ରାଜ ଠାକରେଙ୍କ ପୁଅଙ୍କୁ ସମର୍ଥନ କରିବ ନାହିଁ ବିଜେପି: ୟୁ-ଟର୍ଣ୍ଣ ପଛରେ ରଣନୀତି କ’ଣ ରହିଛି?

ମୁମ୍ବାଇ: ମହାରାଷ୍ଟ୍ର ନିର୍ବାଚନ ୨୦୨୪ରେ ମହୀମ ଆସନରେ ବିଜେପି ଆଉ ରାଜ ଠାକରେଙ୍କ ପୁଅ ଅମିତ ଠାକରେଙ୍କୁ ସମର୍ଥନ କରିବ ନାହିଁ। ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏ ସମ୍ପର୍କରେ ବିଜେପି ହାଇକମାଣ୍ଡଙ୍କ ସହ କଥା ହୋଇଥିଲେ। ଏହା ପରେ ମୁମ୍ବାଇ ବିଜେପି ସଭାପତି ଆଶିଷ ଶେଲାର କହିଛନ୍ତି ଯେ ଆମେ କେବଳ ଗୋଟିଏ ଆସନରେ ଏମଏନଏସକୁ ସମର୍ଥନ କରୁଛୁ ଏବଂ ସେହି ଆସନ ମୁମ୍ବାଇର ଶିବଡି। ଏମଏନଏସର ବାଲା ନନ୍ଦଗାଓଁକର ଏହି ଆସନରୁ ପ୍ରତିଦ୍ୱନ୍ଦ୍ୱିତା କରୁଛନ୍ତି।

ଟିକେଟ୍ ବଣ୍ଟନ ସମୟରୁ ବିଜେପି ଦାବି କରିଆସୁଥିଲା ଯେ  ଦଳ ରାଜ ଠାକରେଙ୍କ ପୁଅ ଅମିତ ଠାକରେଙ୍କୁ ମହୀମ ଆସନରୁ ସମର୍ଥନ କରିବ। ମହାୟୁତୀରେ ଏ ବିଷୟରେ କୌଣସି ବିବାଦ ନ ଥିଲା ।

କିନ୍ତୁ ଯେତେବେଳେ ସିନ୍ଦେ ଦେଖିଲେ ଯେ ହାଇକମାଣ୍ଡ ଏହି ପ୍ରସଙ୍ଗରେ ସ୍ଥାନୀୟ ବିଜେପି ନେତାଙ୍କ ସମର୍ଥନରେ ନାହାନ୍ତି, ସେତେବେଳେ ସେ ତୁରନ୍ତ ବରିଷ୍ଠ ବିଜେପି ନେତାଙ୍କ ସହ ଆଲୋଚନା ସମୟରେ ଏହି ପ୍ରସଙ୍ଗ ଉଠାଇଥିଲେ। ଏହା ପରେ ଶେଲାର ବିଜେପି ହାଇକମାଣ୍ଡଙ୍କଠାରୁ ନିର୍ଦ୍ଦେଶ ପାଇବା ପରେ ଅମିତ ଠାକରେଙ୍କୁ ସମର୍ଥନ କରିବାକୁ ମନା କରିଦେଇଥିଲେ।

ନାରାୟଣ ରାଣେ ଏବଂ ଆଶିଷ ଶେଲାରଙ୍କ ଭଳି ବିଜେପିର ନେତାମାନେ କହିଛନ୍ତି ଯେ ସିନ୍ଦେ ତାଙ୍କ ପ୍ରାର୍ଥୀ ସଦା ସୌରଭଙ୍କର ନାମ ପ୍ରତ୍ୟାହାର କରି ଅମିତ ଠାକରେଙ୍କୁ ସମର୍ଥନ କରିବା ଉଚିତ୍।

ଏହା ପରେ ମଧ୍ୟ ଯେତେବେଳେ ସିନ୍ଦେ ରାଜି ହୋଇ ନ ଥିଲେ, ରାଜ ଠାକରେ ୨୦୨୨ମସିହାରେ ଶିବସେନା ଭାଙ୍ଗିବା ଠାରୁ ଆରମ୍ଭ କରି ନିର୍ବାଚନ ଚିହ୍ନ ପର୍ଯ୍ୟନ୍ତ ପ୍ରସଙ୍ଗ ଉଠାଇବା ଆରମ୍ଭ କରିଥିଲେ। ଏହା ପରେ ସିନ୍ଦେ  ନିଷ୍ପତ୍ତି ନେଇ ମହୀମ ଆସନରୁ ପ୍ରାର୍ଥୀ ପ୍ରତ୍ୟାହାର କରିବାକୁ ମନା କରିଦେଇଥିଲେ।

ଏହି ସମୟରେ ଅନ୍ୟ ଏକ ସିଦ୍ଧାନ୍ତ ମଧ୍ୟ ସାମ୍ନାକୁ ଆସୁଛି, ଅମିତ ଠାକରେ ଭାଣ୍ଡୁପରୁ ନିର୍ବାଚନ ଲଢ଼ିବା ଉଚିତ୍ ବୋଲି ସିନ୍ଦେ ଶିବସେନା ମତ ଦେଇଥିଲେ। ମହାୟୁତିର କୌଣସି ବିଧାୟକ ନ ଥିବାବେଳେ ରାଜ ଠାକରେ ନିଷ୍ପତ୍ତି ନେଇଥିଲେ ଯେ ଅମିତ ତାଙ୍କ ଘରୋଇ ନିର୍ବାଚନମଣ୍ଡଳୀରୁ ପ୍ରତିଦ୍ୱନ୍ଦ୍ୱିତା କରିବେ। ସେ ସେଠାକାର ବାସିନ୍ଦା। ଏହା ବ୍ୟତୀତ ପଡୋଶୀ ନିର୍ବାଚନମଣ୍ଡଳୀ ଶିବଡିରେ ବିଜେପି ଏବଂ ସିନ୍ଦେ ଏମଏନଏସ ପ୍ରାର୍ଥୀଙ୍କୁ ସମର୍ଥନ କରିବେ।

ଅଧିକ ପଢ଼ନ୍ତୁ: ୩ ବିବାହ, ୫ ସନ୍ତାନ: ଡୋନାଲ୍ଡ ଟ୍ରମ୍ପଙ୍କ ପରିବାର

ଅନ୍ୟପକ୍ଷରେ, ରାଜ ଠାକରେ ଏବଂ ତାଙ୍କ କର୍ମୀମାନେ ମୁମ୍ବାଇରେ ରହୁଥିବା ଉତ୍ତର ଭାରତୀୟ ଲୋକଙ୍କୁ କ୍ରମାଗତ ଭାବରେ ବିରୋଧ କରୁଛନ୍ତି। ଏଭଳି ପରିସ୍ଥିତିରେ ରାଜ ଠାକରେଙ୍କୁ ବିଜେପିର ସମର୍ଥନ କରିବା ଅର୍ଥ ହେବ ଯେ ଉତ୍ତର ଭାରତୀୟ ଭୋଟରମାନେ ବିଜେପିକୁ ସମର୍ଥନ କରିବେ ନାହିଁ ବରଂ ବିରୋଧୀ ଦଳକୁ ନିଜର ଭୋଟ୍ ଦେବେ। ଲୋକସଭା ନିର୍ବାଚନରେ ​​ହାରିଥିବା ବିଜେପି ଏଥର କୌଣସି ଭୁଲ କରିବାକୁ ଚାହୁଁ ନ ଥିଲା।  ତେଣୁ ବିଜେପି ରାଜ ଠାକରେଙ୍କଠାରୁ ଦୂରେଇ ଯାଇଥିଲା।

ଅଧିକ ପଢ଼ନ୍ତୁ: ସରକାରୀ କର୍ମଚାରୀ ଏବଂ ବିଚାରପତିଙ୍କ ବିରୋଧରେ ପିଏମ୍ଏଲ୍‌ଏ ମାମଲା ପୂର୍ବରୁ ଅନୁମତି ଜରୁରୀ: ସୁପ୍ରିମକୋର୍ଟ