ଦକ୍ଷିଣ ଆଫ୍ରିକା ପରେ ସ୍ପୁଟ୍ନିକ୍-ଭି ଉପରେ ପ୍ରତିବନ୍ଧକ ଲଗାଇଲା ନାମ୍ବିଆ

ନୂଆଦିଲ୍ଲୀ: ସ୍ପୁଟ୍ନିକ୍-ଭି ଟିକା ନେଲେ ଏଡ଼ସ ବା ଏଚ୍.ଆଇ.ଭି ହୋଇଥାଏ | କିଛି ଏଭଳି ଗୁଜବକୁ ବିଶ୍ୱାସ କରି ଏବେ ଏହି ଟିକାକୁ ଟିକାକରଣ ଅଭିଯାନରୁ ବାଦ ଦେଇଛି ନାମ୍ବିଆ | ଗୁଜବ ମୁତାବକ ସ୍ପୁଟ୍ନିକ୍-ଭି ଟିକା ଗ୍ରହଣ କରୁଥିବା ପୁରୁଷଙ୍କ ନିକଟରେ ଏଚ୍.ଆଇ.ଭି ସଂକ୍ରମଣ ହେବାର ଆଶଙ୍କା ବହୁଗୁଣିତ ହୋଇଥାଏ। ଏହି ଟିକାର ମାତ୍ରା ଗ୍ରହଣ କରିବା ପରେ ଶରୀରରେ ଅନେକ ପରିବର୍ତ୍ତନ ଘଟୁଛି | ଏହି କାରଣରୁ ପ୍ରଥମେ ଦକ୍ଷିଣ ଆଫ୍ରିକା ଏବଂ ବର୍ତ୍ତମାନ ନାମ୍ବିଆ ଏହି ଟିକା ଉପରେ ପ୍ରତିବନ୍ଧକ ଲଗାଇଛନ୍ତି।

ସ୍ପୁଟନିକ୍-ଭି ଟିକା ବିକଶିତ କରିଥିବା ଜମାଲିଆ ରିସର୍ଚ୍ଚ ଇନଷ୍ଟିଚ୍ୟୁଟ୍ ଏହି ନିଷ୍ପତ୍ତିରେ ଅସନ୍ତୋଷ ବ୍ୟକ୍ତ କରିଛି। ନାମ୍ବିଆର ନିଷ୍ପତ୍ତି କୌଣସି ତଥ୍ୟ ଆଧାରିତ ନୁହେଁ ବୋଲି ଅନୁଷ୍ଠାନ କହିଛି। ସୂଚନା ଥାଉ କି ଯେ ଦକ୍ଷିଣ ଆଫ୍ରିକା ନିଷ୍ପତ୍ତି ନେଇଛି ଯେ ଏହା ନିଜ ଦେଶରେ ସ୍ପୁଟନିକ୍-ଭି ର ଜରୁରୀକାଳୀନ ବ୍ୟବହାରକୁ ଅନୁମତି ଦେବ ନାହିଁ | ଦକ୍ଷିଣ ଆଫ୍ରିକା ସ୍ୱାସ୍ଥ୍ୟ ନିୟାମକ ଦାବି କରିଛନ୍ତି ଯେ କିଛି ଅନୁସନ୍ଧାନରୁ ଜଣାପଡିଛି ଯେ ସ୍ପୁଟ୍ନିକ୍-ଭିରେ ଆଡେନୋଭାଇରସ୍ ଟାଇପ୍ ୫ ଭେକ୍ଟର ରହିଛି, ଯାହାର ବ୍ୟବହାର ପୁରୁଷଙ୍କଠାରେ ଏଚ୍.ଆଇ.ଭିର ବିପଦକୁ ବଢ଼ାଇଥାଏ ।

ଆଉ ଏଚ୍.ଆଇ.ଭି ହେବାର ଆଶଙ୍କା କରି ଏବେ ନାମ୍ବିଆ ଏହି ଟିକା ଉପରେ ପ୍ରତିବନ୍ଧକ ଲଗାଇଛି | ତେବେ କମ୍ପାନୀ ଏକ ବିବୃତ୍ତିରେ କହିଛି ଯେ ଏଚ୍.ଆଇ.ଭି ସଂକ୍ରମିତ ଲୋକଙ୍କୁ ଟିକାକରଣ ବାବଦରେ ସମସ୍ତ ଆବଶ୍ୟକ ସୂଚନା ଦକ୍ଷିଣ ଆଫ୍ରିକାକୁ ହସ୍ତାନ୍ତର କରାଯାଇଛି, ଯାହା କୌଣସି ବିପଦ ନାହିଁ ବୋଲି ଦର୍ଶାଉଛି। ସୂଚନା ଥାଉ କି ଯେ ଭାରତରେ ମଧ୍ୟ ସ୍ପୁଟନିକ୍-ଭି ଟିକା ଜରୁରୀକାଳୀନ ବ୍ୟବହାର ପାଇଁ ଅନୁମୋଦିତ ହୋଇଛି।