ଆମେରିକାରେ ଶିକ୍ଷା ଭିସା ବାତିଲ୍‌ କରାଯାଇଥିବା ଛାତ୍ରଛାତ୍ରୀଙ୍କ ମଧ୍ୟରୁ ୫୦ ପ୍ରତିଶତ ହେଉଛନ୍ତି ଭାରତୀୟ

ୱାଶିଂଟନ: ଆମେରିକା ସରକାର ଆନ୍ତର୍ଜାତୀୟ ଛାତ୍ରମାନଙ୍କୁ ଆକ୍ରମଣାତ୍ମକ ଭାବରେ ଟାର୍ଗେଟ କରିଆସୁଛି। ବିଶେଷ କରି ଡୋନାଲ୍ଡ ଟ୍ରମ୍ପ ହ୍ୱାଇଟ୍ ହାଉସ୍ ନିୟନ୍ତ୍ରଣ ନେବା ପରଠାରୁ ଅନେକ ଅନ୍ତର୍ଜାତୀୟ ଛାତ୍ରଛାତ୍ରୀଙ୍କ ଭିସା ବାତିଲ୍‌ ହେଉଥିବାର ସୂଚନା ରହିଛି। ଭାରତୀୟ ଛାତ୍ରଛାତ୍ରୀମାନେ ବିଶେଷ ଭାବରେ ଏହି ଅସୁବିଧାର ସାମ୍ନା କରୁଛନ୍ତି।

ଆମେରିକୀୟ ଇମିଗ୍ରେସନ୍ ଲୟର୍ସ ଆସୋସିଏସନ୍ (ଏଆଇଏଲ୍‌ଏ) ଦ୍ୱାରା ସଂଗୃହୀତ ରିପୋର୍ଟ ଅନୁଯାୟୀ, ମୋଟ ୨୭ ଜଣ ଆନ୍ତର୍ଜାତୀୟ ଛାତ୍ରଙ୍କ ଅଧ୍ୟୟନ ଭିସା ବାତିଲ କରାଯାଇଥିବା ବେଳେ ଏମାନଙ୍କ ମଧ୍ୟରୁ ପ୍ରାୟ ୫୦ ପ୍ରତିଶତ ଛାତ୍ରଛାତ୍ରୀ ‌ହେଉଛନ୍ତି ଭାରତୀୟ। ତେବେ ତା’ପରେ ରହିଛନ୍ତି ଚୀନର ଛାତ୍ରଛାତ୍ରୀ। ଭାରତୀୟଙ୍କ ପରେ ପରେ ୧୪ ପ୍ରତିଶତ ଚୀନର ଛାତ୍ରଛାତ୍ରୀଙ୍କ ଭିସା ପ୍ରତ୍ୟାହାର କରିଛି ଆମେରିକା। 

"ଦ ଡିପାର୍ଟମେଣ୍ଟ୍‌ ଅଫ୍‌ ଷ୍ଟେଟ୍‌ଓ (ଡିଓଏସ୍‌) ଓ ଇମିଗ୍ରେସନ୍ ଆଣ୍ଡ୍‌ କଷ୍ଟମ୍ସ ପ୍ରବର୍ତ୍ତନ (ଆଇସିଇ) ଆନ୍ତର୍ଜାତୀୟ ଛାତ୍ରମାନଙ୍କୁ ଆକ୍ରମଣାତ୍ମକ ଭାବରେ ଟାର୍ଗେଟ କରୁଛନ୍ତି ବୋଲି ଆସୋସିଏସନ୍ ଏକ ରିପୋର୍ଟରେ କହିଛି।

ରିପୋର୍ଟରେ ଆହୁରି ମଧ୍ୟ କୁହାଯାଇଛି ଯେ ଗତ ମାସର ଶେଷ ଭାଗରେ, ସଚିବ ରୁବିଓ କହିଛନ୍ତି ଯେ ଡିଓଏସ୍‌ ୩୦୦ରୁ ଅଧିକ ଛାତ୍ର ଭିସା ବାତିଲ କରିଛି ଏବଂ ଏକ ନୂତନ "କ୍ୟାଚ୍ ଆଣ୍ଡ୍ ରିଭୋକ୍" କାର୍ଯ୍ୟକ୍ରମ ଘୋଷଣା କରିଛି। ଯାହା ଛାତ୍ର ଭିସା ଧାରକଙ୍କ ସୋସିଆଲ ମିଡିଆ ପୋଷ୍ଟଗୁଡ଼ିକୁ ଯାଞ୍ଚ କରିବା ପାଇଁ  ଏଆଇ ଦ୍ବାରା ସମୀକ୍ଷା କରୁଛି।