ଛୋଟେ ନବାବ ଶୀଘ୍ର କରିବେ ଡେବ୍ୟୁ: ଖୁସି-ଇବ୍ରାହିମଙ୍କ ନାଦାନିୟାଁ ନେଟଫ୍ଲିକ୍ସରେ

ମୁମ୍ବାଇ: ଅନେକ ଷ୍ଟାର ୨୦୨୫ ମସିହାରେ ସେମାନଙ୍କର ଡେବ୍ୟୁ ପାଇଁ ପ୍ରସ୍ତୁତ ହେଉଛନ୍ତି।  ଗୋଟିଏ ପଟେ ଆମିର ଖାନଙ୍କ ପୁଅ ଜୁନୈଦ ଖାନ ଡେବ୍ୟୁ କରିଛନ୍ତି। ଏହା ସହିତ ଶ୍ରୀଦେବୀଙ୍କ ସାନ ଝିଅ ଖୁସି କପୁର ମଧ୍ୟ ଡେବ୍ୟୁ କରିଛନ୍ତି। ଏବେ ଛୋଟ ନବାବଙ୍କ ପାଳି। ବଲିଉଡ ଅଭିନେତା ସୈଫ୍ ଅଲ୍ଲୀ ଖାନଙ୍କ ପୁଅ ଇବ୍ରାହିମ୍ ଅଲ୍ଲୀ ଖାନ ଡେବ୍ୟୁ କରିବାକୁ ଯାଉଛନ୍ତି।

ଯଦିଓ ଏବେ ପ୍ରଶଂସକମାନଙ୍କୁ ତାଙ୍କର ବଲିଉଡ ଡେବ୍ୟୁ ପାଇଁ କିଛି ଦିନ ଅପେକ୍ଷା କରିବାକୁ ପଡିବ। କିନ୍ତୁ ତାଙ୍କର ଓଟିଟଇ ଡେବ୍ୟୁ ପାଇଁ ଅଧିକ ସମୟ ବାକି ନାହିଁ। ଅଭିନେତାଙ୍କ ଫିଲ୍ମ ନାଦାନିୟାଁ କେବେ ରିଲିଜ୍ ହେବ ସେ ବିଷୟରେ ଏକ ସଦ୍ୟତମ ଅପଡେଟ୍ ପ୍ରକାଶ ପାଇଛି।

ଫିଲ୍ମ ନାଦାନିୟାଁ ନେଇ ନିର୍ମାତାମାନେ ନିକଟରେ ପ୍ରକାଶ କରିଥିଲେ ଯେ, ଏହି ଫିଲ୍ମଟି ନେଟଫ୍ଲିକ୍ସରେ ଷ୍ଟ୍ରିମ୍ ହେବ। ତଥାପି, ଏହାର ରିଲିଜ୍ ତାରିଖ ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ। କିନ୍ତୁ ଏବେ ନିର୍ମାତାମାନେ ପ୍ରଶଂସକମାନଙ୍କୁ ଏକ ବଡ଼ ଆଶ୍ଚର୍ଯ୍ୟଜନକ ତଥ୍ୟ ପ୍ରଦାନ କରିଛନ୍ତି। ଇବ୍ରାହିମ୍ ଅଲ୍ଲୀ ଖାନଙ୍କ ଏହି ଫିଲ୍ମ ୨୦୨୫ ଫେବ୍ରୁଆରି ମାସରେ ହିଁ ଷ୍ଟ୍ରିମ୍ ହେବାକୁ ପ୍ରସ୍ତୁତ ହୋଇ ରହିଛି। ଫିଲ୍ମର ରିଲିଜ୍ ତାରିଖ କେବେ ସେନେଇ ଏପର୍ଯ୍ୟନ୍ତ କୁହାଯାଇ ନାହିଁ।  କିନ୍ତୁ ଏହା ନିଶ୍ଚିତ ଭାବରେ ଏକ ଅପଡେଟ୍ ଯେ, ଫିଲ୍ମର ରିଲିଜ୍ ତାରିଖ ମଧ୍ୟ ଖୁବ୍ ଶୀଘ୍ର ପ୍ରକାଶ ପାଇବ।

ନେଟଫ୍ଲିକ୍ସ ଏହାର ନୂତନ ଭିଡିଓରେ ଫେବ୍ରୁଆରି ମାସର ବାକି ଦିନଗୁଡ଼ିକର ଓଟିଟଇ ରିଲିଜ୍ ବିଷୟରେ ସୂଚନା ଦେଇଛି। ଏଥିରେ ନାଦାନିୟାଁର ନାମ ମଧ୍ୟ ସାମିଲ ଅଛି। ଏହା ସହିତ, ଏହାର ରିଲିଜ୍ ତାରିଖ ପାଖରେ 'କମିଂ ସୁନ୍' ଲେଖାଯାଇଛି। ଏବେ, ଏହା କେତେ ଶୀଘ୍ର ଆସିବ ସେ ବିଷୟରେ ସସପେନ୍ସ ରହିଛି।

ଅଧିକ ପଢ଼ନ୍ତୁ: ମହାକୁମ୍ଭ ବେକାର, ଏହାର କୌଣସି ଅର୍ଥ ନାହିଁ: ଲାଲୁ ଯାଦବଙ୍କ ବିବାଦୀୟ ମନ୍ତବ୍ୟ

୨୦୨୫ ମସିହାରେ ମାତ୍ର ୨ ମାସ ମଧ୍ୟରେ ଖୁସି କପୁରଙ୍କର ଦୁଇଟି ଫିଲ୍ମ ମୁକ୍ତିଲାଭ କରିଛି। ତାଙ୍କର ପ୍ରଥମ ଚଳଚ୍ଚିତ୍ର ଥିଲା ଲଭୟାପା। ଏହି ଫିଲ୍ମରେ ସେ ଜୁନୈଦ ଖାନଙ୍କ ସହ ନଜର ଆସିଥିଲେ। ତଥାପି, ଫିଲ୍ମଟି ଥିଏଟରରେ କିଛି ବିଶେଷ କମାଲ କରିବାରେ ସଫଳ ହୋଇ ନଥିଲା। 

ଅନ୍ୟପକ୍ଷରେ ତାଙ୍କର ଦ୍ୱିତୀୟ ଫିଲ୍ମ ଭାବେ ଇବ୍ରାହିମ୍ ଅଲ୍ଲୀ ଖାନଙ୍କ ରୋମାଣ୍ଟିକ ଫିଲ୍ମ "ନାଦାନିୟାଁ"ରେ ସେ ନଜର ଆସିବେ। ଏହି ଯୋଡ଼ିକୁ ପ୍ରଶଂସକଙ୍କଠାରୁ କି ପ୍ରକାରର ପ୍ରତିକ୍ରିୟା ମିଳୁଛି ସେ ନେଇ ଚର୍ଚ୍ଚା ଆରମ୍ଭ ହୋଇଛି।

ଅଧିକ ପଢ଼ନ୍ତୁ: ଅଙ୍ଗନବାଡି ଦିଦିଙ୍କୁ ମରଣାନ୍ତକ ଆକ୍ରମଣ କଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏସସିବିକୁ ସ୍ଥାନାନ୍ତର