ଡିସଚାର୍ଜ ହୋଇ ଘରକୁ ଫେରିଲେ ପବନ କଲ୍ୟାଣଙ୍କ ପୁଅ, ହେଲେ...

ହାଇଦ୍ରାବାଦ: ସିଙ୍ଗାପୁରର ଏକ ସ୍କୁଲରେ ନିଆଁ ଲାଗିବାରୁ ଆନ୍ଧ୍ର ପ୍ରଦେଶର ଉପମୁଖ୍ୟମନ୍ତ୍ରୀ ପବନ କଲ୍ୟାଣଙ୍କ ସାନ ପୁଅ ମାର୍କ ଶଙ୍କର ଆହତ ହୋଇଥିଲେ। ଏବେ ତାଙ୍କର ଚିକିତ୍ସା ଶେଷ ହୋଇଥିବା ବେଳେ ତାଙ୍କୁ ଡିସଚାର୍ଜ କରାଯାଇଛି। ଏବିଷୟରେ ଜଣାଇଛନ୍ତି ପବନ କଲ୍ୟାଣଙ୍କ ବଡ଼ ଭାଇ ତଥା ସୁପରଷ୍ଟାର ଚିରଞ୍ଜିବି।

ସେ କହିଛନ୍ତି ଯେ, "ଆମର ପୁଅ ମାର୍କ ଶଙ୍କର ଘରକୁ ଫେରିଛି। କିନ୍ତୁ ତାକୁ ସମ୍ପୂର୍ଣ୍ଣ ସୁସ୍ଥ ହେବା ପାଇଁ ଏବେ ବି ସମୟ ଦରକାର। ଆମର କୁଳ ଦେବତା ଅଞ୍ଜନେୟ ସ୍ୱାମୀଙ୍କ କୃପା ଏବଂ ଦୟାରୁ, ସେ ଖୁବ୍ ଶୀଘ୍ର ସମ୍ପୂର୍ଣ୍ଣ ସୁସ୍ଥ ଏବଂ ସ୍ୱାଭାବିକ ଅବସ୍ଥାକୁ ଫେରି ଆସିବ। ଘଟଣା ପରେ, ସ୍ଥାନୀୟ ଅଞ୍ଚଳ ଏବଂ ଗାଁର ଲୋକମାନେ ମାର୍କ ଶଙ୍କରଙ୍କ ଆରୋଗ୍ୟ ପାଇଁ ପ୍ରାର୍ଥନା ଏବଂ ଆଶୀର୍ବାଦ ଦେଇ ଆମ ପରିବାର ସହିତ ଛିଡା ହୋଇଥିଲେ। ମୁଁ, ମୋ ଭାଇ ପବନ କଲ୍ୟାଣ ଏବଂ ଆମ ସମଗ୍ର ପରିବାର ପକ୍ଷରୁ, ପ୍ରତ୍ୟେକଙ୍କୁ ସେମାନଙ୍କର ସମର୍ଥନ ପାଇଁ ହୃଦୟର ସହିତ ଧନ୍ୟବାଦ ଜଣାଉଛି।"

ଉଲ୍ଲେଖଯୋଗ୍ୟ, "ସିଙ୍ଗାପୁରରେ ଏକ ଗ୍ରୀଷ୍ମ ଶିବିର(ସମର କ୍ୟାମ୍ପ) ସମୟରେ ଏହି ଘଟଣା ଘଟିଥିଲା। ଏହି ଘଟଣାରେ ଅନେକ ପିଲା ଆହତ ହୋଇଥିଲେ ଏବଂ ଜଣକର ମୃତ୍ୟୁ ହୋଇଥିଲା। ମାର୍କଙ୍କର ଏହି ଘଟଣାରେ ହାତ ଏବଂ ଗୋଡ଼ ପୋଡ଼ି ଯାଇଥିଲା।