ଅସଦୁଦ୍ଦିନ ଓୱେସିଙ୍କ ଏଆଇଏମଆଇଏମ ମଧ୍ୟପ୍ରଦେଶରେ ପାଇଲା ପ୍ରଥମ ନିର୍ବାଚନୀ ବିଜୟ

ଭୋପାଳ: ଅସଦୁଦ୍ଦିନ ଓୱେସିଙ୍କ ଅଖିଳ ଭାରତୀୟ ମଜଲିସ-ଏ-ଇତେହାଦୁଲ ମୁସଲିମିନ (ଏଆଇଏମଆଇଏମ) ରବିବାର ମଧ୍ୟପ୍ରଦେଶର ପୌର ପରିଷଦ ନିର୍ବାଚନରେ ମଧ୍ୟପ୍ରଦେଶରେ ପ୍ରଥମ ନିର୍ବାଚନୀ ବିଜୟ ହାସଲ କରିଛି। ଏହାର ମହିଳା ପ୍ରାର୍ଥୀ ଖଣ୍ଡୱା ସହରରେ କର୍ପୋରେଟର ପଦବୀ ପାଇଁ ହୋଇଥିବା ନିର୍ବାଚନରେ ବିଜୟ ହାସଲ କରିିଛନ୍ତି।

ଏଆଇଏମଆଇଏମ ପ୍ରାର୍ଥୀ ଶାକିରା ବିଲାଲ ଖଣ୍ଡୱା ମ୍ୟୁନିସିପାଲିଟି କର୍ପୋରେସନର ୱାର୍ଡ ନମ୍ବର- ୧୪ରୁ ତାଙ୍କର ନିକଟତମ କଂଗ୍ରେସ ପ୍ରତିଦ୍ୱନ୍ଦ୍ୱୀ ନୁରଜାହାନ ବେଗମଙ୍କୁ ୨୮୫ ଭୋଟ ବ୍ୟବଧାନରେ ପରାସ୍ତ କରି ନିର୍ବାଚନ ଜିତ ଯାଇଛନ୍ତି ବୋଲି ଜଣେ ଅଧିକାରୀ କହିଛନ୍ତି।

ଖଣ୍ଡୱାର ୫୦ଟି ୱାର୍ଡ ମଧ୍ୟରୁ ଏଆଇଏମଆଇଏମ ମେୟର ମନୋନୀତ କାନିଜ ଫାତିମାଙ୍କ ବ୍ୟତୀତ ୧୦ଟି ୱାର୍ଡରେ ପ୍ରାର୍ଥୀ ଦଳ ଦେଇଥିଲା। ଏଆଇଏମଆଇଏମ ମୁଖ୍ୟ ଅସଦୁଦ୍ଦିନ ଓୱେସି ଚଳିତ ମାସ ପ୍ରାରମ୍ଭରେ ଅନୁଷ୍ଠିତ ମତଦାନ ପାଇଁ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିବା ପାଇଁ ଖଣ୍ଡୱାରେ ଏକ ସାଧାରଣ ସଭାକୁ ସମ୍ବୋଧିତ ମଧ୍ୟ କରିଥିଲେ।

ଏହା ବ୍ୟତୀତ ଓୱେସି ରାଜ୍ୟ ରାଜଧାନୀ ଭୋପାଳ, ଶିଳ୍ପ କେନ୍ଦ୍ର ଇନ୍ଦୋର ଏବଂ ଜବଲପୁରରେ ମଧ୍ୟ ସହରାଞ୍ଚଳ ପୌର ପରିଷଦ ନିର୍ବାଚନରେ ତାଙ୍କ ଦଳର ମନୋନୀତ ପ୍ରାର୍ଥୀିଙ୍କ ସପକ୍ଷରେ ଭୋଟ୍‌ ମାଗି ଜନସଭା କରିଥିଲେ।