ସିଆଇଏସ୍‌ଏଫ୍‌ କର୍ମଚାରୀ କୋଲକାତା ବିମାନବନ୍ଦରରେ ନିଜକୁ ଗୁଳି କରି ହତ୍ୟା କଲେ

କୋଳକାତା : ନେତାଜୀ ସୁଭାଷ ଚନ୍ଦ୍ର ବୋଷ ଅନ୍ତର୍ଜାତୀୟ ବିମାନବନ୍ଦରରେ ଜଣେ ଶିଳ୍ପ ସୁରକ୍ଷା ବାହିନୀ (ସିଆଇଏସ୍‌ଏଫ୍‌) କର୍ମଚାରୀ ନିଜକୁ ଗୁଳି କରି ହତ୍ୟା କରିଥିବା ପୁଲିସ ସୂଚନାରୁ ଜଣାପଡ଼ିଛି।

ଶୁକ୍ରବାର ସନ୍ଧ୍ୟା ୭ଟା ୪୫ରେ ସବ୍‌ଇନ୍ସପେକ୍ଟର ପଙ୍କଜ କୁମାରଙ୍କୁ ବିମାନବନ୍ଦରରେ ରକ୍ତଜୁଡ଼ୁବୁଡ଼ୁ ଅବସ୍ଥାରେ ଦେଖିବାକୁ ମିଳିଥିଲା। ନିଜ ସର୍ଭିସ୍ ପିସ୍ତଲରୁ ସେ ନିଜ ମୁଣ୍ଡକୁ ଗୁଳି କରିଥିଲେ ଓ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ଆତ୍ମହତ୍ୟାର କାରଣ ଜଣାପଡ଼ି ନାହିଁ। ପୁଲିସ ଶବକୁ ବ୍ୟଚ୍ଛେଦ ପାଇଁ ପଠାଇ ପଙ୍କଜର ସହକର୍ମୀମାନଙ୍କୁ ପଚରାଉଚରା କରୁଛି।