ଭାରତର ପଡ଼ୋଶୀ ଦେଶରେ ଚୀନ୍‌ର ବିପଜ୍ଜନକ ଖେଳ: ମିଆଁମାରରେ ସାମରିକ ଶାସନ ଜାରି ରଖିବା ଷଡ଼ଯନ୍ତ୍ର

ନାପିଦ୍ବ: ଚୀନ୍ ମିଆଁମାରରେ ଏକ ବିପଦପୂର୍ଣ୍ଣ ଖେଳରେ ସାମିଲ ହୋଇଛି। ଯାହାର ଏକମାତ୍ର ଲକ୍ଷ୍ୟ ହେଉଛି ବିଦ୍ରୋହୀ ଗୋଷ୍ଠୀଗୁଡ଼ିକର ଅଗ୍ରଗତିକୁ ରୋକିବା ଏବଂ ସାମରିକ ଶାସନ ବଜାୟ ରଖିବା। ସେଥିପାଇଁ, ବେଜିଂ ଏକ ସୁଚିନ୍ତିତ ଷଡ଼ଯନ୍ତ୍ର ଅନ୍ତର୍ଗତ ଅଭିଯାନ ଆରମ୍ଭ କରିଛି। ଚୀନ୍ ଭୟ କରୁଛି ଯେ, ଯଦି  ସକ୍ରିୟ ଅଂଶଗ୍ରହଣ ନ କରାଯାଏ, ତେବେ ମିଆଁମାରରେ ଜୁଣ୍ଟା ଶାସନର ପତନ ହୋଇପାରେ।  ସାମ୍ପ୍ରତିକ ସମୟରେ ଗଣତନ୍ତ୍ର ସମର୍ଥକ ସଶସ୍ତ୍ର ବିଦ୍ରୋହୀ ଗୋଷ୍ଠୀଗୁଡ଼ିକର ଉତ୍ଥାନ ପରେ ଜୁଣ୍ଟା ଶାସନ ଦୁର୍ବଳ ହୋଇଯାଇଛି। ମିଆଁମାରର ଜାତୀୟ ସଶସ୍ତ୍ର ସଂଗଠନଗୁଡ଼ିକ ଏକଦା ଅସମ୍ଭବ ମନେ ହେଉଥିବା କାର୍ଯ୍ୟ କରିଛନ୍ତି।

ବ୍ୟାପକ ସାମରିକ ଅଭିଯାନ ଉତ୍ତର ଶାନ୍ ରାଜ୍ୟ ଏବଂ ଏହାରପରବର୍ତ୍ତୀ ଅଞ୍ଚଳରେ ଜୁଣ୍ଟା ବାହିନୀକୁ ପରାସ୍ତ କରିଥିଲା, ଯାହା ପରେ ସାମରିକ ଶାସନ ପ୍ରମୁଖ ଘାଟି, ସୈନ୍ୟ ଏବଂ ରଣନୈତିକ ଭାବରେ ଗୁରୁତ୍ୱପୂର୍ଣ୍ଣ ଅଞ୍ଚଳ ହରାଇଛି। ଏହା ଜୁଣ୍ଟା ଶାସନକୁ ପରାଜିତ କରିବାର ସମ୍ଭାବନାକୁ ଦୃଢ଼ କରିଛି। ଏହାକୁ ଏକ ସମ୍ଭାବ୍ୟ ଫଳାଫଳ ଯାହାକୁ ମିଆଁମାରର ଶକ୍ତିଶାଳୀ ପଡ଼ୋଶୀ ଚୀନ୍ ଏକ ଗମ୍ଭୀର ରଣନୈତିକ ବିପଦ ଭାବରେ ଦେଖୁଛି। ସେଥିପାଇଁ ଚୀନ୍ ବିଦ୍ରୋହୀ ବାହିନୀ ବିରୁଦ୍ଧରେ ପଦକ୍ଷେପ ନେବା ଆରମ୍ଭ କରିଛି।

ପ୍ରଥମତଃ, ଚୀନ୍ ଆଗଧାଡ଼ିରେ ଥିବା ପୂର୍ବ ଏସୀୟ ଦେଶଗୁଡ଼ିକୁ ଅସ୍ତ୍ରଶସ୍ତ୍ର, ଟଙ୍କା ଏବଂ ଲଜିଷ୍ଟିକ୍ସ ଯୋଗାଣକୁ କଡ଼ାକଡ଼ି ଭାବରେ ପ୍ରତିବନ୍ଧିତ କରିଛି। ପ୍ରତିରୋଧ ଗୋଷ୍ଠୀଗୁଡ଼ିକୁ ଚାପ ପକାଇ ଚୀନ୍ ସେମାନଙ୍କୁ ପଛକୁ ହଟିବାକୁ ବାଧ୍ୟ କରୁଛି। ସାମରିକ ବିରୋଧୀ ମୋର୍ଚ୍ଚାକୁ ସମର୍ଥନ ବନ୍ଦ କରିବା ପାଇଁ ଚୀନ୍ ସମ୍ଭାବ୍ୟ ପ୍ରତିରୋଧ ସହଯୋଗୀମାନଙ୍କ ଉପରେ ପ୍ରବଳ ଚାପ ପକାଇଛି।

ଅଗଷ୍ଟ ୨୦୨୪ରେ ଚୀନ୍ ସ୍ୱତନ୍ତ୍ର ଦୂତ ଡେଙ୍ଗ୍ ଜିଜୁଲ୍ ୟୁନାଇଟେଡ୍ ୱା ଷ୍ଟେଟ୍ ଆର୍ମିର ସଦସ୍ୟମାନଙ୍କ ସହିତ ସାକ୍ଷାତ କରିଥିଲେ ଏବଂ ମିଆଁମାର ନ୍ୟାସନାଲ୍ ଡେମୋକ୍ରାଟିକ୍ ଆଲାଏନ୍ସ ଆର୍ମି  ଏବଂ ଟାଙ୍ଗ୍ ନ୍ୟାସନାଲ୍ ଲିବରେସନ୍ ଆର୍ମିକୁ ସାମରିକ ସମର୍ଥନ ବନ୍ଦ କରିବାକୁ ଦାବି କରିଥିଲେ।

ଅଧିକ ପଢ଼ନ୍ତୁ: ବାଥରୁମ ବନ୍ଦ କରି କାନ୍ଦିଥିଲେ ବିରାଟ କୋହଲି: ସେଦିନ କ’ଣ ଘଟିଥିଲା, ୟୁଜଭେନ୍ଦ୍ର ଚହଲ କଲେ ଖୁଲାସା

ଚୀନ୍ ୟୁନାଇଟେଡ୍ ୱା ଷ୍ଟେଟ୍ ଆର୍ମି  ଅଞ୍ଚଳ ସହିତ ସମସ୍ତ ବାଣିଜ୍ୟ ଏବଂ ବିକାଶ ବନ୍ଦ କରିବା ସମେତ ବ୍ୟାପକ କଟକଣାର ଧମକ ଦେଇଥିଲା। ୟୁନାଇଟେଡ୍ ୱା ଷ୍ଟେଟ୍ ଆର୍ମିକୁ କୋଣଠେସା କରାଯାଇ ଅର୍ଥନୈତିକ ଚାପ ପକାଯାଇଥିଲା। ଏହା ସହିତଚୀନ୍ କୂଟନୈତିକ ସମର୍ଥନ, ଅର୍ଥନୈତିକ ଜୀବନରେଖା ଏବଂ ହାଲୁକା ସାମରିକ ସହାୟତା ମାଧ୍ୟମରେ ସାମରିକ ଶାସନକୁ ସମର୍ଥନ କରିଆସୁଛି।

ଚୀନ୍ ଜାଣିଶୁଣି ମିଆଁମାରର ବ୍ରଦରହୁଡ୍ ଆଲାଏନ୍ସ ସଦସ୍ୟ ମିଆଁମାର ନ୍ୟାସନାଲ୍ ଡେମୋକ୍ରାଟିକ୍ ଆଲାଏନ୍ସ ଆର୍ମି  ଏବଂ ଟାଙ୍ଗ୍ ନ୍ୟାସନାଲ୍ ଲିବରେସନ୍ ଆର୍ମିତଥା ଆରାକାନ୍ ଆର୍ମିଙ୍କୁ ପୃଥକ ଦ୍ୱିପାକ୍ଷିକ ଆଲୋଚନାରେ ସାମିଲ କରି ସେମାନଙ୍କ ଏକତାକୁ ଦୁର୍ବଳ କରୁଛି। ଆଲୋଚନାକୁ ବିଭାଜିତ କରି ଏବଂ ଲୋଭନୀୟ ପ୍ରୋତ୍ସାହନ ପ୍ରଦାନ କରି ବେଜିଂ ୟ ପ୍ରତ୍ୟେକ ଗୋଷ୍ଠୀ ଉପରେ ନିଜର ପ୍ରଭାବ ହାସଲ କରିଛି। ଏହା ନିଶ୍ଚିତ କରିଛି ଯେ,କୌଣସି ଗୋଷ୍ଠୀ ଚୀନ୍-ମିଆଁମାର ସୀମାରେ ଏହାର ପ୍ରାଧାନ୍ୟକୁ ଚ୍ୟାଲେଞ୍ଜ କରିପାରିବ ନାହିଁ। ଯାହାଦ୍ବାରା  ଚୀନ୍ ଭାରତ ପଡ଼ୋଶୀ ଦେଶରେ ରାଜନୈତିକ ଅସ୍ଥିରତା ଜାରି ରଖି ଭାରତ ପାଇଁ ସଙ୍କଟ ସୃଷ୍ଟି କରିବାର ଷଡ଼ଯନ୍ତ୍ର କରୁଥିବା ବିଶେଷଜ୍ଞମାନେ ମତପୋଷଣ କରିଛନ୍ତି।

ଅଧିକ ପଢ଼ନ୍ତୁ:ହୋଟେଲ ରୁମ୍‌କୁ ଯାଇ ବାହାରିଲେନି ଫିଲ୍ମ ସୁଟିଂ ପାଇଁ ଯାଇଥିବା ଅଭିନେତା, ମିଳିଲା ମୃତଦେହ

India | myanmar | China