ହାର୍ଦ୍ଦିକ ପାଣ୍ଡ୍ୟାଙ୍କ ଉପରେ ବିସିସିଆଇର ଚଡ଼କ: ପ୍ରତିବନ୍ଧକ ଲଗାଯିବା ଆଶଙ୍କା

କୋଲକାତା: ମୁମ୍ବାଇ ଇଣ୍ଡିଆନ୍ସ ଦଶମ ମ୍ୟାଚରେ ଲକ୍ଷ୍ନୌ ସୁପର ଜ୍ୟାଣ୍ଟସ୍‌ଠାରୁ ପରାଜୟର ସମ୍ମୁଖୀନ ହୋଇଛି। ଏହା ପରେ ବିସିସିଆଇ ମୁମ୍ବାଇ ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ଉପରେ ଜରିମାନା ଲଗାଇଛି। ଏବେ ପାଣ୍ଡ୍ୟା ଉପରେ ପ୍ରତିବନ୍ଧକ ଲଗାଯିବାର ଆଶଙ୍କା ମଧ୍ୟ ଦେଖାଦେଇଛି।

ଆଇପିଏଲ ୨୦୨୪ ରେ ୪୮ତମ ମ୍ୟାଚ୍ ଲକ୍ଷ୍ନୌ ସୁପର ଜ୍ୟାଣ୍ଟସ୍ ଏବଂ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଖେଳାଯାଇଥିଲା। ଲକ୍ଷ୍ନୌ ଏହି ମ୍ୟାଚକୁ ୪ ୱିକେଟରେ ଜିତିଥିଲା। ଏହି ମ୍ୟାଚରେ ପରାଜୟ ପରେ ମୁମ୍ବାଇ ଇଣ୍ଡିଆନ୍ସର ସମସ୍ୟା ବଢ଼ିବାରେ ଲାଗିଛି।

ଦଳ ବର୍ତ୍ତମାନ ପ୍ଲେ ଅଫ୍ ବାହାରେ ରହିବାର ବିପଦରେ ରହିଛି। ମ୍ୟାଚ୍ ହାରିଯିବା ପରେ ଦଳର ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କୁ ବିସିସିଆଇ ଦଣ୍ଡିତ କରିଛି। ଯାହା ପରେ ବର୍ତ୍ତମାନ ପାଣ୍ଡ୍ୟାଙ୍କୁ ଏକ ମ୍ୟାଚରୁ ବାଦ୍ ଦିଆଯିବାର ବିପଦ ରହିଛି।

ଏହି ମ୍ୟାଚ୍‌ରେ ପ୍ରଥମେ ବ୍ୟାଟିଂ କରି ମୁମ୍ବାଇ ଇଣ୍ଡିଆନ୍ସ ଦଳ ୨୦ ଓଭରରେ ୭ ୱିକେଟ୍ ହରାଇ ୧୪୪ରନ୍ ସ୍କୋର କରିଥିଲା। ଏହା ପରେ ଲକ୍ଷ୍ନୌ ୧୯.୨ ଓଭରରେ ୬ ୱିକେଟ୍ ହରାଇ ଏହି ସହଜ ଲକ୍ଷ୍ୟ ହାସଲ କରିଥିଲା ​। ଏହି ମ୍ୟାଚ୍‌ରେ ମୁମ୍ବାଇ ଇଣ୍ଡିଆନ୍ସ ଦଳ ମନ୍ଥର ଓଭର ବୋଲିଂ କରି ଦୋଷୀ ସାବ୍ୟସ୍ତ ହୋଇଛି। ଏହା ପରେ ବିସିସିଆଇ ଦଳର ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ଉପରେ ୨୪ ଲକ୍ଷ ଟଙ୍କା ଜୋରିମାନା ଲଗାଇଛି।

ଏହାପୂର୍ବରୁ ପୁଣି ଥରେ ମୁମ୍ବାଇ ଦଳ ମନ୍ଥର ଓଭର ବୋଲିଂ କରି ଦୋଷୀ ସାବ୍ୟସ୍ତ ହୋଇଥିଲା। ବର୍ତ୍ତମାନ ଦ୍ୱିତୀୟ ଥର ପାଇଁ ହାର୍ଦ୍ଦିକଙ୍କୁ ଜରିମାନା କରାଯାଇଛି। ଯଦି ତୃତୀୟ ଥର ପାଇଁ ମୁମ୍ବାଇ ପୁଣି ଦୋଷୀ ସାବ୍ୟସ୍ତ ହୁଏ, ତେବେ ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କୁ ଗୋଟିଏ ମ୍ୟାଚ୍ ପାଇଁ ବାରଣ କରାଯାଇପାରେ।

ମୁମ୍ବାଇ ଇଣ୍ଡିଆନ୍ସ ଲକ୍ଷ୍ନୌ ସୁପର ଜିଆଣ୍ଟସ୍ ବିରୋଧରେ ମନ୍ଥର ଓଭର ବୋଲିଂ କରିବାରେ ଦୋଷୀ ସାବ୍ୟସ୍ତ ହେବା ପରେ କେବଳ ହାର୍ଦ୍ଦିକ ପାଣ୍ଡ୍ୟା ନୁହଁନ୍ତି ସମଗ୍ର ଦଳର ଖେଳାଳିଙ୍କୁ ଦଣ୍ଡିତ କରାଯାଇଛି। ହାର୍ଦ୍ଦିକଙ୍କ ସହିତ ଦଳର ବାକି ଖେଳାଳିଙ୍କୁ ମ୍ୟାଚ୍ ଫିର ୨୫ ପ୍ରତିଶତ ଜରିମାନା କରାଯାଇଛି।

ଆଇପିଏଲ୍ ୨୦୨୪ରେ ମୁମ୍ବାଇ ଇଣ୍ଡିଆନ୍ସର ପ୍ରଦର୍ଶନ ଅତ୍ୟନ୍ତ ଖରାପ ହୋଇଛି। ଯାହା ପରେ ନୂଆ ଦଳର ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନାୟକତ୍ୱ ଉପରେ ପ୍ରଶ୍ନ ଉଠିଛି। ଚଳିତ ସିଜନରେ ଏପର୍ଯ୍ୟନ୍ତ ମୁମ୍ବାଇ ଟିନ୍ ୧୦ ଟି ମ୍ୟାଚ୍ ଖେଳିଛି ଯେଉଁଥିରେ ଦଳ ୭ଟି ହାରି ୩ ଟି ମ୍ୟାଚ୍ ଜିତିଛି। ବର୍ତ୍ତମାନ ମୁମ୍ବାଇ ପାଇଁ ଏହାକୁ ପ୍ଲେ ଅଫ୍ କରିବା ଅତ୍ୟନ୍ତ କଷ୍ଟକର ହୋଇଛି।