ଶୁଭ ସମୟ ଥିବାରୁ ରାସ୍ତପାର୍ଶ୍ବରେ ୯୦ରୁ ଅଧିକ ବରକନ୍ୟା ଯୋଡ଼ି ବିବାହ କଲେ

ନୂଆଦିଲ୍ଲୀ: ତାମିଲନାଡୁରେ କୋଭିଡ -୧୯ର ବୃଦ୍ଧି ପାଉଥିବା ମାମଲାକୁ ଦୃଷ୍ଟିରେ ରଖି ମନ୍ଦିର ବନ୍ଦ ହେବା କାରଣରୁ ଜାନୁଆରି ୨୩ ତାରିଖରେ ୯୦ରୁ ଅଧିକ ଯୋଡ଼ିଙ୍କ ଏକ ପ୍ରସିଦ୍ଧ ବୈଷ୍ଣବ ମନ୍ଦିର ବାହାରେ ବିବାହ ସମ୍ପନ୍ନ ହୋଇଛି।

ମନ୍ଦିରର ପରିଚାଳକ ଅଧିକାରୀ ଏ.ବୀରବଥିରନ ଓ ପୂଜାରୀ ସଂଘର ସଚିବ ରଥୀନା ସବପତି କହିଛନ୍ତି ଯେ ରବିବାର ଦିନ ଏହି ଲୋକପ୍ରିୟ ମନ୍ଦିର ସମ୍ମୁଖରେ ଥିବା ରାସ୍ତାରେ ଅତି କମରେ ୯୧ଟି ବିବାହ ହୋଇଥିଲା। ରାଜ୍ୟରେ କୋଭିଡ -୧୯କୁ ଦୃଷ୍ଟିରେ ରଖି ଲଗାଯାଇଥିବା ପ୍ରତିବନ୍ଧକ ଯୋଗୁଁ ସମସ୍ତ ଧାର୍ମିକସ୍ଥଳ ଶୁକ୍ରବାର, ଶନିବାର ଏବଂ ରବିବାର ଦିନ ବନ୍ଦ ରଖିବାକୁ ନିର୍ଦ୍ଦେଶ ଦିଆଯାଇଛି।

ଏ.ବୀରବଥିରନ ଓ ସବପତି କହିଛନ୍ତି, ଯେ ରବିବାର ଦିନ ଶୁଭ ସମୟ ହେତୁ ମନ୍ଦିର ନିକଟସ୍ଥ ରାସ୍ତାରେ ମୋଟ ୯୧ ଟି ବିବାହ କରାଯାଇଥିଲା। ଜିଲ୍ଲା ମୁଖ୍ୟାଳୟଠାରୁ ପ୍ରାୟ ୧୨ କିଲୋମିଟର ଦୂରରେ ଅବସ୍ଥିତ ଏହି ଛୋଟ ସହରର ମନ୍ଦିରରେ ମୋଟ ୧୧୦ଟି ବିବାହ ପଞ୍ଜିକୃତ ହୋଇଥିଲା । ବିବାହ ପାଇଁ ଏହି ମନ୍ଦିର ବହୁତ ଲୋକପ୍ରିୟ ।

ରବିବାର ସକାଳ ୪.୩୦ ରୁ ୧୧ ଟା ମଧ୍ୟରେ ଏହି ବିବାହ ଆୟୋଜନ କରାଯାଇଥିଲା । ମନ୍ଦିର ଖୋଲା ହେଲେ ବିବାହ କରିବାର କୌଣସି ପ୍ରତିବନ୍ଧକ ନାହିଁ । ସରକାରଙ୍କ ଆକଳନ ଅନୁଯାୟୀ, ଜାନୁଆରି ୨୩ ସୁଦ୍ଧା ତାମିଲନାଡୁରେ କୋଭିଡ -୧୯ ର ୩୦,୫୮୦ଟି ନୂଆ ମାମଲା ରହିଛି। ସଂକ୍ରମଣ ବଢ଼ୁଥିବାରୁ ରାତି ୧୦ଟାରୁ ସକାଳ ୫ଟା ମଧ୍ୟରେ ରାଜ୍ୟରେ ରାତ୍ରି କର୍ଫ୍ୟୁ ମଧ୍ୟ ଲାଗୁ କରାଯାଇଛି।