ମହାଭାରତର ଉଦାହରଣ ଦେବା ସହ କୋର୍ଟକୁ ଧାଇଁ ଧାଇଁ ସମୟ ନଷ୍ଟ ନ କରିବାକୁ ପରାମର୍ଶ ଦେଲେ ମୁଖ୍ୟ ବିଚାରପତି

ହାଇଦ୍ରାବାଦ: ସୁପ୍ରିମକୋର୍ଟର ପ୍ରଧାନ ବିଚାରପତି ଏନ.ଭି ରମନା କହିଛନ୍ତି ଯେ ଶେଷ ମୁହୂର୍ତ୍ତରେ(କୌଣସି ବିକଳ୍ପ ନଥିଲେ) କୋର୍ଟରେ ଆବେଦନ କରାଯିବା ଉଚିତ। ହାଇଦ୍ରାବାଦରେ ମଧ୍ୟସ୍ଥତା କେନ୍ଦ୍ରର ଉଦଘାଟନୀ ସମାରୋହକୁ ସମ୍ବୋଧିତ କରି ଭାରତର ପ୍ରଧାନ ବିଚାରପତି କହିଛନ୍ତି ଯେ କୋର୍ଟକୁ ଯିବା ପୂର୍ବରୁ ମଧ୍ୟସ୍ଥତା ମାଧ୍ୟମରେ ବିବାଦର ସମାଧାନ ପାଇଁ ଉଦ୍ୟମ କରାଯିବା ଉଚିତ୍। ସେ କହିଛନ୍ତି ଯେ ମଧ୍ୟସ୍ଥତା ମାଧ୍ୟମରେ କମ୍ ସମୟ ମଧ୍ୟରେ ସମାଧାନ ମିଳିପାରିବ | ଆଉ ବର୍ଷ ବର୍ଷ ଧରି କୋର୍ଟକୁ ଧାଇଁ ଧାଇଁ ସମୟ ନଷ୍ଟ କରିବା ଉଚିତ୍ ନୁହେଁ | ସେ କହିଛନ୍ତି ଯେ ସମ୍ପତ୍ତି ବଣ୍ଟନ ପରିବାର ସଦସ୍ୟଙ୍କ ମଧ୍ୟରେ ଉତ୍ତମ ବୁଝାମଣା ସହକାରେ କରାଯିବା ଉଚିତ ।

ଏହା ବ୍ୟତୀତ ସେ ବିଭିନ୍ନ ଅଦାଲତରେ ବିଚାରାଧୀନ ମାମଲାର ଶୀଘ୍ର ସମାଧାନର ଆବଶ୍ୟକତା ଉପରେ ମଧ୍ୟ ଗୁରୁତ୍ୱାରୋପ କରିଛନ୍ତି। ସୁପ୍ରିମକୋର୍ଟର ପ୍ରଧାନ ବିଚାରପତି ଆହୁରି ମଧ୍ୟ କହିଛନ୍ତି, ମହାଭାରତରେ ମଧ୍ୟ ମଧ୍ୟସ୍ଥତାର ଉଲ୍ଲେଖ କରାଯାଇଥିଲା। ଆମେ ମଧ୍ୟସ୍ଥତା ମାଧ୍ୟମରେ ବିବାଦର ସମାଧାନ କରିପାରିବା | ସେ କହିଛନ୍ତି ଯେ ମହାଭାରତରେ ଭଗବାନ କୃଷ୍ଣ ପାଣ୍ଡବ ଏବଂ କୌରବଙ୍କ ମଧ୍ୟରେ ମଧ୍ୟସ୍ଥତା କରିବାକୁ ଚେଷ୍ଟା କରିଥିଲେ।

ପ୍ରଧାନ ବିଚାରପତି କହିଛନ୍ତି ଯେ ଯେତେ ସମ୍ଭବ ମହିଳାମାନେ ବିବାଦର ସମାଧାନ ପାଇଁ ମଧ୍ୟସ୍ଥତା କରିବା ଉଚିତ୍। ସେ କହିଛନ୍ତି ଯେ ଅନ୍ତର୍ଜାତୀୟ ମଧ୍ୟସ୍ଥତା କେନ୍ଦ୍ର ପ୍ରତିଷ୍ଠା ପାଇଁ ହାଇଦ୍ରାବାଦ ହେଉଛି ଉପଯୁକ୍ତ ସ୍ଥାନ। ସେ ହାଇଦ୍ରାବାଦ ମଧ୍ୟସ୍ଥତା କେନ୍ଦ୍ରକୁ ସିଙ୍ଗାପୁର ମଧ୍ୟସ୍ଥତା କେନ୍ଦ୍ର ଏବଂ ଲଣ୍ଡନ ଆନ୍ତର୍ଜାତୀୟ ମଧ୍ୟସ୍ଥତା କେନ୍ଦ୍ର ସହିତ ତୁଳନା କରିଥିଲେ |