ଶ୍ରଦ୍ଧା ହତ୍ୟା ପାଇଁ ଇଣ୍ଟରନେଟ୍‌କୁ ଦାୟୀ କଲେ ବମ୍ବେ ହାଇକୋର୍ଟର ମୁଖ୍ୟ ବିଚାରପତି

ପୁନେ : ପୁନେଠାରେ ଏକ ସେମିନାରରେ ଉଦ୍‌ବୋଧନ ଦେଇ ବମ୍ବେ ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ୍ ଦୀପଙ୍କର ଦତ୍ତା କହିଛନ୍ତି ଯେ, ଶ୍ରଦ୍ଧାଙ୍କୁ ଯେଉଁଭଳି ହତ୍ୟା କରାଯାଇଛି ସେଥିପାଇଁ ଇଣ୍ଟରନେଟ୍‌ରେ ଉପଲବ୍ଧ ଉପାଦାନ ଦାୟୀ। ଜଷ୍ଟିସ୍ ଦତ୍ତା ସାରା ଦେଶରେ ବୃଦ୍ଧି ପାଉଥିବା ଜଘନ୍ୟ ଅପରାଧ ନେଇ ଚିନ୍ତା ପ୍ରକଟ କରିଥିଲେ। ସେ କହିଥିଲେ, ଇଣ୍ଟରନେଟ୍‌ରେ ଡେଟିଂ ଆପ୍ ପରି ଉପାଦାନ ବହୁଳମାତ୍ରାରେ ମିଳୁଛି ଏବଂ ତା’ର ଦୁରୁପଯୋଗ କରାଯାଉଛି। ଯୁବଗୋଷ୍ଠୀ ତାହାର ଶିକାର ହେଉଛନ୍ତି। ଏଭଳି ସ୍ଥିତିରୁ ଉଦ୍ଧାର ପାଇବା ପାଇଁ ସ୍ବତନ୍ତ୍ର ଆଇନ ପ୍ରଣୟନର ଆବଶ୍ୟକତା ଅଛି ବୋଲି ସେ କହିଥିଲେ।