ନନ୍ଦିଗ୍ରାମରେ ବିଜେପି ନେତାଙ୍କୁ ଆକ୍ରମଣ

କୋଲକାତା : ସୋମବାର ନନ୍ଦିଗ୍ରାମର ଶାମଶାବାଦ ଅଞ୍ଚଳରେ ବିଜେପି ନେତା ମାମୋନି ଜାନାଙ୍କୁ ଦୁର୍ବୃତ୍ତମାନେ ଆକ୍ରମଣ କରିଥିବା ଅଭିଯୋଗ ହୋଇଛି। ଏହି ଆକ୍ରମଣ ପାଇଁ ବିଜେପି ତୃଣମୂଳ କଂଗ୍ରେସ (ଟିଏମ୍‌ସି)କୁ ଦାୟୀ କରିଛି।

ସୂଚନାନୁସାରେ, ନନ୍ଦିଗ୍ରାମ ବିଜେପି ମହିଳା ସେଲ ନେତ୍ରୀ ମାମୋନି ଜାନା ଘରକୁ ଫେରୁଥିବା ସମୟରେ କିଛି ଅଜ୍ଞାତ ବ୍ୟକ୍ତି ଧାରୁଆ ଅସ୍ତ୍ରରେ ତାଙ୍କୁ ଆକ୍ରମଣ କରିଥିଲେ। ସେ ତୁରନ୍ତ ନିକଟସ୍ଥ ଡାକ୍ତରଖାନାକୁ ଯାଇଥିଲେ। ତା’ପରେ ପୁଲିସରେ ଲିଖିତ ଅଭିଯୋଗ କରିଥିଲେ। ଏହି ମାମଲାରେ କାହାରିକୁ ଗିରଫ କରାଯାଇ ନାହିଁ।