ବେଙ୍ଗାଲୁରୁ: ଆଇପିଏଲ ୨୦୨୫ର ୨୪ତମ ମ୍ୟାଚ୍ ଗୁରୁବାର ବେଙ୍ଗାଲୁରୁର ଏମ. ଚିନ୍ନାସ୍ୱାମୀ ଷ୍ଟାଡିୟମରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ଏବଂ ଦିଲ୍ଲୀ କ୍ୟାପିଟାଲ୍ସ (ଡିସି) ମଧ୍ୟରେ ଖେଳାଯାଉଛି। ମ୍ୟାଚ୍‌ରେ ଦିଲ୍ଲୀ ଅଧିନାୟକ ଅକ୍ଷର ପଟେଲ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି।

Advertisment

ବର୍ତ୍ତମାନ ଉଭୟ ଦଳ ପଏଣ୍ଟ ଟେବୁଲର ଶୀର୍ଷ-୪ ରେ ଅଛନ୍ତି। ଦିଲ୍ଲୀ କ୍ୟାପିଟାଲ୍ସ ୬ ପଏଣ୍ଟ ସହିତ ଦ୍ୱିତୀୟ ସ୍ଥାନରେ ଥିବା ବେଳେ ଆରସିବି ମଧ୍ୟ ୬ ପଏଣ୍ଟ ସହିତ ତୃତୀୟ ସ୍ଥାନରେ ଅଛି। ଦିଲ୍ଲୀ ଏହି ସିଜିନରେ ଲଗାତାର ତିନୋଟି ମ୍ୟାଚ୍ ଜିତି ବିଜୟର ହ୍ୟାଟ୍ରିକ୍ ହାସଲ କରିଛି। ଆରସିବି ମଧ୍ୟ ନିଜର ବିଜୟ ଧାରା ବଜାୟ ରଖିବାକୁ ଚାହୁଁଛି।

ଅକ୍ଷର ପଟେଲଙ୍କ ଅଧିନାୟକତ୍ୱରେ ଦିଲ୍ଲୀ ଦଳ ଏହି ସିଜିନରେ ଏପର୍ଯ୍ୟନ୍ତ ଚମତ୍କାର ପ୍ରଦର୍ଶନ କରିଛି। ଦିଲ୍ଲୀ ତିନୋଟି ମ୍ୟାଚ୍ ଖେଳିଛି ଏବଂ ତିନୋଟିରେ ବିଜୟୀ ହୋଇଛି। ଅନ୍ୟପକ୍ଷରେ ଆରସିବିର ପ୍ରଦର୍ଶନ ମଧ୍ୟ ଭଲ ରହିଛି। ଦଳ ଚାରୋଟି ମ୍ୟାଚ୍‌ରୁ ତିନୋଟିରେ ବିଜୟୀ ହୋଇଛି। ତେଣୁ, ଉଭୟ ଦଳ ମଧ୍ୟରେ ଏକ କଡ଼ା ମୁକାବିଲା  ଦେଖିବାକୁ ମିଳିବ।

ଦିଲ୍ଲୀ କ୍ୟାପିଟାଲ୍ସର ଅଭିଜ୍ଞ ଖେଳାଳି ଫାଫ୍ ଡୁ ପ୍ଲେସିସ୍ ଗତ ମ୍ୟାଚ୍ ଖେଳିପାରି ନଥିଲେ। ଏବେ ସେ ପ୍ଲେଇଂ ଇଲେଭେନକୁ ଫେରିଛନ୍ତି। କେଏଲ ରାହୁଲ ଦିଲ୍ଲୀ ପାଇଁ ଗୁରୁତ୍ୱପୂର୍ଣ୍ଣ ପ୍ରମାଣିତ ହୋଇପାରନ୍ତି।

ଆରସିବି ଘରୋଇ ଗ୍ରାଉଣ୍ଡରେ ଖେଳୁଛି। ଦଳ ଏଥିରୁ ଲାଭ ପାଇବାର ଆଶା ରହିଛି। ବେଙ୍ଗାଲୁରୁ ଏହି ସିଜିନରେ ରଜତ ପଟିଦାରଙ୍କ ଅଧିନାୟକତ୍ୱରେ ଏପର୍ଯ୍ୟନ୍ତ ଚାରୋଟି ମ୍ୟାଚ୍ ଖେଳିଛି ଏବଂ ତିନୋଟିରେ ବିଜୟୀ ହୋଇଛି। ତାଙ୍କୁ ଗୁଜରାଟ ଟାଇଟାନ୍ସ ବିପକ୍ଷରେ ପରାଜୟର ସାମ୍ନା କରିବାକୁ ପଡିଥିଲା। ବେଙ୍ଗାଲୁରୁ ଦିଲ୍ଲୀ ବିପକ୍ଷରେ ୧୯ଟି ମ୍ୟାଚ୍ ଜିତିଛି। ଯେତେବେଳେ ଦିଲ୍ଲୀ ୧୧ଟି ମ୍ୟାଚ୍ ଜିତିଛି। ଏବେ ପୁଣି ଥରେ ଏହି ଦୁଇ ଦଳ ପରସ୍ପର ବିପକ୍ଷରେ ମଇଦାନକୁ ଓହ୍ଲାଇଛନ୍ତି।

ଅଧିକ ପଢ଼ନ୍ତୁ: ହମାସର ଜାଲରେ ଫସିଗଲା ମୋସାଦ: କମାଣ୍ଡରଙ୍କ ବିଷୟରେ କୌଣସି ସୂଚନା ମିଳୁନି

ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ପ୍ଲେଇଂ ଇଲେଭେନ୍: ବିରାଟ କୋହଲି, ଫିଲ୍ ସଲ୍ଟ, ଦେବଦତ୍ତ ପାଦିକ୍କଲ, ରଜତ ପାଟିଦାର, ଲିଆମ୍ ଲିଭିଙ୍ଗଷ୍ଟୋନ୍, ଜିତେଶ ଶର୍ମା, ଟିମ୍ ଡେଭିଡ, କ୍ରୁନାଲ ପାଣ୍ଡ୍ୟା, ଭୁବନେଶ୍ୱର କୁମାର, ଜୋଶ ହାଜଲେଉଡ, ଯଶ ଦିନଲ।

ଦିଲ୍ଲୀ କ୍ୟାପିଟାଲ୍ସ ପ୍ଲେଇଂ ଇଲେଭେନ: ଫାଫ୍ ଡୁ ପ୍ଲେସିସ୍, ଜେକେ ଫ୍ରେଜର-ମ୍ୟାକଗର୍କ, ଅଭିଷେକ ପୋରେଲ, ଟ୍ରିଆଷ୍ଟ ଷ୍ଟବ୍ସ, କେ.ଏଲ୍ ରାହୁଲ, ଅକ୍ଷର ପଟେଲ, ଅଶୁତୋଷ ଶର୍ମା, ବିପରାଜ ନିଗମ, ମିଚେଲ ଷ୍ଟାର୍କ, କୁଲଦୀପ ଯାଦବ, ମୋହିତ ଶର୍ମା , ମୁକେଶ କୁମାର।

ଅଧିକ ପଢ଼ନ୍ତୁ: ଉଠିଥିବା ଗୁଜବର ଘଟିଲା ଅନ୍ତ; ପୁଣିଥରେ ଅଧିନାୟକ ହେଲେ ଧୋନି

IPL | Indian Premier League 2025 | RCB vs DC | 24th Match