ଉତ୍ତର ଭାରତରେ ପ୍ରବଳ ଶୀତ; ଅନେକ ସହରରେ ଘନ କୁହୁଡ଼ି

ନୂଆଦିଲ୍ଲୀ: ଶୁକ୍ରବାର ସକାଳେ ଦିଲ୍ଲୀ ଏବଂ ଏହାର ପଡୋଶୀ ସହର ସମେତ ଉତ୍ତର ଭାରତର ଅନେକ ଅଞ୍ଚଳରେ ଅତ୍ୟଧିକ ଥଣ୍ଡା ତରଙ୍ଗ ଜାରି ରହିଛି। ପ୍ରବଳ ଥଣ୍ଡା ସହ କୁହୁଡ଼ିର ଘନ ସ୍ତର ଏହି ଅଞ୍ଚଳକୁ ଘୋଡାଇ ରଖିଥିବା ଦେଖିବାକୁ ମିଳିଛି।

ନ୍ୟାସନାଲ କ୍ୟାପିଟାଲ୍ ରିଜିଅନ୍ (ଏନସିଆର)ରେ  କ୍ରମାଗତ ପଞ୍ଚମ ଦିନ ଧରି ଥଣ୍ଡା ଲାଗି ରହିଛି। କୁହୁଡ଼ି ସହରକୁ ଘେରି ରହିଥିବାରୁ ଦୃଶ୍ୟମାନ ହ୍ରାସ ପାଇଛି। ଫଳରେ ଟ୍ରାଫିକ ଚଳାଚଳ ବ୍ୟାହତ ହୋଇଛି।

ଦିଲ୍ଲୀ ବିମାନବନ୍ଦରରେ ସାଧାରଣ ଦୃଶ୍ୟମାନତା ୫୦ ମିଟର ଥିଲା ଏବଂ ସକାଳ ୭ଟାରେ ରନୱେ ଦୃଶ୍ୟତା ଶୂନକୁ କମିଯାଇଥିଲା। ଏହା ବିମାନ ଚଳାଚଳ ଉପରେ ପ୍ରଭାବ ପକାଇପାରେ ବୋଲି ବିମାନବନ୍ଦର କର୍ତ୍ତୃପକ୍ଷ ଚେତାବନୀ ଦେଇଛନ୍ତି।

ଦିଲ୍ଲୀ ବିମାନବନ୍ଦରରେ ଅବତରଣ ଏବଂ ଉଡ଼ାଣ ଜାରି ରହିଥିବାବେଳେ ବିମାନ ଉଡ଼ାଣ ସୂଚନା ପାଇଁ ଯାତ୍ରୀମାନଙ୍କୁ ଯୋଗାଯୋଗ କରିବାକୁ ଅନୁରୋଧ କରାଯାଇଛି। 

ଭାରତୀୟ ପାଣିପାଗ ବିଭାଗ ଦିଲ୍ଲୀ ପାଇଁ ଅରେଞ୍ଜ ୱାର୍ଣ୍ଣିଂ ଜାରି କରିଛି। ଯାହା ଘନ କୁହୁଡିରୁ ଶୁକ୍ରବାରଆଂଶିକ ମେଘୁଆ ଆକାଶର ପୂର୍ବାନୁମାନ କରିଛି।

ନୋଏଡାରେ, ଶୀତଳ ପାଗକୁ ଦୃଷ୍ଟିରେ ରଖି ପରବର୍ତ୍ତୀ ନିର୍ଦ୍ଦେଶ ନମିଳିବା ପର୍ଯ୍ୟନ୍ତ ସମସ୍ତ ବିଦ୍ୟାଳୟକୁ ୮ ତାରିଖ ପର୍ଯ୍ୟନ୍ତ ବନ୍ଦ ରଖାଯାଇଛି।ହରିଆଣା, ଉତ୍ତରପ୍ରଦେଶ, ରାଜସ୍ଥାନ, ପଞ୍ଜାବ, ଏବଂ ବିହାର ସମେତ ରାଜ୍ୟଗୁଡିକ ଘନ କୁହୁଡ଼ି ସହିତ ପ୍ରବଳ ଥଣ୍ଡା ତରଙ୍ଗର ସମ୍ମୁଖୀନ ହେଉଛନ୍ତି।