ଇଣ୍ଡିଆ ମେଣ୍ଟରେ ମମତାଙ୍କ ଭୂମିକାକୁ ନେଇ ବିବାଦ ବଢ଼ିଲା: ଅଧୀର ରଞ୍ଜନଙ୍କୁ ଚେତାବନୀ ଦେଲେ ଖଡ୍‌ଗେ

କୋଲକାତା: ଇଣ୍ଡିଆ ଗ୍ରାଣ୍ଡ ଆଲାଇନ୍ସରେ ସିଏମ୍ ମମତା ବାନାର୍ଜୀଙ୍କ ଭୂମିକାକୁ ନେଇ ବିବାଦ ବଢ଼ିବାରେ ଲାଗିଛି। କଂଗ୍ରେସର ଦୁଇଜଣ ବରିଷ୍ଠ ନେତା ଏ ସମ୍ପର୍କରେ ମୁହାଁମୁହିଁ ହୋଇଛନ୍ତି। ଅଧିର ରଞ୍ଜନ ଚୌଧୁରୀ କହିଥିଲେ ମୁଁ ମମତା ବାନାର୍ଜୀଙ୍କୁ ବିଶ୍ବାସ କରେ ନାହିଁ କାରଣ ସେ ଗ୍ରାଣ୍ଡ ଆଲାଇନ୍ସ ଛାଡିଛନ୍ତି। ଏହା ଉପରେ କଂଗ୍ରେସ ରାଷ୍ଟ୍ରୀୟ ସଭାପତି ମଲ୍ଲିକାର୍ଜୁନ ଖଡ୍‌ଗେ ଚେତାବନୀ ଦେଇଛନ୍ତି ଯେ ପଶ୍ଚିମବଙ୍ଗ କଂଗ୍ରେସ ମୁଖ୍ୟ ଅଧିର ରଞ୍ଜନ ମହାମେଣ୍ଟ ଉପରେ ଦଳର ହାଇକମାଣ୍ଡଙ୍କ ନିଷ୍ପତ୍ତିକୁ ପାଳନ କରିବା ଉଚିତ୍।

କଂଗ୍ରେସ ସଭାପତି ମଲ୍ଲିକାର୍ଜୁନ ମୁମ୍ବାଇରେ ସାମ୍ବାଦିକମାନଙ୍କ ସହ କଥାବାର୍ତ୍ତା କରୁଥିବାବେଳେ ଏକ ପ୍ରଶ୍ନର ଉତ୍ତରରେ କହିଛନ୍ତି ସିଏମ ମମତା ବାନାର୍ଜୀ ସମ୍ପୂର୍ଣ୍ଣ ଭାବେ ଇଣ୍ଡିଆ ମିଳିତ ମେଣ୍ଟର ଏକ ଅଂଶ। ଏହା ଉପରେ ଗଣମାଧ୍ୟମ ପରବର୍ତ୍ତୀ ପ୍ରଶ୍ନ ପଚାରିଥିଲେ ଅଧିର ରଞ୍ଜନଙ୍କ ମତ ଟିଏମସି ସହିତ ମେଳ ଖାଉ ନାହିଁ, ତେବେ ଖଡ୍‌ଗେ କହିଛନ୍ତି ଏହାର ନିଷ୍ପତ୍ତି ଅଧିର ରଞ୍ଜନ ନେବେ ନାହିଁ। ନିଷ୍ପତ୍ତି ନେବାକୁ ଆମେମାନେ ଏବଂ ହାଇକମାଣ୍ଡ ଅଛନ୍ତି। ଆମେ ଯାହା ନିଷ୍ପତ୍ତି ନେଉଛୁ ତାହା ଠିକ୍ ହେବ ଏବଂ ଏହାକୁ ପାଳନ କରିବାକୁ ପଡିବ । ଯଦି କେହି ଏହାକୁ ପାଳନ ନକରନ୍ତି ତେବେ ତାଙ୍କୁ ଦଳ ବାହାରକୁ ଯିବାକୁ ପଡିବ।

ପଶ୍ଚିମବଙ୍ଗରେ କଂଗ୍ରେସକୁ ଧ୍ୱଂସ କରିବାକୁ ଚାହୁଁଥିବା ବ୍ୟକ୍ତିଙ୍କ ସହ ସେ ସହାନୁଭୂତି କରିପାରିବେ ନାହିଁ ବୋଲି ଅଧିର ରଞ୍ଜନ କହିଛନ୍ତି। ସେ କହିଛନ୍ତି ଯେ ପାର୍ଟି କର୍ମୀ ଭାବରେ ସେ ଏହି ଲଢ଼େଇକୁ ବନ୍ଦ କରିପାରିବେ ନାହିଁ। ଆମର ସଂଗ୍ରାମ ଟିଏମସି ବିରୋଧରେ ଏକ ଆଦର୍ଶଗତ ଲଢ଼େଇ ଏହା ଏକ ବ୍ୟକ୍ତିଗତ ଲଢ଼େଇ ନୁହେଁ । ସେମାନେ ପଶ୍ଚିମବଙ୍ଗରେ ଦଳକୁ ବଞ୍ଚାଇବାକୁ ଚେଷ୍ଟା କରୁଛନ୍ତି। ଉଭୟ ବିଜେପି ଏବଂ ଟିଏମସି ଏକାଠି ଅଛନ୍ତି।

ସୂଚନାଯୋଗ୍ୟ, ନିକଟରେ ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଥିଲେ ଯଦି କେନ୍ଦ୍ରରେ ଇଣ୍ଡିଆ ମେଣ୍ଟ ସରକାର ଗଠନ ହୁଏ, ତେବେ ଟିଏମସି ବାହାରୁ ସମର୍ଥନ ଦେବ। ଏଥି ସହିତ ସେ ଶନିବାର ପୁଣି କହିଥିଲେ ଟିଏମସି ଦିଲ୍ଲୀର ଇଣ୍ଡିଆ ଗ୍ରାଣ୍ଡ ଆଲାଇନ୍ସର ଏକ ଅଂଶ, କିନ୍ତୁ ପଶ୍ଚିମବଙ୍ଗରେ ନୁହେଁ। ଆମେ ଜାତୀୟ ସ୍ତରରେ ଗ୍ରାଣ୍ଡ ଆଲାଇନ୍ସ ସହିତ ଅଛୁ, କିନ୍ତୁ ପଶ୍ଚିମବଙ୍ଗରେ ଟିଏମସି ଏକୁଟିଆ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରୁଛି।