ହରିଦ୍ୱାର: ଉତ୍ତରାଖଣ୍ଡର ହରିଦ୍ୱାରରେ  ମନସା ଦେବୀ ମନ୍ଦିରରେ ରବିବାର ବହୁ ସଂଖ୍ୟକ ଶ୍ରଦ୍ଧାଳୁମାତାଙ୍କ ଦର୍ଶନ ପାଇଁ ମନ୍ଦିରରେ ପହଞ୍ଚିଥିଲେ। ସକାଳ ୬ଟାରେ ଏକ ଗୁଜବ ବ୍ୟାପିଗଲା। ଶ୍ରଦ୍ଧାଳୁମାନେ ଠେଲାପେଲା ହେବା ଆରମ୍ଭ କରିଥିଲେ। ତା'ପରେ କିଛି ସମୟ ମଧ୍ୟରେ ଦଳାଚକଟା ଆରମ୍ଭ ହୋଇ ଯାଇଥିଲା ଦଳାଚକଟାରେ ୬ଜଣଙ୍କର ମୃତ୍ୟୁ ହୋଇଥିବାବେଳେ ୩୫ ଜଣ ଗୁରୁତର ଆହତ ହୋଇଛନ୍ତି। ଆହତମାନଙ୍କୁ ଜିଲ୍ଲା ଡାକ୍ତରଖାନାକୁ ନିଆଯାଇଛି। ସେଠାରେ ସେମାନଙ୍କର ଚିକିତ୍ସା ଚାଲିଛି।

Advertisment

ଜିଲ୍ଲା ମାଜିଷ୍ଟ୍ରେଟ୍ ମୟୂର ଦୀକ୍ଷିତଦୁର୍ଘଟଣା ସହିତ ଜଡିତ ପ୍ରତ୍ୟେକ ପ୍ରଶ୍ନର ଉତ୍ତର ଦେଇଛନ୍ତି। ସେ କହିଛନ୍ତି, କହିଛନ୍ତି, କିଛି ଲୋକ ବିଦ୍ୟୁତ୍ ତାର ସାହାଯ୍ୟରେ ଉପରକୁ ଚଢ଼ୁଥିଲେ। ତା’ପରେ ହଠାତ୍ ଏକ ଗୁଜବ ବ୍ୟାପିଗଲା। କେହି ଜଣେ ଖବର ପ୍ରଚାର କଲେ ଯେ ବିଦ୍ୟୁତ୍ ତାରରେ କରେଣ୍ଟ ଅଛି। ଏବଂ ତା’ପରେ ଦଳାଚକଟା ହେଲା।

ଆମେ ଫଟୋ ଏବଂ ଭିଡିଓ ମାଧ୍ୟମରେ ଜାଣିପାରିଛୁ ଯେ, କେହି ଜଣେ  ତାରରେ କରେଣ୍ଟ ଥିବା ଗୁଜବ ପ୍ରଚାର କରିଥିଲେ।କିଏ ଗୁଜବ ପ୍ରଚାର କରିଥିଲା ତାହା ଆମେ ତଦନ୍ତ କରିବୁ ଏବଂ କ୍ୟାମେରା ଏବଂ ଅନ୍ୟାନ୍ୟ ଉପାୟରେ ତଦନ୍ତ ପାଇଁ ଏକ ମାଜିଷ୍ଟ୍ରେଟ୍ ତଦନ୍ତ  କରାଯିବ। 

ଥାନା ପ୍ରଭାରୀ ରିତେଶ ଶାହ ଦଳାଚକଟା ଘଟଣାର ସତ୍ୟାସତ୍ୟ ଜଣାଇଛନ୍ତି। ପ୍ରାରମ୍ଭରେ କୁହାଯାଇଥିଲା ଯେ,ମନସା ଦେବୀ ମନ୍ଦିରରେ ପ୍ରବଳ ଭିଡ଼ ଯୋଗୁ ଦଳାଚକଟା ହୋଇଥିଲା। ଏହା ସହିତ, ଏହା ମଧ୍ୟ କୁହାଯାଇଥିଲା, ମନ୍ଦିରରେ ଗୁଜବ ପ୍ରଚାର ହେବା ପରେ ଦଳାଚକଟା ହୋଇଥିଲା। ଲୋକଙ୍କ ମଧ୍ୟରେ ଏକ ଗୁଜବ ବ୍ୟାପିଗଲା ଯେ,ବିଦ୍ୟୁତ୍ ତାରରେ କରେଣ୍ଟ ଅଛି, ଯାହାକୁ ଧରି ଲୋକମାନେ ଉପରକୁ ଚଢୁଛନ୍ତି। ଫଳରେ ଲୋକମାନେ ଏଣେତେଣେ ଦୌଡ଼ିବାକୁ ଲାଗିଲେ।

ଅଧିକ ପଢ଼ନ୍ତୁ: ହରିଦ୍ୱାର ମନସା ଦେବୀ ମନ୍ଦିରର ପାଦଚଲା ରାସ୍ତାରେ ଦଳାଚକଟା: ୬ମୃତ, ବହୁ ଆହତ

ୟରବିବାର ସକାଳେ, ମନସା ଦେବୀ ମନ୍ଦିରରେ ଜଳ ଅର୍ପଣ କରିବା ପାଇଁ ଶ୍ରଦ୍ଧାଳୁ ମାନଙ୍କର ଏକ ବିରାଟ ଭିଡ଼ ଜମିଥିଲା। ବହୁ ସଂଖ୍ୟକ ଲୋକ ମନ୍ଦିରରେ ପହଞ୍ଚିଥିଲେ। ଏହି ସମୟରେ ମୌସୁମୀ ବର୍ଷା ମଧ୍ୟ ହେଉଛି, ଯାହା ଫଳରେ ରାସ୍ତାଗୁଡ଼ିକ ପାଣିରେ ବୁଡ଼ି ରହିଛି ।  ମନ୍ଦିରକୁ ଯାଉଥିବା ରାସ୍ତାଗୁଡ଼ିକ ମଧ୍ୟ ସଂକୀର୍ଣ୍ଣ। ଯେତେବେଳେ ମନ୍ଦିରରେ ବିଦ୍ୟୁତ୍ କରେଣ୍ଟ ଲାଗିଛି ବୋଲି ଗୁଜବ ବ୍ୟାପିଗଲା, ଶ୍ରଦ୍ଧାଳୁମାନଙ୍କ ମଧ୍ୟରେ ଆତଙ୍କ ଖେଳିଯାଇଥିଲା।


ଏପରି ପରିସ୍ଥିତିରେ ପରିସ୍ଥିତି ନିୟନ୍ତ୍ରଣ ବାହାରକୁ ଚାଲିଗଲା ଏବଂ ଲୋକଙ୍କ ମଧ୍ୟରେ ଦଳାଚକଟା ଆରମ୍ଭ ହୋଇଯାଇଥିଲା। ସେମାନେ ପରସ୍ପରକୁ ଚାପି ଦେଇ ଆଗକୁ ବଢ଼ିବାକୁ ଲାଗିଲେ। ନିଜକୁ ବଞ୍ଚାଇବା ପାଇଁ ଲୋକଙ୍କ ମଧ୍ୟରେ ଦୌଡ଼ ଆରମ୍ଭ ହୋଇଗଲା ଏବଂ ସେମାନେ କିଛି ନ ଦେଖି ଦୌଡ଼ିବାକୁ ଲାଗିଲେ। ଘଟଣାସ୍ଥଳରେ  ଚିତ୍କାର ଶୁଣିବାକୁ ମିଳିଥିଲା। ସମସ୍ତେ ନିଜ ନିଜର ଏବଂ ନିଜ ପ୍ରିୟଜନଙ୍କ ଜୀବନ ବଞ୍ଚାଇବା ପାଇଁ ଏଣେତେଣେ ଦୌଡ଼ିବାକୁ ଲାଗିଲେ। ସ୍ଥାନୀୟ ପୁଲିସ ଏବଂ ଅନ୍ୟାନ୍ୟ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଛନ୍ତି। ଉଦ୍ଧାର କାର୍ଯ୍ୟ ଜାରି ରହିଛି।

ଅଧିକ ପଢ଼ନ୍ତୁ: ଫିଲ୍ମ ପ୍ରିମିୟରରେ ହଙ୍ଗାମା:ପ୍ରଯୋଜକଙ୍କୁ ଚପଲରେ ପିଟିଲେ ଅଭିନେତ୍ରୀ

Mansa-Devi Temple