ଏହି ଦେଶରେ ପ୍ରଥମେ ବୃଦ୍ଧଙ୍କୁ ନୁହେଁ, ଯୁବକଙ୍କୁ ଦିଆଯିବ କରୋନା ଟିକା

ନୂଆଦିଲ୍ଲୀ: ବିଶ୍ୱର ଅନେକ ଦେଶରେ କରୋନା  ଟିକାକରଣ ଅଭିଯାନ ଚାଲିଛି ଏବଂ ସମସ୍ତ ଦେଶରେ ପର୍ଯ୍ୟାୟକ୍ରମେ ଟିକାକରଣ କରାଯାଉଛି। ଆଉ ପ୍ରାଥମିକତା ପର୍ଯ୍ୟାୟରେ କାହାକୁ ଟିକା ଦିଆଯିବ, ସେ ନେଇ ଏକ ତାଲିକା ପ୍ରସ୍ତୁତ କରାଯାଇଛି | ପ୍ରାୟ ଦେଶରେ ସ୍ୱାସ୍ଥ୍ୟ ସେବା କର୍ମଚାରୀ, କରୋନା ଯୋଦ୍ଧା ଏବଂ ବୟସ୍କମାନଙ୍କୁ ପ୍ରାଥମିକ ଭାବେ ଟିକା ଦିଆଯିବ ବୋଲି ନିଷ୍ପତ୍ତି ନିଆଯାଇଛି | ସମାନ ପଦ୍ଧତି ଭାରତରେ ମଧ୍ୟ ଟିକା ଗ୍ରହଣ କରାଯିବ | କିନ୍ତୁ ଆପଣ ଜାଣିଛନ୍ତି କି ଇଣ୍ଡୋନେସିଆର ଟିକାକରଣ ଯୋଜନା ଭିନ୍ନ ରହିଛି । ଇଣ୍ଡୋନେସିଆରେ ଏହି ମାସରେ ଟିକାକରଣ ଅଭିଯାନ ଆରମ୍ଭ ହେବାକୁ ଯାଉଥିବାବେଳେ ସରକାର ବୃଦ୍ଧଙ୍କୁ ନୁହେଁ ବରଂ ୧୮-୫୯ ବର୍ଷ ବୟସ୍କ ଲୋକଙ୍କୁ ପ୍ରଥମେ ଟିକା ଦେବାକୁ ନିଷ୍ପତ୍ତି ନେଇଛନ୍ତି।

ପ୍ରକୃତରେ, ଇଣ୍ଡୋନେସିଆ ସରକାର ବିଶ୍ୱାସ କରୁଛନ୍ତି ଯେ ୧୮–୫୯ ବର୍ଷ ବୟସର ଲୋକମାନେ କାର୍ଯ୍ୟକୁଶଳୀ ହୋଇଥିବାରୁ ସେମାନଙ୍କୁ ପ୍ରାଥମିକତା ଦେଇ ଟିକା ଦିଆଯିବ | ଏହା ଦ୍ୱାରା କରୋନା ଭୂତାଣୁ ବିରୁଦ୍ଧରେ ଶୀଘ୍ର ରୋଗ ପ୍ରତିରୋଧକ ଶକ୍ତି ବିକଶିତ ହେବା ସହ ଦେଶର ଅର୍ଥନୀତିରେ ଶୀଘ୍ର ଉନ୍ନତି ଆଣିହେବ । ଇଣ୍ଡୋନେସିଆରେ ଟିକାକରଣ ଅଭିଯାନରେ ଚୀନ କମ୍ପାନୀ ସିନୋଭାକ୍ ବାୟୋଟେକ୍ ଦ୍ୱାରା ପ୍ରସ୍ତୁତ ଟିକା 'କରୋନାବେକ'କୁ ବ୍ୟବହାର କରାଯିବ |

ପ୍ରକୃତରେ, ଏହି ଟିକାର ପରୀକ୍ଷଣ ୧୮-୫୯ ବର୍ଷ ବୟସର ଲୋକଙ୍କ ଉପରେ କରାଯାଇଛି, ଯେତେବେଳେ କି ବୃଦ୍ଧଙ୍କ ଉପରେ ଏହା କେତେ ପ୍ରଭାବଶାଳୀ ତାହା ଉପରେ କୌଣସି ତଥ୍ୟ ଉପଲବ୍ଧ ନାହିଁ। ଇଣ୍ଡୋନେସିଆର ସ୍ୱାସ୍ଥ୍ୟମନ୍ତ୍ରୀ ବୁଡି ଗୁନାଡି ସାଦିକିନ କହିଛନ୍ତି ଯେ ପ୍ରଥମ ପର୍ଯ୍ୟାୟରେ ପ୍ରାୟ ୧୮.୧୫ କୋଟି ଲୋକଙ୍କୁ ଟିକା ଦିଆଯିବ | ଦେଶରେ ୬୭% ଲୋକଙ୍କୁ ଟିକାକରଣ କରିବାକୁ ପଡିବ। ଆଉ ଏଥିରେ ପ୍ରାୟତଃ ୧୮-୫୯ ବର୍ଷ ବୟସର ଲୋକ ରହିଛନ୍ତି |