ଦିଲ୍ଲୀରେ ରୋହିଙ୍ଗ୍ୟାମାନଙ୍କୁ ବସବାସ କରିବାକୁ ଦେବୁନାହିଁ : କେଜ୍ରିଓ୍ବାଲ୍

ନୂଆଦିଲ୍ଲୀ: ଦିଲ୍ଲୀ ବିଧାନସଭା ନିର୍ବାଚନ ପୂର୍ବରୁ ରୋହିଙ୍ଗ୍ୟା ପ୍ରସଙ୍ଗ ଜୋର ଧରିଛି। ପୁଣି ଥରେ ରୋହିଙ୍ଗ୍ୟା ପ୍ରସଙ୍ଗକୁ ନେଇ ବିଜେପିକୁ ଟାର୍ଗେଟ କରିଛି ଆମ୍ ଆଦମୀ ପାର୍ଟି । ଆମ୍ ଆଦମୀ ପାର୍ଟି (ଆପ୍)ର ଆବାହକ ତଥା ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି ଯେ ବିଜେପି ରୋହିଙ୍ଗ୍ୟାମାନଙ୍କୁ ଦିଲ୍ଲୀରେ ବସବାସ କରାଉଛି । କିନ୍ତୁ ଆପ୍ କୌଣସି ପରିସ୍ଥିତରେ ବିଜେପିକୁ ଏହା କରିବାକୁ ଦେବ ନାହିଁ । 

ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏକ୍ସ ହ୍ୟାଣ୍ଡେଲରେ ଲେଖିଛନ୍ତି, "ଆମେ ବିଜେପିକୁ କୌଣସି ପରିସ୍ଥିତିରେ ଦିଲ୍ଲୀରେ ରୋହିଙ୍ଗ୍ୟାମାନଙ୍କୁ ବସବାସ କରିବାକୁ ଦେବୁ ନାହିଁ। ରୋହିଙ୍ଗ୍ୟାମାନଙ୍କୁ ଫ୍ଲାଟ୍, ଚାକିରି, ଦିଲ୍ଲୀର ଗରିବଲୋକଙ୍କୁ ସେମାନଙ୍କ ଅଧିକାର ଦେବା ପାଇଁ ବିଜେପିକୁ କୌଣସି ପରିସ୍ଥିତିରେ ଅନୁମତି ଦେବୁ ନାହିଁ।

ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏକ୍ସ ହ୍ୟାଣ୍ଡେଲରେ ଲେଖିଛନ୍ତି, "ଆମେ ବିଜେପିକୁ କୌଣସି ପରିସ୍ଥିତିରେ ଦିଲ୍ଲୀରେ ରୋହିଙ୍ଗ୍ୟାମାନଙ୍କୁ ବସବାସ କରିବାକୁ ଦେବୁ ନାହିଁ। ରୋହିଙ୍ଗ୍ୟାମାନଙ୍କୁ ଫ୍ଲାଟ୍, ଚାକିରି, ଦିଲ୍ଲୀର ଗରିବଲୋକଙ୍କୁ ସେମାନଙ୍କ ଅଧିକାର ଦେବା ପାଇଁ ବିଜେପିକୁ କୌଣସି ପରିସ୍ଥିତିରେ ଅନୁମତି ଦେବୁ ନାହିଁ।

ଅରବିନ୍ଦ କେଜ୍ରିୱାଲଙ୍କ ପୂର୍ବରୁ ମୁଖ୍ୟମନ୍ତ୍ରୀ ଆତିଶୀ ରୋହିଙ୍ଗ୍ୟା ପ୍ରସଙ୍ଗରେ ବିଜେପିକୁ ଟାର୍ଗେଟ କରିଥିଲେ। ସେ ତାଙ୍କ ଏକ୍ସ ହ୍ୟାଣ୍ଡେଲରେ ଲେଖିଛନ୍ତି, “ଗୋଟିଏ ପଟେ ବିଜେପିର ଲୋକ ଅଛନ୍ତି ଯେଉଁମାନେ ବାଂଲାଦେଶରୁ ସୀମା ଅତିକ୍ରମ କରି ରୋହିଙ୍ଗ୍ୟାମାନଙ୍କୁ ଦିଲ୍ଲୀ ଆଣି ସେମାନଙ୍କୁ ଦିଲ୍ଲୀବାସୀଙ୍କ ଅଧିକାର ପାଇଁ ଇଡବ୍ଲୁଏସ୍ ଫ୍ଲାଟ ଏବଂ ସୁବିଧା ଦେଉଛନ୍ତି। ଅପରପକ୍ଷରେ ଆମ୍ ଆଦମୀ ପାର୍ଟି ନେତୃତ୍ବାଧୀନ ଦିଲ୍ଲୀ ସରକାର ରୋହିଙ୍ଗ୍ୟାମାନଙ୍କୁ ଯେପରି ଦିଲ୍ଲୀବାସୀଙ୍କ ଅଧିକାର ନ ପାଇବେ ସେଥିପାଇଁ ସବୁ ପ୍ରକାର ପଦକ୍ଷେପ ନେଉଛନ୍ତି। ଆଜି ଦିଲ୍ଲୀ ସରକାରଙ୍କ ଶିକ୍ଷା ବିଭାଗ କଡ଼ା ନିର୍ଦ୍ଦେଶ ଦେଇଛନ୍ତି ଯେ କୌଣସି ରୋହିଙ୍ଗ୍ୟାଙ୍କୁ ଦିଲ୍ଲୀର ସରକାରୀ ସ୍କୁଲରେ ଭର୍ତ୍ତି କରାଯିବ ନାହିଁ। ଆମେ ଦିଲ୍ଲୀବାସୀଙ୍କ ଅଧିକାର ଛଡ଼ାଇ ନେବାକୁ ଦେବୁ ନାହିଁ।“