'ଟେଷ୍ଟିଙ୍ଗ୍ ଅନ ଡିମାଣ୍ଡ'କୁ ଅନୁମତି ଦିଅ; ରାଜ୍ୟମାନଙ୍କୁ କହିଲା ଆଇସିଏମ୍ଆର

ନୂଆଦିଲ୍ଲୀ: ସମଗ୍ର ଦେଶରେ କୋଭିଡ -୧୯ ମାମଲା ବୃଦ୍ଧି ପାଉଥିବା ବେଳେ କେନ୍ଦ୍ର ଶୁକ୍ରବାର ଦିନ ରାଜ୍ୟମାନଙ୍କୁ ଚାହିଦା ଅନୁଯାୟୀ ପରୀକ୍ଷା (ଟେଷ୍ଟିଙ୍ଗ୍ ଅନ ଡିମାଣ୍ଡ) କରିବାକୁ ଅନୁମତି ଦେଇଛି। ଏହା ଏକ ଏଭଳି ପଦକ୍ଷେପ ଯାହା ସକରାତ୍ମକ ମାମଲା ଶୀଘ୍ର ଚିହ୍ନଟ କରିବାରେ ସାହାଯ୍ୟ କରିବ ଏବଂ କରୋନା ଆକ୍ରାନ୍ତଙ୍କ ଶୀଘ୍ର ଚିକିତ୍ସା କରାଯାଇ ସେମାନଙ୍କୁ ମୃତ୍ୟୁ ମୁଖରୁ ବଞ୍ଚାଯାଇ ପାରିବ। ପ୍ରେସକ୍ରିପସନର ଆବଶ୍ୟକତାକୁ ଦୂର କରିବା ଏବଂ ପରୀକ୍ଷା ପଦ୍ଧତି ସ୍ଥିର କରିବା ଭଳି ସରଳୀକୃତ ସାଧନ ଉପରେ ନିଷ୍ପତ୍ତି ନେବାକୁ କେନ୍ଦ୍ର ରାଜ୍ୟମାନଙ୍କୁ କହିଛି।

ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍ଆର) ଶୁକ୍ରବାର ଦିନ ଏକ ପରାମର୍ଶଦାତା ଜାରି କରି କହିଛି ଯେ, ଯେଉଁମାନେ ନିଜର କରୋନା ପରୀକ୍ଷା କରିବାକୁ ଚାହୁଁଛନ୍ତି ସେମାନଙ୍କୁ ରାଜ୍ୟ ସରକାର ପରୀକ୍ଷା ପାଇଁ ଅନୁମତି ଦିଅନ୍ତୁ। ଏହା ସହ ‌ଯେଉଁମାନେ ଘରୋଇ କିମ୍ବା ଆନ୍ତର୍ଜାତୀୟ ଉଡାଣ କରିବାକୁ ଅଣ୍ଡରଟେକିଙ୍ଗ ଦେବା ପାଇଁ କରୋନା ପରୀକ୍ଷା କରାଇବାକୁ ଚାହୁଛନ୍ତି ସେମାନଙ୍କ ପାଇଁ ରାଜ୍ୟ ସରକାର ଏହା ଉପଲବ୍ଧ କରାନ୍ତୁ।

India Today

ଏହା ସହ କଣ୍ଟେଣ୍ଟମେଣ୍ଟ ଜୋନରେ ରହୁଥିବା ସମସ୍ତ ଲୋକଙ୍କୁ ଦ୍ରୁତ ଆଣ୍ଟିଜେନ୍ ଟେଷ୍ଟିଂ (ଆରଏଟି) କିଟ୍ ବ୍ୟବହାର କରି ପରୀକ୍ଷା କରାଯିବା ଉଚିତ୍। ବିଶେଷ କରି କରୋନାଭାଇରସ୍ ଦ୍ୱାରା ଅଧିକ ପ୍ରଭାବିତ ସହରଗୁଡିକରେ ଆରଏଟି କିଟ୍ ବ୍ୟବହାର କରି ପରୀକ୍ଷା କରାଯିବା ଦରକାର ବୋଲି କହିଛି ଆଇସିଏମ୍ଆର। ଯଦି ଜଣେ ବ୍ୟକ୍ତି ନେଗେଟିଭ ଆରଏଟି (ରାପିଡ୍ ଆଣ୍ଟିଜେନ୍ ପରୀକ୍ଷଣ) ପରେ କରୋନା ଲକ୍ଷଣ ବିକଶିତ କରେ, ତେବେ ତାଙ୍କର ପୁଣି ଥରେ ଆରଟି-ପିସିଆର ପରୀକ୍ଷା କରାଯିବା ଉଚିତ୍ ବୋଲି କହିଛି ଆଇସିଏମ୍ଆର।

ଏଥିରେ ଦର୍ଶାଯାଇଛି ଯେ, କଣ୍ଟେଣ୍ଟମେଣ୍ଟ ଜୋନରେ ରହୁଥିବା ଶତପ୍ରତିଶତ ଲୋକଙ୍କର ଆରଏଟି ଦ୍ବାରା ପରୀକ୍ଷା କରାଯିବା ଉଚିତ, ବିଶେଷ କରି ଯେଉଁ ସହରରେ ସଂକ୍ରମଣର ବ୍ୟାପକ ବିସ୍ତାର ହୋଇଛି। ପରୀକ୍ଷା ଅଭାବରୁ କୌଣସି ଜରୁରୀକାଳୀନ ପ୍ରକ୍ରିୟା (ପ୍ରସବ ସମେତ) ବିଳମ୍ବ ହେବା ଉଚିତ୍ ନୁହେଁ |