କରିବାବେଳେ କହିଥିଲେ ଯେ କିଛି ଦିନ ପୂର୍ବରୁ ମୁଁ ଜଣେ ଅବସରପ୍ରାପ୍ତ ସେନା ଅଧିକାରୀଙ୍କ ସହ କଥା ହେଉଥିଲି।

ସେ କହିଥିଲେ ଯେ ୩୦ବର୍ଷ ପରେ ଦେଶ ଭିତରେ ଗୃହଯୁଦ୍ଧ ଆରମ୍ଭ ହେବ। ଆମ ଦେଶର ଜନସଂଖ୍ୟା କିପରି ବଦଳୁଛି ତାହା ଉପରେ ବିଚାର କରିବା ଉଚିତ୍। ବିଜୟଭର୍ଗିୟ କହିଛନ୍ତି, ହିନ୍ଦୁ ଶବ୍ଦକୁ ମଜବୁତ କରିବା ପାଇଁ ଆମକୁ କାର୍ଯ୍ୟ କରିବାକୁ ପଡ଼ିବ। ବିଜୟଭର୍ଗିଆ ସାମାଜିକ ସୌହାର୍ଦ୍ଦ୍ୟ କାର୍ଯ୍ୟକ୍ରମରେ ଅଂଶଗ୍ରହଣ କରି ହିନ୍ଦୁ ସମାଜ ତଥା ପର୍ବପର୍ବାଣୀ ଉପରେ ସାଧାରଣ ସଭାକୁ ସମ୍ବୋଧିତ କରିଥିଲେ।

ମନ୍ତ୍ରୀ ବିଜୟଭର୍ଗିଆ କହିଛନ୍ତି ଯେ ହୋଲି, ଦିୱାଲୀ, ରାଖୀ, ପ୍ରଭୁ ପର୍ଶୁରାମ, ମହାରାଣା ପ୍ରତାପ ଆମ ସମସ୍ତଙ୍କର। ହିନ୍ଦୁ ସମାଜକୁ ବଞ୍ଚାଇବା ପାଇଁ ମହାରଣା ପ୍ରତାପ ମୋଗଲମାନଙ୍କ ବିରୁଦ୍ଧରେ ଲଢ଼ିଥିଲେ। ଦେଶର ପର୍ବ ସବୁ ଧର୍ମର ପର୍ବ ଅଟେ। ଆମକୁ ଆମର ଚିନ୍ତାଧାରା ପରିବର୍ତ୍ତନ କରିବାକୁ ପଡିବ। ଦେଶରେ କିଛି ଲୋକ ବ୍ରିଟିଶଙ୍କ ପ୍ରତିନିଧିତ୍ୱ କରୁଛନ୍ତି। ବ୍ରିଟିଶମାନେ ବିଭାଜନ ଏବଂ ଶାସନ କାର୍ଯ୍ୟ କରିଥିଲେ।

ବର୍ତ୍ତମାନ ବ୍ରିଟିଶମାନେ ଚାଲିଗଲେ କିନ୍ତୁ ଦେଶରେ କିଛି ଲୋକ ଅଛନ୍ତି ଯେଉଁମାନେ ବ୍ରିଟିଶମାନଙ୍କୁ ପ୍ରତିନିଧିତ୍ୱ କରୁଛନ୍ତି ଏବଂ ବିଭାଜନ ଶାସନ ନୀତିରେ କାର୍ଯ୍ୟ କରୁଛନ୍ତି। ତାହା ମଧ୍ୟ କେବଳ କ୍ଷମତା ପାଇଁ। ସେମାନଙ୍କୁ ଏକ ପଦବୀ ଦରକାର। ମନ୍ତ୍ରୀ ବିଜୟଭର୍ଗିୟ କହିଛନ୍ତି ଯେ ସମାଜ ମଜବୁତ ହେବା ପରେ ହିଁ ଦେଶ ଶକ୍ତିଶାଳୀ ହେବ। ଦେଶକୁ ମଜବୁତ କରିବାକୁ ସମାଜକୁ ମଜବୁତ କରିବାକୁ ପଡିବ ଏବଂ ଏଥିପାଇଁ ଜାତିଗତ ପ୍ରତିବନ୍ଧକରୁ ମୁକ୍ତ ତଥା ସଂଗଠିତ ହେବାକୁ ପଡିବ।