ପଦଯାତ୍ରା ଶେଷ ହେବା ପରେ ପ୍ରତିକ୍ରିୟା ଦେଲେ ଅନନ୍ତ ଅମ୍ବାନୀ

ନୂଆଦିଲ୍ଲୀ: ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡର ନିର୍ଦ୍ଦେଶକ ଅନନ୍ତ ଅମ୍ବାନୀଙ୍କ ୧୭୦ କିଲୋମିଟର ଦୀର୍ଘ ପଦଯାତ୍ରା ରବିବାର (୬ ଏପ୍ରିଲ) ଦ୍ୱାରକାଧୀଶ ମନ୍ଦିରରେ ପହଞ୍ଚି ଶେଷ ହୋଇଛି। 

ଅନନ୍ତ ତାଙ୍କର ୩୦ତମ ଜନ୍ମଦିନରେ ପ୍ରଭୁ ଦ୍ୱାରକାଧୀଶଙ୍କୁ ପ୍ରଣାମ ଜଣାଇଥିଲେ। ଯାତ୍ରାର ଶେଷରେ ତାଙ୍କ ମାଆ ନୀତା ଅମ୍ବାନୀ ଏବଂ ପତ୍ନୀ ରାଧିକା ମର୍ଚାଣ୍ଟ ମଧ୍ୟ ତାଙ୍କ ସହିତ ଯୋଗ ଦେଇଥିଲେ। ଅନନ୍ତ ଅମ୍ବାନୀଙ୍କ ଏହି ଧାର୍ମିକ ଯାତ୍ରା ୨୯ ମାର୍ଚ୍ଚରେ ଜାମନଗରରୁ ଆରମ୍ଭ ହୋଇଥିଲା।

ଅନନ୍ତ ଅମ୍ବାନୀ ଏହି ଯାତ୍ରାକୁ ଏକ ବ୍ୟକ୍ତିଗତ ଏବଂ ଆଧ୍ୟାତ୍ମିକ ଯାତ୍ରା ଭାବରେ ବର୍ଣ୍ଣନା କରି କହିଛନ୍ତି, ‘'ଏହା ମୋର ନିଜସ୍ୱ ଧାର୍ମିକ ଯାତ୍ରା ଥିଲା। ଭଗବାନଙ୍କ ନାମ ନେଇ ଯାତ୍ରା ଆରମ୍ଭ ହୋଇଥିଲା ଏବଂ ତାଙ୍କରି ନାମ ନେଇ ଯାତ୍ରା ସମାପ୍ତ ହୋଇଥିଲା।

ଭଗବାନ ଦ୍ୱାରକାଧୀଶ ଆମ ପ୍ରତି ଅତ୍ୟନ୍ତ ଦୟାଳୁ ଅଟନ୍ତି। ଏଥିପାଇଁ ମୁଁ ପ୍ରଭୁ ଦ୍ୱାରକାଧୀଶଙ୍କ ନିକଟରେ କୃତଜ୍ଞତା ଜଣାଉଛି। ଏହି ଯାତ୍ରା ବିଶ୍ୱାସ, ଭକ୍ତି ଏବଂ ଆଶୀର୍ବାଦରେ ପରିପୂର୍ଣ୍ଣ ଥିଲା।’

ଦ୍ୱାରକାଧୀଶରେ ପ୍ରାର୍ଥନା କରିବା ପରେ ଅନନ୍ତ ଅମ୍ବାନୀ ସମସ୍ତଙ୍କୁ ରାମନବମୀର ହାର୍ଦ୍ଦିକ ଶୁଭକାମନା ଜଣାଇଥିଲେ।