ଭାରତୀୟଙ୍କୁ ବଡ଼ ଝଟକା: ଜାନୁଆରୀ ୨୦ ପୂର୍ବରୁ ଭାରତ ଫେରିବାକୁ ହେବ

ୱାଶିଂଟନ୍:  ଆମେରିକାର ଆମେରିକୀୟ ବିଶ୍ୱବିଦ୍ୟାଳୟ ଭାରତୀୟ ଛାତ୍ରଛାତ୍ରୀଙ୍କ ସମେତ ସମସ୍ତ ବିଦେଶୀ ଛାତ୍ରଛାତ୍ରୀମାନଙ୍କୁ ଜାନୁଆରୀ ୨୦ ପୂର୍ବରୁ ନିଜ ନିଜ ଦେଶକୁ ଫେରିବାକୁ କହିଛନ୍ତି। ଏହାଦ୍ୱାରା ଭାରତୀୟ ଛାତ୍ରଛାତ୍ରୀମାନଙ୍କ ସମସ୍ୟା ବୃଦ୍ଧି ପାଇଛି।

ନୂଆ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପ୍ରଶାସନ ବେଆଇନ ପ୍ରବାସୀଙ୍କ ଦେଶାନ୍ତର ଉପରେ ଆଲୋଚନା କରୁଥିବା ବେଳେ ଏମଆଇଟି ସମେତ ଅନ୍ୟ ବିଶ୍ୱବିଦ୍ୟାଳୟଗୁଡ଼ିକର ଏଭଳି ନିର୍ଦ୍ଦେଶ ଆସିଛି। ଅନୁମାନ କରାଯାଉଛି ଯେ ଦେଶରେ ଏକ କୋଟିରୁ ଅଧିକ ବେଆଇନ ପ୍ରବାସୀ ଅଛନ୍ତି।

ଆମେରିକାର ଉଚ୍ଚଶିକ୍ଷା ପ୍ରତିଷ୍ଠାନଗୁଡ଼କ ବିଦେଶୀ ଛାତ୍ର ଏବଂ କର୍ମଚାରୀମାନଙ୍କୁ ଜାନୁଆରୀ ୨୦ ପୂର୍ବରୁ ଶୀତ ଅବକାଶରୁ ଫେରିବାକୁ ପରାମର୍ଶ ଦେଇଛନ୍ତି। ଏହି ଦିନ ଡୋନାଲ୍ଡ ଟ୍ରମ୍ପ ଆମେରିକାର ୪୭ ତମ ରାଷ୍ଟ୍ରପତି ଭାବରେ ଶପଥ ଗ୍ରହଣ କରିବେ।

ଟ୍ରମ୍ପ ପୂର୍ବରୁ ଘୋଷଣା କରିସାରିଛନ୍ତି ବେଆଇନ ପ୍ରବାସୀଙ୍କୁ ଦେଶରୁ ବିତାଡିତ କରାଯିବ। ଏବେ ମାସାଚୁସେଟ୍ସ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (ଏଆଇଟି) ସମେତ ଅନ୍ୟ ବିଶ୍ୱବିଦ୍ୟାଳୟଗୁଡ଼ିକ ଏଭଳି ନିର୍ଦ୍ଦେଶ ଜାରି କରିଛନ୍ତି। ଏହାଯୋଗୁ ଭାରତୀୟମାନେ ସର୍ବାଧିକ କ୍ଷତି ସହିବେ ବୋଲି କୁହାଯାଉଛି।

ଅନ୍ତର୍ଜାତୀୟ ଶିକ୍ଷା ବିନିମୟ ଉପରେ ଓପନ୍ ଡୋର୍ ରିପୋର୍ଟରେ ଦର୍ଶାଯାଇଛି ଯେ ଆମେରିକାରେ ୧.୧ ମିଲିୟନ୍ ବିଦେଶୀ ଛାତ୍ରଛାତ୍ରୀ ଅଛନ୍ତି। ସେମାନଙ୍କ ମଧ୍ୟରୁ ସର୍ବାଧିକ ସଂଖ୍ୟକ ହେଉଛନ୍ତି ୩୩୦,୦୦୦ ଭାରତୀୟ। ହାଇ ଏଡ୍ ଇମିଗ୍ରେସନ୍ ପୋର୍ଟାଲ୍ ଆକଳନ କରିଛି ଯେ ବର୍ତ୍ତମାନ ଆମେରିକାରେ ଉଚ୍ଚଶିକ୍ଷା ପାଇଁ ୪୦୦,୦୦୦ରୁ ଅଧିକ ଛାତ୍ରଛାତ୍ରୀ ନାମ ଲେଖାଇଛନ୍ତି। ସେମାନେ ଉପଯୁକ୍ତ ଡକ୍ୟୁମେଣ୍ଟ୍ ବିନା ଏଠାରେ ରହୁଛନ୍ତି।

ଅଧିକ ପଢ଼ନ୍ତୁ: ୱାୟନାଡ ଭୂସ୍ଖଳନ ପୀଡିତଙ୍କ ପ୍ରତି ଭେଦଭାବ କରିଛନ୍ତି ମୋଦୀ: ରାହୁଲଙ୍କ ଅଭିଯୋଗ

ଏମଆଇଟି କହିଛି, ଯେଉଁମାନଙ୍କର ବୈଧ ଭିସା ଅଛି, ସେମାନେ ଟ୍ରମ୍ପ ପ୍ରଶାସନର କୌଣସି ଭିସା ପ୍ରତିବନ୍ଧକ ଦ୍ୱାରା ପ୍ରଭାବିତ ହେବାର ସମ୍ଭାବନା ନାହିଁ। ଏଥିସହ, ଡକ୍ୟୁମେଣ୍ଟ୍ ନ ଥିବା ଛାତ୍ରଛାତ୍ରୀମାନଙ୍କ ପାଇଁ ବିଦେଶ ଯାତ୍ରା କରିବାର କୌଣସି ସମ୍ଭାବନା ନାହିଁ।

ସୂଚନାଯୋଗ୍ୟ, ୨୦୧୭ରେ ଟ୍ରମ୍ପ ପ୍ରଶାସନର ଅଭିଜ୍ଞତାକୁ ଦୃଷ୍ଟିରେ ରଖି ସତର୍କତା ଅବଲମ୍ବନ କରାଯାଉଛି। ଟ୍ରମ୍ପ ପ୍ରଶାସନ ୨୭ ଜାନୁୟାରୀ ୨୦୧୭ରେ ଏକ କାର୍ଯ୍ୟନିର୍ବାହୀ ଆଦେଶ ଜାରି କରି ସାତୋଟି ମୁସଲମାନ ଦେଶରୁ ପ୍ରବାସୀ ତଥା ଅଣପ୍ରବାସୀ ଯାତ୍ରୀଙ୍କୁ ୯୦ ଦିନ ପାଇଁ ଆମେରିକାରେ ପ୍ରବେଶ କରିବାକୁ ବାରଣ କରିଥିଲେ।

ଅଧିକ ପଢ଼ନ୍ତୁ: ସାବତ ଝିଅ ସହିତ ଦୁଷ୍କର୍ମ କରିଥିବା ପିତାଙ୍କୁ ୧୪୧ ବର୍ଷ ଜେଲ୍ ଦଣ୍ଡାଦେଶ