୩୨୩ ଜଣଙ୍କୁ ମୃତ୍ୟୁଦଣ୍ଡ ଦେଇପାରେ ଚୀନ

ବେଜିଂ : ଚୀନ୍ ବୁଧବାର ଏକ ଇ-ମେଲ୍ ଆଇଡି ଜାରି କରିଛି ଯେଉଁଥିରେ ଲୋକଙ୍କୁ ତାଇୱାନକୁ ସ୍ୱାଧୀନ ଦେଖିବାକୁ ଚାହୁଁଥିବା ଓ ଚୀନ ବିରୋଧରେ ଅନ୍ତର୍ଘାତୀ କାମ କରୁଥିବା ଲୋକଙ୍କ ବିଷୟରେ ସୂଚନା ଦେବାକୁ କୁହାଯାଇଥିଲା। ଚୀନ ସରକାରୀ ନ୍ୟୁଜ ଏଜେନ୍ସି ସିଜିଟିଏନ ଅନୁଯାୟୀ, ଏପର୍ଯ୍ୟନ୍ତ ସେହି ମେଲ୍ ଆଇଡିରେ ୩୨୩ ଜଣଙ୍କ ନାମ ଆସିଛି। ଚୀନରେ ଦେଶଦ୍ରୋହର ଦଣ୍ଡ ହେଉଛି ମୃତ୍ୟୁ। ଏବେ ଏହି ଲୋକଙ୍କ ବିରୁଦ୍ଧରେ ତଦନ୍ତ କରାଯିବ। ଯଦି ଏହି ଲୋକମାନେ ଦୋଷୀ ସାବ୍ୟସ୍ତ ହୁଅନ୍ତି, ତେବେ ତାଙ୍କୁ ମୃତ୍ୟୁଦଣ୍ଡ ଦିଆଯାଇପାରେ। ଅର୍ଥାତ୍ ଏହି ୩୨୩ ଜଣଙ୍କ ଉପରେ ମୃତ୍ୟୁଦଣ୍ଡର ତରବାରୀ ଲଟକିଛି । 

ରାଜ୍ୟ ପରିଷଦର ତାଇୱାନ ବ୍ୟାପାର କାର୍ଯ୍ୟାଳୟର ମୁଖପାତ୍ର ଚେନ୍ ବିନ୍ହୁଆ କହିଛନ୍ତି ଯେ ରିପୋର୍ଟ କରାଯାଇଥିବା ଲୋକଙ୍କ ମଧ୍ୟରେ କିଛି ତାଇୱାନ ସମର୍ଥକ ରାଜନୈତିକ ବ୍ୟକ୍ତି, ସଂଗଠନ, ପ୍ରାୟୋଜକ ଏବଂ "ତାଇୱାନ ସ୍ୱାଧୀନତା" ପାଇଁ ସମର୍ଥନ କରୁଥିବା ଇଣ୍ଟରନେଟ୍ ଇନଫ୍ଲୁଏନ୍ସର ଅନ୍ତର୍ଭୁକ୍ତ। 

ରାଜ୍ୟ ପରିଷଦର ତାଇୱାନ ବ୍ୟାପାର କାର୍ଯ୍ୟାଳୟର ମୁଖପାତ୍ର ଚେନ୍ ବିନ୍ହୁଆ କହିଛନ୍ତି ଯେ ରିପୋର୍ଟ କରାଯାଇଥିବା ଲୋକଙ୍କ ମଧ୍ୟରେ କିଛି ତାଇୱାନ ସମର୍ଥକ ରାଜନୈତିକ ବ୍ୟକ୍ତି, ସଂଗଠନ, ପ୍ରାୟୋଜକ ଏବଂ "ତାଇୱାନ ସ୍ୱାଧୀନତା" ପାଇଁ ସମର୍ଥନ କରୁଥିବା ଇଣ୍ଟରନେଟ୍ ଇନଫ୍ଲୁଏନ୍ସର ଅନ୍ତର୍ଭୁକ୍ତ। 

ଚେନ୍ କହିଛନ୍ତି ଯେ ସମ୍ପୃକ୍ତ ଚୀନ୍ କର୍ତ୍ତୃପକ୍ଷ ତଥ୍ୟ ଏବଂ ଆଇନଗତ ମାନଦଣ୍ଡ ଉପରେ ଆଧାର କରି କାର୍ଯ୍ୟାନୁଷ୍ଠାନ ଗ୍ରହଣ କରିବେ ଏବଂ "ତାଇୱାନ ସ୍ୱାଧୀନତା" କାର୍ଯ୍ୟକଳାପର ଅପରାଧୀ ଏବଂ ସହଯୋଗୀମାନଙ୍କୁ ଦାୟୀ କରିବେ। ତଦନ୍ତ ପରେ, ଯଦି ୩୨୩ ଜଣଙ୍କ ବିରୁଦ୍ଧରେ ଅଭିଯୋଗ ସତ୍ୟ ପ୍ରମାଣିତ ହୁଏ, ତେବେ ସେମାନଙ୍କୁ ମୃତ୍ୟୁଦଣ୍ଡ ଦିଆଯାଇପାରିବ।