ରକ୍ଷାବନ୍ଧନ ପୂର୍ବରୁ କେନ୍ଦ୍ରୀୟ କର୍ମଚାରୀଙ୍କୁ ମିଳିପାରେ ଉପହାର: ବଢ଼ିପାରେ ମହଙ୍ଗା ଭତ୍ତା

ନୂଆଦିଲ୍ଲୀ: ରକ୍ଷାବନ୍ଧନ ପୂର୍ବରୁ କେନ୍ଦ୍ର ସରକାର କେନ୍ଦ୍ରୀୟ କର୍ମଚାରୀମାନଙ୍କୁ ଏକ ବଡ଼ ଉପହାର ଦେଇପାରନ୍ତି। ସରକାର ସପ୍ତମ ବେତନ କମିସନ ଅନୁଯାୟୀ ଡିଏ ବୃଦ୍ଧି ଘୋଷଣା କରିପାରନ୍ତି। ସରକାର ଜୁଲାଇ ୨୦୨୫ ରେ କର୍ମଚାରୀମାନଙ୍କୁ ୩-୪ପ୍ରତିଶତ ମହଙ୍ଗା ଭତ୍ତା ଦେଇପାରନ୍ତି। ପୂର୍ବରୁ ମାର୍ଚ୍ଚ ମାସରେ ଡିଏ ୨ପ୍ରତିଶତ ବୃଦ୍ଧି କରାଯାଇଥିଲା, ଯାହା ପରେ ଏହା  ୫୩ ପ୍ରତିଶତରୁ ୫୫ ପ୍ରତିଶତକୁ ବୃଦ୍ଧି ପାଇଥିଲା।

ମୁଦ୍ରାସ୍ଫୀତିକୁ ଆଖି ଆଗରେ ରଖି, ସରକାର କେନ୍ଦ୍ର ସରକାରୀ କର୍ମଚାରୀମାନଙ୍କୁ ବର୍ଷକୁ ଦୁଇଥର ମହଙ୍ଗା ଭତ୍ତା ଦିଅନ୍ତି। ପ୍ରଥମଟି ଜାନୁଆରି ୧ ରୁ ଏବଂ ଦ୍ୱିତୀୟଟି ଜୁଲାଇ ୧ ରୁ କାର୍ଯ୍ୟକାରୀ ହୁଏ।

ଅଧିକ ପଢ଼ନ୍ତୁ: ମୋଦୀଙ୍କ ଗୁପ୍ତ ବୈଠକ, ସାଦା କାଗଜରେ ଦସ୍ତଖତ: ଧନଖଡ଼ଙ୍କୁ ହଟାଇବା 'ସ୍କ୍ରିପ୍ଟ' ଲିକ୍!!

ମାର୍ଚ୍ଚରେ ଘୋଷଣା ହୋଇଥିବା ଭତ୍ତା ଜାନୁଆରି ୧ ରୁ ଲାଗୁ ହେବ ବୋଲି ବିବେଚନା କରାଯାଇଥାଏ। ବର୍ତ୍ତମାନ ଘୋଷଣା ହେବାକୁ ଥିବା ଭତ୍ତା ୧ ଜୁଲାଇ ୨୦୨୫ରୁ କାର୍ଯ୍ୟକାରୀ ହେବ ବୋଲି ବିବେଚନା କରାଯାଉଛି। କେନ୍ଦ୍ର କର୍ମଚାରୀମାନଙ୍କୁ ସରକାର ଡିଏ ଏବଂ ପେନସନଭୋଗୀଙ୍କୁ ଡିଆର ପ୍ରଦାନ କରିଥାନ୍ତି।

ଅଖିଳ ଭାରତୀୟ ଔଦ୍ୟୋଗିକ ଶ୍ରମିକଙ୍କ ପାଇଁ ଉଦ୍ଦିଷ୍ଟ ଉପଭୋକ୍ତା ମୂଲ୍ୟ ସୂଚକାଙ୍କ (ଏଆଇସିପିଆଇ-ଆଇଡବ୍ଲୁ ) ର ତଥ୍ୟ ଆଧାରରେ ଡିଏ ଗଣନା କରାଯାଇଥାଏ। ଦେଶର ୮୮ ଟି ଶିଳ୍ପ କେନ୍ଦ୍ରର ୩୧୭ ଟି ବଜାରରେ ପ୍ରଚଳିତ ଖୁଚୁରା ମୂଲ୍ୟ ଆଧାରରେ ଏଆଇସିପିଆଇ-ଆଇଡବ୍ଲୁ  ସୂଚକାଙ୍କ ପ୍ରକାଶିତ  ହୋଇଥାଏ। ଏହା ସହିତ  ସରକାର ଡିଏ ସଂଶୋଧନ କରିବା ପୂର୍ବରୁ ଗତ ଛଅ ମାସର ତଥ୍ୟକୁ ମଧ୍ୟ ଦେଖିଥାନ୍ତି।

ଅଧିକ ପଢ଼ନ୍ତୁ: ଏତେ କୋଟିର ମାଲିକ ଜଗଦୀପ ଧନଖଡ଼

DA | dearness-allowance