ଏଣିକି ଘରେ ବସି ମାତ୍ର ୨୦ ସେକେଣ୍ଡରେ ଆପଣ ପାଇପାରିବେ କରୋନା ରିପୋର୍ଟ, ଖର୍ଚ୍ଚ ହେବ ମାତ୍ର ୧୦୦ ଟଙ୍କା

ନୂଆଦିଲ୍ଲୀ: ଆପଣଙ୍କ ପାଖରେ କରୋନାର କୌଣସି ଲକ୍ଷଣ ଦେଖାଦେଲେ ଆପଣ ତୁରନ୍ତ କରୋନା ପରୀକ୍ଷା କରାଉଛନ୍ତି । କିନ୍ତୁ ଏହି ପରୀକ୍ଷାର ରିପୋର୍ଟ ମିଳିବାରେ ସାମାନ୍ୟ ବିଳମ୍ବ ହେଉଛି । ଏବଂ କରୋନା ପରୀକ୍ଷା କରାଇବା ନିମନ୍ତେ ଆପଣଙ୍କୁ ନିକଟସ୍ଥ ସ୍ୱାସ୍ଥ୍ୟକେନ୍ଦ୍ର କିମ୍ବା ହସ୍ପିଟାଲକୁ ଯିବାକୁ ପଡ଼ୁଛି।

ଏଣିକି କିନ୍ତୁ ଆପଣ ଘରେ ବସି ମାତ୍ର ୨୦ ସେକେଣ୍ଡରେ ପାଇପାରିବେ ଆପଣଙ୍କ କରୋନା ରିପୋର୍ଟ । ପ୍ରୟାଗରାଜର ମୋତି ଲାଲ ନେହେରୁ ରାଷ୍ଟ୍ରୀୟ ପ୍ରାଦ୍ୟୋଗିକ ସଂସ୍ଥାନର ବୈଜ୍ଞାନିକ ଖୁବ ଶୀଘ୍ର ପ୍ରସ୍ତୁତ କରିବାକୁ ଯାଉଛନ୍ତି ଏମିତି ଏକ ମେସିନ୍ । ଯେଉଁଥିରେ ଆପଣ ମାତ୍ର ୨୦ ସେକେଣ୍ଡରେ ଜାଣିପାରିବେ ଆପଣ କରୋନା ସଂକ୍ରମିତ ହୋଇଛନ୍ତି କି ନାହିଁ । ଆଉ ଏଥିପାଇଁ ଆପଣଙ୍କୁ ମାତ୍ର ୧୦୦ ଟଙ୍କା ଖର୍ଚ୍ଚ କରିବାକୁ ପଡିବ । ଏବେ ଆସନ୍ତୁ ଜାଣିବା କେମିତି କାମ କରିବ ଏହି ମେସିନ୍ ।