ଥାଙ୍କ୍ ୟୁ ମୋଦୀଜୀ ! : ପ୍ରଧାନମନ୍ତ୍ରୀଙ୍କୁ ଭେଟିଲେ ଦାଉଦି ବୋହରା ପ୍ରତିନିଧି

ନୂଆଦିଲ୍ଲୀ : ୱାକଫ ସଂଶୋଧନ ଆଇନକୁ ନେଇ ସାରା ଦେଶରେ ରାଜନୀତି ଉଷ୍ମ। ମୋଦୀ ସରକାର ମୁସଲମାନମାନଙ୍କ କଲ୍ୟାଣ ପାଇଁ ଏହି ଆଇନକୁ ଆବଶ୍ୟକ ବୋଲି କହୁଥିବା ବେଳେ, କଂଗ୍ରେସ ସମେତ ଅନେକ ବିରୋଧୀ ଦଳ ଏବଂ ଅନେକ ମୁସଲିମ ସଂଗଠନ ୱାକଫ ସଂଶୋଧନ ଆଇନକୁ ମୁସଲମାନମାନଙ୍କ ବିରୋଧୀ ବୋଲି କହୁଛନ୍ତି। ୱାକଫ ସଂଶୋଧନ ଆଇନ ବିରୋଧରେ ଆବେଦନଗୁଡ଼ିକର ଶୁଣାଣି ମଧ୍ୟ ସୁପ୍ରିମକୋର୍ଟରେ ଚାଲିଛି। ଅନ୍ୟପକ୍ଷରେ, ଦାଉଦୀ ବୋହରା ସମ୍ପ୍ରଦାୟର ଲୋକମାନେ ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟି ୱାକଫ ସଂଶୋଧନ ଆଇନ ପାଇଁ ଧନ୍ୟବାଦ ଜଣାଇଛନ୍ତି।

ସୂଚନାଯୋଗ୍ୟ ଯେ ଓ୍ବାକଫ ସଂଶୋଧନ ଆଇନକୁ ନେଇ ପଶ୍ଚିମବଙ୍ଗ ସମେତ ଦେଶର କେତେକ ରାଜ୍ୟରେ ବିରୋଧ ପ୍ରଦର୍ଶନ କରାଯାଉଛି । କିନ୍ତୁ ପ୍ରଧାନମନ୍ତ୍ରୀ ଓ କେନ୍ଦ୍ର ସରକାର କହିଆସୁଛନ୍ତି ଯେ ଓ୍ବାକଫ ସଂଶୋଧନ ଆଇନ ମୁସଲମାନଙ୍କ ବିରୋଧୀ ନୁହେଁ । ବରଂ ଏହା ଗରିବ ମୁସଲମାନ ବିଶେଷ କରି ଦାଉଦି ବୋହରା, ପସମାନ୍ଦା ମୁସଲମାନଙ୍କ ସ୍ବାର୍ଥ୍ୟ ରକ୍ଷା କରିବ ।