ଦୀର୍ଘ ୭ବର୍ଷ ପରେ ସ୍ବଚ୍ଛ ବାୟୁ ପାଇଲା ଦିଲ୍ଲୀ

ନୂଆଦିଲ୍ଲୀ: ଦିଲ୍ଲୀର ବାୟୁ ଦିନକୁ ଦିନ ବିଷରେ ପରିଣତ ହେଉଥିବା ନେଇ ଏକପ୍ରକାର ଚିନ୍ତା ଘାରିଥିଲା। ଏଭଳି ସମୟରେ ଏକ ଆଶ୍ବସ୍ତିର ପରିସ୍ଥିତି ଆସିଛି। 

ଦିଲ୍ଲୀ ବର୍ତ୍ତମାନ  ସବୁଠାରୁ ସ୍ୱଚ୍ଛ ବାୟୁ ଅନୁଭବ କରୁଛି। ଦିଲ୍ଲୀ ଗତ ୭ବର୍ଷ ପରେ ଚଳିତ ଜୁଲାଇ ମାସରେ ସବୁଠାରୁ ସ୍ୱଚ୍ଛ ବାୟୁ ରେକର୍ଡ କରିଛି। ବାୟୁର ଗୁଣବତ୍ତା ସୂଚକାଙ୍କ ହାରାହାରି ୭୮ ରହିଛି। ଯାହା ଏକ ଆଶ୍ୱସ୍ତିକର ବିଷୟ।  

କ୍ୱାଲିଟି ମ୍ୟାନେଜମେଣ୍ଟ କମିଶନ ଏହାକୁ ଏକ ସକାରାତ୍ମକ ପରିବର୍ତ୍ତନ ଭାବରେ ବର୍ଣ୍ଣନା କରି କହିଛି ଯେ ଏହା କେବଳ ପାଗର ଆଶୀର୍ବାଦ ନୁହେଁ, ବରଂ କଂକ୍ରିଟ୍ କାର୍ଯ୍ୟ ଯୋଜନାର ଫଳାଫଳ ରହିଛି। ଯଦି ଆମେ ଗତ ୭ ବର୍ଷର ରେକର୍ଡ ଉପରେ ନଜର ପକାଇବା, ତେବେ ଏହା ସ୍ପଷ୍ଟ ଭାବରେ ଦର୍ଶାଉଛି ଯେ ଦିଲ୍ଲୀର ବାୟୁ ଗୁଣବତ୍ତା ୨୦୨୫ ଜୁଲାଇରେ ସର୍ବୋତ୍ତମ ଥିଲା। 

ଯଦି ଆମେ ୨୦୧୮ ରୁ ୨୦୧୪ ପର୍ଯ୍ୟନ୍ତ ତଥ୍ୟ ଉପରେ ନଜର ପକାଇବା, ତେବେ ୨୦୧୮ ଜୁଲାଇ ମାସରେ ବାୟୁର ଗୁଣବତ୍ତା ସୂଚକାଙ୍କ ହାରାହାରି ୧୦୪ ରହିଥିବା ବେଳେ ୨୦୧୯ ରେ ୧୩୪, ୨୦୨୦ ରେ ୮୪ (ଯେତେବେଳେ ଲକଡାଉନ ଯୋଗୁଁ ପ୍ରଦୂଷଣ କମ୍ ଥିଲା), ୨୦୨୧ ରେ ୧୧୦, ୨୦୨୨ ରେ ୮୭, ୨୦୨୩ ରେ ୮୪ ଏବଂ ୨୦୨୪ ରେ ୯୬ ଥିଲା। 

ପରିବେଶ ମନ୍ତ୍ରୀ ମନଜିନ୍ଦର ସିଂହ ସିରସା ସୋସିଆଲ ମିଡିଆରେ ଏକ ଭିଡିଓ ସେୟାର କରି ଦାବି କରିଛନ୍ତି ଯେ ଏହି ପରିବର୍ତ୍ତନ କେବଳ ପାଗ ଯୋଗୁଁ ନୁହେଁ, ବରଂ ସରକାରଙ୍କ ଠୋସ୍ ନୀତି ଏବଂ ନିରନ୍ତର ପ୍ରୟାସର ଫଳାଫଳ ରହିଛି।