ବ୍ୟାଙ୍କିଙ୍ଗ ସେବା ଲୋକଙ୍କ ପକେଟ ଲୁଟୁଛି: ଆପ୍ ସାଂସଦ

ନୂଆଦିଲ୍ଲୀ: ଆମ ଆଦମୀ ପାର୍ଟି(ଆପ୍)ର ରାଜ୍ୟସଭା ସାଂସଦ ରାଘବ ଚଢା ବୁଧବାର ସଂସଦରେ ବ୍ୟାଙ୍କିଙ୍ଗ ବ୍ୟବସ୍ଥା ଉପରେ ଅନେକ ପ୍ରଶ୍ନ ଉଠାଇଛନ୍ତି। ବ୍ୟାଙ୍କିଙ୍ଗ ବିଲ୍ ୨୦୨୪ ଉପରେ ଭାଷଣ ଦେଇ ସେ କହିଛନ୍ତି ଯେ, ଦେଶର ବ୍ୟାଙ୍କିଙ୍ଗ ବ୍ୟବସ୍ଥା ବିପଦରେ ପଡ଼ିଥିବା ପରି ମନେ ହେଉଛି। ଦେଶର କୋଟି କୋଟି ଲୋକ ସରକାରୀ ବ୍ୟାଙ୍କ ସହିତ ଜଡିତ। କିନ୍ତୁ ଏବେ ଲୋକଙ୍କ ବିଶ୍ୱାସ କମିବାରେ ଲାଗିଛି।

ରାଜ୍ୟସଭା ସାଂସଦ ରାଘବ ଚଢା ବ୍ୟାଙ୍କଗୁଡ଼ିକରେ ଖରାପ ଗ୍ରାହକ ସେବା ଉପରେ ଚିନ୍ତା ପ୍ରକାଶ କରି କହିଛନ୍ତି ଯେ, ସରକାରୀ ବ୍ୟାଙ୍କଗୁଡ଼ିକରେ ପାସବୁକ୍ ଅପଡେଟ୍ କରିବା ମଧ୍ୟ ଏବେ ଏକ ବଡ଼ ଚ୍ୟାଲେଞ୍ଜ ପାଲଟିଛି। ଛୋଟ ଛୋଟ କାମ ପାଇଁ ମଧ୍ୟ ଗ୍ରାହକମାନଙ୍କୁ ବ୍ୟାଙ୍କରେ ଘଣ୍ଟା ଘଣ୍ଟା ଧାଡ଼ିରେ ଠିଆ ହେବାକୁ ପଡ଼ୁଛି।

ବ୍ୟାଙ୍କ ସହିତ ଜଡିତ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ପ୍ରତି ଗୃହର ଦୃଷ୍ଟି ଆକର୍ଷଣ କରିଛନ୍ତି।  ସେ କହିଛନ୍ତି, ଯଦି ଆପଣ ଅଧିକ ଏଟିଏମ ବ୍ୟବହାର କରୁଛନ୍ତି, ତେବେ ଆପଣଙ୍କୁ ଜରିମାନା ଦେବାକୁ ପଡୁଛି! ରାଘବ ଚଢା କହିଛନ୍ତି ବ୍ୟାଙ୍କିଙ୍ଗ ବ୍ୟବସ୍ଥା ସାଧାରଣ ଲୋକଙ୍କ ପକେଟକୁ ଲୁଟୁଛି।

ରାଘବ ଚଢା ସଂସଦରେ ପ୍ରଶ୍ନ ଉଠାଇଥିଲେ ବ୍ୟାଙ୍କଗୁଡ଼ିକ କିପରି ଗ୍ରାହକଙ୍କ ପକେଟ ଲୁଟୁଛନ୍ତି। ସର୍ବନିମ୍ନ ବାଲାନ୍ସ, ଏଟିଏମ କାରବାର କିପରି କରାଯାଉଛି ସେ ନେଇ ସେ ତଥ୍ୟ ଉପସ୍ଥାପନା କରିଛନ୍ତି।

ବ୍ୟାଙ୍କଗୁଡ଼ିକ ଗୁପ୍ତ ଭାବରେ ଏସଏମଏସ ଆଲର୍ଟ ଏବଂ ଷ୍ଟେଟମେଣ୍ଟ ଚାର୍ଜ ନାମରେ ଟଙ୍କା ଲୁଟୁଛନ୍ତି। ସାଂସଦ ରାଘବ ଚଢା ସଂସଦରେ ସାଧାରଣ ଲୋକଙ୍କ ବ୍ୟାଙ୍କ ସମସ୍ୟାର ସ୍ୱର ଉଠାଇ କହିଛନ୍ତି, ବ୍ୟାଙ୍କଗୁଡ଼ିକ ଲୋକଙ୍କ ବିଶ୍ୱାସ ହରାଉଛନ୍ତି।

ଅଧିକ ପଢ଼ନ୍ତୁ: ଗରିବ କଏଦୀଙ୍କୁ ବଡ଼ ଆଶ୍ୱସ୍ତି: ସରକାର ଦେଉଛନ୍ତି ଜରିମାନା, ୬୦ କୋଟି ଟଙ୍କାର ବ୍ୟବସ୍ଥା

ବ୍ୟାଙ୍କରୁ ତଥ୍ୟ ଚୋରି ହେଉନାହିଁ। ଏହାକୁ  ଉଦ୍ଦେଶ୍ୟମୂଳକ ଲିକ୍ କରାଯାଉଥିବା ସେ ଅଭିଯୋଗ କରିଛନ୍ତି। ଗ୍ରାହକଙ୍କ ନମ୍ବର ଏବଂ ଇମେଲ୍ ମାର୍କେଟିଂ ଲୋକଙ୍କ ପାଖରେ କିପରି ପହଞ୍ଚୁଛି ବୋଲି ସେ ପ୍ରଶ୍ନ କରିଛନ୍ତି। କାହିଁକି ଅଧିକାଂଶ ଠକେଇ ମାମଲା, ବିଶେଷକରି ସାଇବର ଠକେଇ, ସରକାରୀ ବ୍ୟାଙ୍କଗୁଡ଼ିକରେ ରିପୋର୍ଟ କରାଯାଉଛି?

ସମ୍ପ୍ରତି ଆମେ ୟୁପିଆଇରୁ ଗୋଲଗପ୍ପା କିଣୁ, କିନ୍ତୁ ସରକାରୀ ବ୍ୟାଙ୍କଗୁଡ଼ିକ ଏବେ ବି ୯୦ ଦଶକରେ ଫସି ରହିଛନ୍ତି। ସେମାନଙ୍କର ଲକ୍ଷ୍ୟ ପୂରଣ କରିବା ପାଇଁ, ବ୍ୟାଙ୍କଗୁଡ଼ିକ ଲୋକଙ୍କୁ ଭୁଲ୍ ବୀମା ଏବଂ ନିବେଶ ଉତ୍ପାଦ ବିକ୍ରି କରୁଛନ୍ତି ବୋଲି ସେ ଗୁରୁତର ଅଭିଯୋଗ ଆଣିଛନ୍ତି।

ଅଧିକ ପଢ଼ନ୍ତୁ: ପାକିସ୍ତାନରେ ପାଣି ପାଇଁ ଯୁଦ୍ଧ: ମରିୟମ ଏବଂ ବିଲାୱଲଙ୍କ ସମର୍ଥକ ଖଣ୍ଡା ଧରିଲେ

APP | raghav-chadha