ସିବିଏସଇ ପୁନଃପରୀକ୍ଷା ନିଷ୍ପତ୍ତିକୁ ଚ୍ୟାଲେଞ୍ଜ

ନୂଆଦିଲ୍ଲୀ: ସିବିଏସଇ ଦ୍ୱାଦଶ ଶ୍ରେଣୀ ଅର୍ଥଶାସ୍ତ୍ର ବିଷୟ ନେଇ ପୁନଃପରୀକ୍ଷା ଏପ୍ରିଲ ୨୫ ତାରିଖରେ ହେବ ବୋଲି ବୋର୍ଡ ଘୋଷଣା କରିସାରିଥିବାବେଳେ ବୋର୍ଡର ଏହି ନିଷ୍ପତ୍ତିକୁ ଚ୍ୟାଲେଞ୍ଜ୍‌ କରି ସୁପ୍ରିମକୋର୍ଟରେ ହୋଇଥିବା ୫ଟି ଆବେଦନକୁ ଆଜି କୋର୍ଟ ପ୍ରତ୍ୟାଖ୍ୟାନ କରିଦେଇଛନ୍ତି। ଜଷ୍ଟିସ ଏସ ଏ ବବ୍‌ଡେ ଏବଂ ଏଲ ନାଗେଶ୍ୱର ରାଓଙ୍କ ଖଣ୍ଡପୀଠ ଆଜି କହିଛନ୍ତି ଯେ ପୁନଃପରୀକ୍ଷା ହେବ କି ନାହିଁ ସେନେଇ ସିବିଏସଇ ନିଷ୍ପତ୍ତି ନେବ ଏବଂ ଏହାକୁ କୋର୍ଟରେ ଚ୍ୟାଲେଞ୍ଜ୍‌ କରିହେବନି। ଉଲ୍ଲେଖଯୋଗ୍ୟ ଗତ ମାର୍ଚ୍ଚ ୨୮ ତାରିଖରେ ସିବିଏସ୍‌ଇ ବୋର୍ଡ ଦ୍ୱାଦଶ ଶ୍ରେଣୀ ଅର୍ଥଶାସ୍ତ୍ର ଏବଂ ଦଶମ ଶ୍ରେଣୀ ଗଣିତ ପ୍ରଶ୍ନପତ୍ର ପ୍ରଘଟ ଘଟଣାକୁ ନେଇ ପୁନଃପରୀକ୍ଷା ହେବ ବୋଲି ଘୋଷଣା କରିବାପରେ ଏହାକୁ ବିରୋଧ କରି ସୁପ୍ରିମକୋର୍ଟରେ ଅନେକ ପିଟିସନ୍‌ ଦାଏର ହୋଇଥିଲା।