ଏହି ସରକାରୀ ଆପ୍ ଦେବ ବଜେଟ ସମ୍ପର୍କରେ ସମ୍ପୂର୍ଣ୍ଣ ସୂଚନା

ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣ ଆସନ୍ତାକାଲି ଅର୍ଥାତ୍ ୨୦୨୪ ଜୁଲାଇ ୨୩ରେ ସଂସଦରେ ମୋଦୀ ସରକାରଙ୍କ ତୃତୀୟ କାର୍ଯ୍ୟକାଳର ପ୍ରଥମ ପୂର୍ଣ୍ଣ ବଜେଟ୍ ଉପସ୍ଥାପନ କରିବେ।

ବଜେଟ୍ ସମସ୍ତଙ୍କ ଜୀବନକୁ ପ୍ରଭାବିତ କରିଥାଏ । ତେଣୁ ବଜେଟକୁ ନେଇ ସାଧାରଣ ଲୋକଙ୍କ ଠାରୁ ଆରମ୍ଭ କରି ଟିକସଦାତା, ବ୍ୟବସାୟଶ୍ରେଣୀ, ଯୁବକ, କୃଷକ ଇତ୍ୟାଦି ସମସ୍ତେ ଅନେକ ଆଶା ରଖିଥାଆନ୍ତି। ଯଦି ଆପଣ ସାଧାରଣ ବଜେଟ୍ ସହିତ ଜଡ଼ିତ ସମସ୍ତ ସୂଚନା ବିଷୟରେ ଜାଣିବାକୁ ଚାହାଁନ୍ତି, ତେବେ ଆପଣ ସରକାରୀ ଅଫିସିଆଲ୍ ଆପ୍ ୟୁନିଅନ୍ ବଜେଟ୍ ଆପରେ ପାଇପାରିବେ ।

ୟୁନିଅନ୍ ବଜେଟ୍ ଆପ୍ ହେଉଛି ଏକ ସରକାରୀ ଆପ୍। ଯେଉଁଥିରେ ବଜେଟ୍ ସହିତ ଜଡିତ ସମସ୍ତ ସୂଚନା ପିଡିଏଫ ଫର୍ମାଟରେ ଉପଲବ୍ଧ ହେବ। ଏହି ଆପ୍ ଡାଉନଲୋଡ୍ କରି ଆପଣମାନେ ଆସନ୍ତାକାଲି ଉପସ୍ଥାପିତ ହେବାକୁ ଥିବା ବଜେଟ୍ ବିଷୟରେ ସହଜରେ ସୂଚନା ପାଇପାରିବେ ।

କେବଳ ଏତିକି ନୁହେଁ ଫେବ୍ରୁଆରିରେ ଉପସ୍ଥାପିତ ହୋଇଥିବା ଅନ୍ତରୀଣ ବଜେଟର ବିବରଣୀ ମଧ୍ୟ ଏହି ଆପରେ ଉପଲବ୍ଧ ରହିଛି। ଆପରେ ଆପଣ ଇଂରାଜୀ ଏବଂ ହିନ୍ଦୀ ଭାଷାରେ ବଜେଟ୍ ସମ୍ବନ୍ଧୀୟ ସମସ୍ତ ସୂଚନା ପାଇବେ ।

ଆପରୁ ବଜେଟ୍ ଡକ୍ୟୁମେଣ୍ଟ୍ ଏପରି କରନ୍ତୁ ଡାଉନଲୋଡ୍

ଆପଣ ପ୍ରଥମେ ଗୁଗୁଲ୍ ପ୍ଲେ ଷ୍ଟୋରରୁ ୟୁନିଅନ୍ ବଜେଟ୍ ଆପ୍ ଡାଉନଲୋଡ୍ କରିପାରିବେ । ଏହି ଆପ୍ ଡାଉନଲୋଡ୍ କରିବା ପରେ ଏଥିରେ ଲଗ୍ଇନ୍ କରନ୍ତୁ |

ତା’ପରେ ଆପଣ ବଜେଟ୍ ଡକ୍ୟୁମେଣ୍ଟ୍ ଡାଉନଲୋଡ୍ କରି ବିକଳ୍ପ ଦେଖି ପାରିବେ। ଏହାପରେ ଡାଉନଲୋଡ୍ ତୀର ସଙ୍କେତ ଉପରେ କ୍ଲିକ୍ କରି ଆପଣ ସମ୍ପୂର୍ଣ୍ଣ ବଜେଟ୍ ଡକ୍ୟୁମେଣ୍ଟ୍ ଡାଉନଲୋଡ୍ କରି ପଢ଼ିପାରିବେ ।