ଅତିରିକ୍ତ ୨୫ କୋଟି ଡୋଜ୍ କୋଭିସିଲଡ, ୧୯ କୋଟି ଡୋଜ୍ କୋଭାକ୍ସିନ ପାଇଁ ଅର୍ଡର ଦେଲେ କେନ୍ଦ୍ର ସରକାର

ନୂଆଦିଲ୍ଲୀ : ଗତ କାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୧୮ ବର୍ଷରୁ ସମସ୍ତଙ୍କ ପାଇଁ ମାଗଣା ଟିକାଦାନ ସମ୍ପର୍କରେ ଘୋଷଣା କରିବାପରେ କେନ୍ଦ୍ର ସରକାରଙ୍କ ପକ୍ଷରୁ ଅତିରିକ୍ତ ୪୪ କୋଟି ଡୋଜ୍ ଟିକା ଯ଼ୋଗାଣ ପାଇଁ ଅର୍ଡର ଦିଆଯାଇଛି । ଏହା ମଧ୍ୟରୁ ସେରମ ଇନଷ୍ଟିଚ୍ୟୁଟକୁ ୨୫ କୋଟି ଡୋଜ୍ କୋଭିସିଲଡ ଓ ଭାରତ ବାୟୋଟେକକୁ ୧୯ କୋଟି ଡୋଜ୍ କୋଭାକ୍ସିନ ଟିକା ପାଇଁ ଅର୍ଡର ଦିଆଯ଼ାଇଛି । ଏସବୁ ଟିକା ଅଗଷ୍ଟରୁ ସେପ୍ଟେମ୍ବର ମଧ୍ୟରେ ମିଳିବା ଆଶା କରାଯ଼ାଉଛି ବୋଲି ନିତି ଆୟୋଗ ସଦସ୍ୟ ଡ. ଭି.କେ. ପଲ କହିଛନ୍ତି । ସେ କହିଛନ୍ତି ଯ଼େ ପୂର୍ବରୁ ଦିଆଯ଼ାଇଥିବା ଟିକା ଅର୍ଡର ବ୍ୟତିତ ଏସବୁ ଟିକା ପାଇଁ ଅର୍ଡର ଅତିରିକ୍ତଭାବେ ଦିଆଯ଼ାଇଛି ।
ଏସବୁ ଟିକା ଆସିବା ପରେ ଜୁଲାଇ ସୁଦ୍ଧା ପ୍ରାୟ ୫୩.୬ କୋଟି ଡୋଜ୍ ସରକାରଙ୍କ ପାଖରେ ଉପଲବ୍ଧ ଥିବ । ସେହିପରି ଅଗଷ୍ଟ ସେପ୍ଟେମ୍ବର ସୁଦ୍ଧା ପ୍ରାୟ ୭୪ କୋଟି ଡୋଜ୍ ଟିକା ଉପଲବ୍ଧ ହେବ । ଏପରିକି ସେପ୍ଟେମ୍ବର ପରେ ଟିକା ଉପଲବ୍ଧତା ଏତେ ବଢିଯ଼ିବ ଯ଼େ ଆମକୁ ଟିକାକରଣର ବେଗ ବଢାଇବାକୁ ପଡ଼ିବ ବୋଲି ସେ କହିଛନ୍ତି ।