ସୌନ୍ଦର୍ଯ୍ୟ ବୁଡ଼ାଇଲା ବେପାର!: କୁମ୍ଭମେଳା ଛାଡିବାକୁ ବାଧ୍ୟ ହେଲେ ଭାଇରାଲ ଗର୍ଲ ମୋନାଲିସା

ପ୍ରୟାଗରାଜ: ପ୍ରୟାଗରାଜ ମହାକୁମ୍ଭ ମେଳାରେ ବୁଡ଼ ପକାଇବା ପାଇଁ କୋଟି କୋଟି ଲୋକ ଆସୁଛନ୍ତି। ମେଳାର ବହୁ ଭିଡିଓ ସୋସିଆଲ ମିଡିଆରେ ପ୍ରତିଦିନ ସାମ୍ନାକୁ ଆସୁଛି। ନିକଟରେ ରୁଦ୍ରାକ୍ଷ ବିକ୍ରି କରୁଥିବା ଜଣେ ଝିଅ ସୋସିଆଲ ମିଡିଆରେ ଭାଇରାଲ ହୋଇଥିଲେ।

ସୂଚନାନୁସାରେ, ଏହି ଝିଅ ମଧ୍ୟପ୍ରଦେଶର ଇନ୍ଦୋରର ବାସିନ୍ଦା। ମୋନାଲିସା ନାମକ ଏହି ଝିଅଙ୍କର ଭିଡିଓ ଭାଇରାଲ ହେବାର କାରଣ ହେଉଛି ତାଙ୍କର ସୁନ୍ଦର ଆଖି। ଭାଇରାଲ ଗର୍ଲ ମୋନାଲିସାଙ୍କ ସୌନ୍ଦର୍ଯ୍ୟ ଏବେ ତାଙ୍କ ପାଇଁ ଅସୁବିଧା ସୃଷ୍ଟି କରିଛି। ‌ତାଙ୍କ ବେପାର ବୁଡ଼ି ଯାଇଛି। ଶେଷରେ ଭାଇରାଲ ଗର୍ଲ ମୋନାଲିସା କୁମ୍ଭମେଳା ଛାଡିବାକୁ ବାଧ୍ୟ  ହୋଇଛନ୍ତି।

ମହାକୁମ୍ଭରେ ସବୁଠାରୁ ସୁନ୍ଦର ସାଧ୍ବୀଙ୍କ ଭିଡିଓ ଭାଇରାଲ ହୋଇଥିଲା। ଏହା ପରେ ମଧ୍ୟପ୍ରଦେଶର ମୋନାଲିସା ତାଙ୍କ ସୌନ୍ଦର୍ଯ୍ୟ ଯୋଗୁ ଖବରରେ ଥିଲେ।

'ବ୍ରାଉନ୍ ବିୟୁଟି' ନାମରେ ପରିଚିତ ଏହି ଝିଅଟି ମହାକୁମ୍ଭରେ ମାଳ ବିକ୍ରି କରୁଥିବା ଦେଖିବାକୁ ମିଳିଥିଲା। କେହି କେହି ତାଙ୍କର ଭିଡିଓ ପ୍ରସ୍ତୁତ କରି ସୋସିଆଲ ମିଡିଆରେ ପୋଷ୍ଟ କରିଥିଲେ। ଏହା ପରେ ଏହି ଭିଡିଓଟି ୧୫ ମିଲିୟନରୁ ଅଧିକ ଭ୍ୟୁ ପାଇଛି। ତେବେ ଭିଡିଓ ଭାଇରାଲ ହେବା ମାତ୍ରେ  ଲୋକମାନେ ମୋନାଲିସାଙ୍କୁ ଖୋଜିବା ପାଇଁ କୁମ୍ଭମେଳାରେ ପହଞ୍ଚିବା ଆରମ୍ଭ କରିଥିଲେ।

ଭାଇରାଲ ହେବା ପରେ ମଧ୍ୟ ମୋନାଲିସା କୁମ୍ଭମେଳାରେ ମାଳ ବିକ୍ରି କରୁଥିଲେ। କିନ୍ତୁ ତାଙ୍କ ଚାରିପାଖରେ ସବୁବେଳେ ଲୋକଙ୍କ ଭିଡ଼ ଜମି ରହୁଥିଲା। ୟୁଟ୍ୟୁବର୍ ତାଙ୍କ ଭିଡିଓ ସୁଟିଂ କରିବାକୁ ଆସିବାକୁ ଲାଗିଲେ। ଯେଉଁଥି ପାଇଁ ମୋନାଲିସା ତାଙ୍କ ବେପାର କରିବାକୁ ସକ୍ଷମ ହୋଇ ନଥିଲେ। ଯେତେବେଳେ ବି ସେ ମାଳ ବିକ୍ରୟ କରିବାକୁ ବାହାରକୁ ଯାଉଥିଲେ, ସେ ଏକ ମାସ୍କ ଏବଂ କଳା ଚଷମା ପିନ୍ଧୁଥିଲେ, ଯାହାଫଳରେ ଲୋକମାନେ ତାଙ୍କୁ ଚିହ୍ନି ପାରିବେ ନାହିଁ। କିନ୍ତୁ ଲୋକମାନେ ସେଲଫି ଏବଂ ଭିଡିଓ ନେବା ବନ୍ଦ କରି ନଥିଲେ।

ଅଧିକ ପଢ଼ନ୍ତୁ: ସୈଫଙ୍କୁ ନେଇ ରାଜନୀତି ଆରମ୍ଭ: କଂଗ୍ରେସ-ଟିଏମସିକୁ କ୍ଷମା ମାଗିବାକୁ କହିଲା ବିଜେପି

ଏସବୁକୁ ନେଇ ବାଧ୍ୟ ହୋଇ ମୋନାଲିସା କୁମ୍ଭମେଳା ଛାଡି ଜୁସି ଅଞ୍ଚଳରେ ତାଙ୍କ ପରିବାର ପାଖକୁ ପଳାଇ ଆସିଥିଲେ। ମୋନାଲିସାଙ୍କ ପରିବାର ସେଠାରେ ଏକ ବସ୍ତିରେ ରହୁଛନ୍ତି। ସୂଚନାନୁସାରେ, ବାପା ମୋନାଲିସାଙ୍କୁ ଘରକୁ ପଠାଇଥିବାବେଳେ ତାଙ୍କର ଅନ୍ୟ ଦୁଇ ଭଉଣୀ ଏବେ ମଧ୍ୟ କୁମ୍ଭମେଳାରେ ମାଳ ବିକ୍ରି କରୁଛନ୍ତି।

ଅଧିକ ପଢ଼ନ୍ତୁ: ସମୁଦ୍ର ପତନରୁ ୫୦୦ ମିଟର ତଳେ ଇରାନର ନୌସେନା ଘାଟି