ଇନ୍ଦିରାଙ୍କ ଶାସନ ପାଇଁ ତାଙ୍କୁ ଲୋକ ସମୁଦ୍ରରେ ପକାଇଦେଇଥିଲେ: ଆସାମ ମୁଖ୍ୟମନ୍ତ୍ରୀ

ହାଇଦ୍ରାବାଦ: ଭାରତର ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କୁ ନେଇ ବିବାଦୀୟ ବୟାନ ଦେଇଛନ୍ତି ଆସାମ ମୁଖ୍ୟମନ୍ତ୍ରୀ | ରବିବାର ଦିନ ତେଲେଙ୍ଗାନାରେ ଶାସକ ତେଲେଙ୍ଗାନା ରାଷ୍ଟ୍ରିୟ ସମିତି (ଟିଆରଏସ) ସରକାରଙ୍କୁ ବିଜେପିର ବରିଷ୍ଠ ନେତା ତଥା ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା କଡା ଟାର୍ଗେଟ କରିଛନ୍ତି। ୱାରଙ୍ଗାଲରେ ଏକ ସାଧାରଣ ସଭାକୁ ସମ୍ବୋଧିତ କରି ସେ ହାଇଦ୍ରାବାଦ ସାଂସଦ ଆସାଦୁଦ୍ଦିନ ଓୱାଇସି ଏବଂ କଂଗ୍ରେସକୁ ମଧ୍ୟ ଟାର୍ଗେଟ କରିଛନ୍ତି। ଏକଛତ୍ରବାଦୀ ଶାସନ ଉପରେ ଏକ ଅଭିଭାଷଣ ଦେଇ ଶର୍ମା କହିଛନ୍ତି ଯେ ଭାରତର ଲୋକମାନେ ଇନ୍ଦିରା ଗାନ୍ଧୀଙ୍କ ପରି ଏକଛତ୍ରବାଦୀ ଶାସକକୁ ସମୁଦ୍ରରେ ପକାଇ ଦେଇଛନ୍ତି।

ତେଲେଙ୍ଗାନାର ଲୋକମାନେ ମଧ୍ୟ ଜାଣନ୍ତି କାହାକୁ ସମୁଦ୍ରରେ ପକାଇବାକୁ ହେବ | ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ବାହାନା କରି ଆସାମ ମୁଖ୍ୟମନ୍ତ୍ରୀ ରାଜ୍ୟର ଟିଆରଏସ ସରକାରଙ୍କୁ ଟାର୍ଗେଟ କରିଛନ୍ତି । ସେ କହିଛନ୍ତି, "ଅନ୍ୟାୟ ସହିତ ଲଢେଇ ଜାରି ରଖନ୍ତୁ। ଆମେ ଅନ୍ୟାୟ ସହ ଆପୋଷ ବୁଝାମଣା କରିବୁ ନାହିଁ'। ସେ ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ (କେସିଆର)ଙ୍କୁ ଘେରି କହିଛନ୍ତି, ଯେ "ଯେତେବେଳେ ବି ଜଣେ ଏକଛତ୍ରବାଦ ଶାସକ ପ୍ରଧାନମନ୍ତ୍ରୀ କିମ୍ବା ମୁଖ୍ୟମନ୍ତ୍ରୀ ହୁଅନ୍ତି, ଦେଶରେ ଜରୁରୀକାଳୀନ ପରିସ୍ଥିତି ଭଳି କିଛି ଘଟେ। ଦୁଃଖ ଭୋଗିବାକୁ ପଡିବ, ଆପଣ ଲୋକଙ୍କୁ କଠିନ ପରିଶ୍ରମ କରିବାକୁ ପଡିବ। କିନ୍ତୁ ଏହାର ଫଳ ମିଠା ହିଁ ହେବ "|

ଶର୍ମା କହିଛନ୍ତି, "ଭାରତର ଲୋକମାନେ ମଧ୍ୟ ଇନ୍ଦିରା ଗାନ୍ଧୀଙ୍କ ପରି ଏକଛତ୍ରବାଦୀ ଶାସକକୁ ସମୁଦ୍ର ଭିତରକୁ ଫିଙ୍ଗି ଦେଇଛନ୍ତି। ଏଠାରେ ମଧ୍ୟ ଏକ ସମୁଦ୍ର ଅଛି। ତେଲେଙ୍ଗାନାର ଲୋକମାନେ ଭଲଭାବେ ଜାଣିଛନ୍ତି କାହାକୁ ଫିଙ୍ଗିବେ। ତେଣୁ ଏକଛତ୍ରବାଦୀ ଶାସନ ଏଠାରେ କାମ କରିବ ନାହିଁ। ଭାରତର ମାଟିରେ ଏକଛତ୍ରବାଦୀ ଶାସନ କାମ କରିନଥିଲା ଏବଂ ଭବିଷ୍ୟତରେ ମଧ୍ୟ କାମ କରିବ ନାହିଁ। "