ମହିଳାଙ୍କୁ ଧମକେଇ ବିବାଦରେ ବିଜେପି ବିଧାୟକ

କୋଲକାତା: ପଶ୍ଚିମବଙ୍ଗରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା। ଜଣେ ବରିଷ୍ଠ ବିଜେପି ନେତା ନିଜର କ୍ରୋଧ ହରାଇ ଜଣେ ମହିଳା ପ୍ରତିବାଦକାରୀଙ୍କୁ ଗଳାକାଟି ଦେବାକୁ ଧମକ ଦେବା ପରେ ଏକ ବଡ଼ ବିବାଦର ସମ୍ମୁଖୀନ ହୋଇଛନ୍ତି। ଖଡ଼ଗପୁରରେ ପୂର୍ବତନ ସାଂସଦ ଦିଲୀପ ଘୋଷଙ୍କ ମହିଳାଙ୍କ ସହ ମୁହାଁମୁହିଁ ହେବାର ଏକ ଭିଡିଓ ଭାଇରାଲ ହୋଇଛି, ଯାହାକୁ ଶାସକ ତୃଣମୂଳ ପକ୍ଷରୁ ସମାଲୋଚନା କରାଯାଇଛି।

ଶୁକ୍ରବାର ଘୋଷ ୱାର୍ଡ ନମ୍ବର ୬ରେ ଏକ ନବନିର୍ମିତ ରାସ୍ତା ଉଦଘାଟନ କରିବାକୁ ଯାଇଥିବା ସମୟରେ ସ୍ଥାନୀୟ ମହିଳାମାନେ ତାଙ୍କୁ ଘେରି ରହିଥିଲେ। ସାଂସଦ ଭାବରେ ତାଙ୍କ କାର୍ଯ୍ୟକାଳ ସମୟରେ ମହିଳାମାନେ ତାଙ୍କ ଅନୁପସ୍ଥିତି ଉପରେ ପ୍ରଶ୍ନ ଉଠାଇ ପୂର୍ବତନ ରାଜ୍ୟ ବିଜେପି ମୁଖ୍ୟଙ୍କୁ କ୍ରୋଧିତ କରିଥିଲେ।

ଜଣେ ମହିଳା ତାଙ୍କୁ ପ୍ରଶ୍ନ କଲେ କି ‘‘ତୁମେ ଏତେ ସମୟ ପାଇଁ କେଉଁଠି ଥିଲ? ଯେତେବେଳେ ତୁମେ ସାଂସଦ ଥିଲ, ଆମେ ତୁମକୁ ଗୋଟିଏ ଦିନ ପାଇଁ ମଧ୍ୟ ଦେଖିନଥିଲୁ। ଏବେ, ଆମର କାଉନସିଲର (ତୃଣମୂଳର ପ୍ରଦୀପ ସରକାର) ରାସ୍ତା ନିର୍ମାଣ କରିବା ପରେ, ତୁମେ ଏଠାକୁ କାହିଁକି ଆସିଛ?" 

ତା’ପରେ ଘୋଷ ଆକ୍ରମଣାତ୍ମକ ଭାବରେ ପ୍ରତିକ୍ରିୟା ଦେଲେ ଏବଂ ପ୍ରତିବାଦକାରୀମାନଙ୍କୁ ତୃଣମୂଳ ସମର୍ଥକ ବୋଲି କହିଲେ। "ମୁଁ ଏହାକୁ ମୋ ଟଙ୍କାରେ ତିଆରି କରିଛି, ତୁମର ବାପାଙ୍କ ଟଙ୍କାରେ ନୁହେଁ। ଯାଇ ଏ ବିଷୟରେ ପ୍ରଦୀପ ସରକାରଙ୍କୁ ପଚାର ବୋଲି କହି ବିଜେପି ନେତା ପାଲଟା ଆକ୍ରମଣ କରିଥିଲେ। ଏହି କଥାକୁ ନେଇ ଉଭୟ ପକ୍ଷ ମଧ୍ୟରେ ଯୁକ୍ତିତର୍କ ବଢ଼ିବାରକୁ ପ୍ରଦୀପ ରାଗରେ କହିଛନ୍ତି କି ‘ମୁଁ ତୁମ ନିଶ୍ବାସ ବନ୍ଦ୍‌ କରିଦେବି’।