କୋଲକାତା ଦୁଷ୍କର୍ମ ଓ ହତ୍ୟା ମାମଲା : ସନ୍ଦୀପ ଘୋଷଙ୍କୁ ଗିରଫ କଲା ସିବିଆଇ

କୋଲକାତା : ଆରଜି କର ହସ୍ପିଟାଲରେ ମହିଳା ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ମାମଲାରେ ସିବିଆଇ ଉକ୍ତ ମେଡିକାଲ କଲେଜର ପୂର୍ବତନ ଅଧ୍ୟକ୍ଷ ସନ୍ଦୀପ ଘୋଷଙ୍କୁ ପଚରାଉଚରା ପାଇଁ ଗିରଫ କରିଛି। ତାଙ୍କୁ ଆର୍ଥିକ ଦୁର୍ନୀତି ମାମଲାରେ ସିବିଆଇର ଦୁର୍ନୀତି ନିବାରଣ ଶାଖା ଗିରଫ କରିଛି। 

ସନ୍ଦୀପ ଘୋଷଙ୍କୁ ସୋମବାର ସଲ୍ଟଲେକ୍ ସିଜିଓ କମ୍ପ୍ଲେକ୍ସସ୍ଥିତ ସିବିଆଇ କାର୍ଯ୍ୟାଳୟରେ ପଚରାଉଚରା କରାଯାଉଥିଲା। ଆରଜି କର ହସ୍ପିଟାଲ ସିବିଆଇର ଦୁର୍ନୀତି ନିବାରଣ ଶାଖା ଦ୍ୱାରା ଆର୍ଥିକ ଦୁର୍ନୀତି ମାମଲାର ତଦନ୍ତ କରୁଥିଲା। ଏହାପରେ ଘୋଷଙ୍କୁ ସିବିଆଇ ଗିରଫ କରିଥିଲା।

ସନ୍ଦୀପ ଘୋଷଙ୍କୁ ସୋମବାର ସଲ୍ଟଲେକ୍ ସିଜିଓ କମ୍ପ୍ଲେକ୍ସସ୍ଥିତ ସିବିଆଇ କାର୍ଯ୍ୟାଳୟରେ ପଚରାଉଚରା କରାଯାଉଥିଲା। ଏହାପରେ ସିବିଆଇର ଦୁର୍ନୀତି ନିବାରଣ ଶାଖା ସିଜିଓ କମ୍ପ୍ଲେକ୍ସକୁ ଆସି ତାଙ୍କୁ ନେଇଯାଇଥିଲା । ଆରଜି କର ହସ୍ପିଟାଲ ସିବିଆଇର ଦୁର୍ନୀତି ନିବାରଣ ଶାଖା ଦ୍ୱାରା ଆର୍ଥିକ ଦୁର୍ନୀତି ମାମଲାର ତଦନ୍ତ କରୁଥିଲା। ଏହାପରେ ଘୋଷଙ୍କୁ ସିବିଆଇ ଗିରଫ କରିଥିଲା।

ସଂଦୀପଙ୍କୁ ଗତ ଦୁଇ ସପ୍ତାହରୁ ଅଧିକ ସମୟ ଧରି ସିବିଆଇ ପକ୍ଷରୁ ପଚରାଉଚରା କରାଯାଉଥିଲା। ଗତ ମାସରେ ଆରଜି କର ହସ୍ପିଟାଲରେ ଜଣେ ୩୧ ବର୍ଷୀୟ ମହିଳା ଟ୍ରେନି ଡାକ୍ତରଙ୍କୁ ଦୁଷ୍କର୍ମ ପରେ ହତ୍ୟା କରାଯାଇଥିଲା। ଦୁଷ୍କର୍ମ ଓ ହତ୍ୟା ଅଭିଯୋଗରେ ପୁଲିସ ସଂଜୟ ରାୟଙ୍କୁ ଗିରଫ କରି ସାରିଛି ଏବଂ ସେ ଏବେ ଜେଲରେ ଅଛନ୍ତି।

ସନ୍ଦୀପ ଘୋଷ ଗିରଫ ହେବା ପରେ ପୂର୍ବତନ ଟିଏମସି ନେତା ଶାନ୍ତନୁ ରାୟ ଟ୍ୱିଟ୍ କରି ଲେଖିଥିଲେ ଯେ ଭଗବାନ ନ୍ୟାୟ କରିଛନ୍ତି, ଏହି ପ୍ରମାଣ ହେଉଛି ମୁଁ ଭୁଲ୍ କହିନାହିଁ। ଦୁର୍ନୀତି ସମ୍ପର୍କରେ ମୁଁ ବହୁ ପୂର୍ବରୁ ସଠିକ୍ ସ୍ଥାନରେ ସୂଚନା ଦେଇଥିଲି।