ଅହମଦାବାଦ: ବିମାନ ଦୁର୍ଘଟଣାରେ ଦେଖିବାକୁ ମିଳିଛି ଚମତ୍କାରିତା । ଉଡାଣ ପରେ ପରେ ଯେଉଁଠି ବିମାନକୁ ମୃତ୍ୟୁ କବଳିତ କରିନେଇଥିଲା ଆଉ ସମସ୍ତଙ୍କୁ ନିଜ ଫାଶରେ ବାନ୍ଧି ଦେଇଥିଲା । ସେହି ମୃତ୍ୟୁ ଫାଶ ଫିଟାଇ ନିଜ ଜୀବନକୁ ନେଇ ମୁକୁଳି ଆସିଛନ୍ତି ଜଣେ ଯାତ୍ରୀ । ମୃତ୍ୟୁର ବିମାନ ଭିତରୁ ସାହସର ସହ ଡେଇଁ ପଡ଼ିବାକୁ ଅଳ୍ପକେ ବର୍ତ୍ତିଯାଇଛି ତାଙ୍କ ଜୀବନ ।

Advertisment

ଅଧିକ ପଢନ୍ତୁ-

ଅହମଦାବାଦରୁ ଲଣ୍ଡନ, ଅଧା ଆକାଶରେ ଉଡ଼ିଗଲା ଜୀବନ

ବିମାନ ଦୁର୍ଘଟଣାରେ ୨୦୪ ଜଣଙ୍କ ମୃତ୍ୟୁ ହୋଇଥିବା ବେଳେ ଇଏ କେବଳ ଜଣେ ହିଁ ଯାତ୍ରୀ ଯିଏ ଅଳ୍ପକେ ବର୍ତ୍ତି ଯାଇଛନ୍ତି । ୧୧-ଏ ସିଟରେ ବସିଥିବା ଯାତ୍ରୀ ରମେଶ ବିଶ୍ବାସ କୁମାର ବିମାନରୁ ଡେଇଁ ପଡିବା ପରେ ଅଳ୍ପକେ ବର୍ତ୍ତି ଯାଇଛନ୍ତି । ତଳେ ପଡିବା ପରେ ତାଙ୍କ ଛାତି ଓ ଆଖିରେ ଯଦିଓ ଗଭୀର ଆଘାତ ଲାଗିଛି ମାତ୍ର ସେ ଭଲରେ ଚାଲି ଚାଲି ଯାଉଥିବା ଭିଡିଓ ଏବେ ଖୁବ ଭାଇରାଲ ହେଉଛି ।

ରମେଶ ବିଶ୍ବାସ ହସ୍ପିଟାଲରେ ଚିକିତ୍ସିତ ହେଉଥିବା ବେଳେ ବଖାଣିଛନ୍ତି ବିମାନ ଦୁର୍ଘଟଣାର ଲୋମଟାଙ୍କୁରା କାହାଣୀ । ୩୮ ବର୍ଷୀୟ ଯୁବକ ରମେଶ କହିଛନ୍ତି- ଉଡ଼ାଣ ଆରମ୍ଭ ହେବାର ପ୍ରାୟ ୩୦ ସେକେଣ୍ଡ ପରେ ପ୍ରଚଣ୍ଡ ଶବ୍ଦ ଶୁଭିଲା ପରେ ବିମାନଟି ଆକାଶରୁ ଖସି ମାଟିରେ ପଡିଥିଲା । ଶବ୍ଦ ପରେ ଆଘାତ ଏତେ ଜୋରରେ ହେଲା ଯେ କିଛି ବୁଝି ହେଲାନି । ସବୁକିଛି କେଇ ସେକେଣ୍ଡ ଭିତରେ ଘଟିଗଲା । ମୁଁ କିଛି ଜାଣିବା ଆଗରୁ ମୋ ଆଗରେ କୁଢ କୁଢ ଶବ ସବୁ ଗଦା ହୋଇଥିଲା । ମୁଁ ମୃତଦେହ ଦେଖି ଡରିଗଲି ଆଉ କିଛି ବୁଝିବା ଆଗରୁ ଉଠିଲି ଏବଂ ଧାଇଁଲି ବୋଲି ବିଶ୍ୱାସ କହିଛନ୍ତି । 

ଅଧିକ ପଢନ୍ତୁ-

ଏୟାର ଇଣ୍ଡିଆ ବିମାନ ଦୁର୍ଘଟଣା : ଗୁଜରାଟର ପୂର୍ବତନ ମୁଖ୍ୟମନ୍ତ୍ରୀ ବିଜୟ ରୂପାଣୀଙ୍କ ମୃତ୍ୟୁ