ବିମାନ ଭଡା ବଢ଼ିପାରେ! ଜେଟ୍‌ ଇନ୍ଧନ ମୂଲ୍ୟ ୧୮% ବୃଦ୍ଧି ପାଇଲା

ନୂଆଦିଲ୍ଲୀ: ଯାତ୍ରୀବାହୀ ବିମାନର ଭଡ଼ାରେ ବୃଦ୍ଧି ଘଟିବାର ଆଶଙ୍କା ସୃଷ୍ଟି ହୋଇଛି। ବୁଧବାର ଦିନ ଜାତୀୟ ରାଜଧାନୀ ନୂଆଦିଲ୍ଲୀରେ ବିମାନ ଟର୍ବାଇନ୍‌ ଇନ୍ଧନ (ଏଟିଏଫ୍‌) କିମ୍ବା ଜେଟ୍‌ ଇନ୍ଧନ ମୂଲ୍ୟ ୧୮.୩୨ ପ୍ରତିଶତ ବୃଦ୍ଧି ପାଇ କିଲୋଲିଟର (କେଏଲ୍‌) ପିଛା ୧୧୦,୬୬୬.୨୯ ଟଙ୍କାରେ ପହଞ୍ଚିଛି। ଯାହା ସରକାରଙ୍କ ମାଲିକାନାରେ ଥିବା ଇନ୍ଧନ ଖୁଚୁରା ବ୍ୟବସାୟୀଙ୍କ ଦ୍ୱାରା ଜାରି କରାଯାଇଥିବା ମୂଲ୍ୟ ବିଜ୍ଞପ୍ତି ଅନୁଯାୟୀ ଏପର୍ଯ୍ୟନ୍ତ ସବୁଠାରୁ ଅଧିକ ବୃଦ୍ଧି ପାଇଛି।

ଏହି ବୃଦ୍ଧି ସହିତ, ଜେଟ୍‌ ଇନ୍ଧନର ମୂଲ୍ୟ ସର୍ବକାଳୀନ ଉଚ୍ଚସ୍ତରରେ ପହଞ୍ଚିଛି।

ବିମାନ ସେବା କ୍ଷେତ୍ରରେ ମୂଲ୍ୟର ପ୍ରାୟ ୪୦ ପ୍ରତିଶତ ପର୍ଯ୍ୟନ୍ତ ଇନ୍ଧନରେ ଖର୍ଚ୍ଚ ହୋଇଥାଏ। ତେବେ, ଦେଶରେ ଜେଟ୍‌ ଇନ୍ଧନ ପ୍ରଥମ ଥର ପାଇଁ କିଲୋଲିଟର ପିଛା ୧ ଲକ୍ଷ ଟଙ୍କା ଅତିକ୍ରମ କରିଛି। ଜାତୀୟ ରାଜଧାନୀରେ ବିମାନ ଟର୍ବାଇନ୍‌ ଇନ୍ଧନ (ଏଟିଏଫ୍‌) କିମ୍ବା ଜେଟ୍‌ ଇନ୍ଧନ ମୂଲ୍ୟ କେଏଲ୍‌ ପିଛା ୧୭,୧୩୫.୬୩ ଟଙ୍କା ବୃଦ୍ଧି ପାଇ କେଏଲ୍‌) ପିଛା ୧୧୦,୬୬୬.୨୯ ଟଙ୍କାରେ ପହଞ୍ଚିଛି।